13
A petutna ra o God in gas nami
1 Gong mot mana nama marmaris etetalai torom mot, lar a kabo tistisino. 2 Rom 12:13; Stat 18:1-8; 19:1-3Gong mot dumano i sur mot in gas pas a kum usiro. Uni ara taro ra det pam a ngasino ra, det sa gas pas a kum ensel, ikut ka det tasmani. 3 Mot in nuk pas det ra det kis una karabus, elar nami ra mot karabus tomo utkai nam det. Mot in nuk pas det kai ra di ban laulau det, elar nami ra di ban laulau mot utkai.
4 Ep 5:5I wakak ra mot rop, mot in ru a kinkinis na nolin, ma gong tu dur na petutna in kis uni. Uni o God in kuro taio ra i pam a sakino nam tu ino anun taio o tu musano anun taio, ma taio kai ra i pam a kum pamuk na petutna.
5 Lo 31:8; Jos 1:5Mot in tamtamabat mot sur mot in langolango gusun a nemnem sur a mani. Mot in gas kut nama sau ra kura tamot. Uni o God i sa watung tari lena,
“Kan madek ru ui,
ma kan nan gusun ui.” Lo 31:6
6 I mo ra ka dat in ngara, dat in watungi kut lena,
“A Labino anung a tene warut,
ma kan ngara.
Asau ra a taro det in pami un iau?” Sng 118:6-7
7 1 Kor 4:16Mot in nuk pas anumot a kum mugumugu, ra numugu det sa ususer tar mot una wasiso anun o God. Mot in nuk pas anundet a ngas na nilaun, ma mot in mur anundet a nurnur. 8 O Iesu Karisito ken senene. Numugu, ma uniri, ma numur ma ken rop, o Iesu Karisito i elar kut.
9 Rom 14:17Gong mot mur a kum wur ngas na etowo ra i ben raro mot. I wakak ra a marmaris anun o God in udekdek a niondat. Ra dat mur a kum warkurai una utna na inangon, ken udekdek a niondat, ma ken warut det ra det ser mur a kum warkurai ra.
10 Ikut anundat a kabulu na tuntun etabor i kis, ma ka di mulaot a kum tene etabor torom o God ra kura det papam tiro na rumu na sel, sur det in nangon taguni. 11 Wkp 16:27A mugumugu na tene etabor torom o God i ser los ruk a gapin a kum wewegua una nubual ra i Tabu Sakit, sur a etabor ra in unus ru a kum sakino petutna. Ikut, a kudulano pinin a kum wewegua di tun ru det nago piso utamon. 12 Jn 19:17Lenkaira o Iesu i taramo a ngunungut ma i mat nago upiso tan a matansako ina labino tamon, sur in gos talapor a taro nama gapino ut, sur det a taro anun o God. 13 Ibr 12:2I wakak sur dat in nan toromi kunago upiso utamon, ma dat in taramo a maimai tomo nami. 14 Ibr 11:10, 16; 12:22Uni awu sur anundat a tamon ri in kis tukum. Dat tamtama sur a tamon ra kura numur in nanpat.
15 Sng 50:14, 23I mo ra, una kum bung rop dat in watung ulabo pas o God, una risan o Iesu. A wasiso na ulabo ra, in elar nama etabor ra dat pitari torom o God, ra a wandat i upuaso a risano. 16 Pil 4:18Gong mot dumano i sur mot in pam a kum wakak na pinapam ma mot in tabor a taro. Uni a pinapam ra, i elar nama etabor torom o God ra in gas uni.
17 1 Tes 5:12Mot in mur a wasiso anun anumot a kum mugumugu, ma mot in kis utuntudu ina anundet a warkurai, uni det tamtamabat mot, ma numur det in wasiso talapor umatan o God una nundet a kum pinapam torom mot. Ra mot in mur anundet a wasiso, det in gas una nundet a kum pinapam. Ikut, ra awu, det in papam nama tupunuk, ra ken warut mot.
18 Ap 24:16; 2 Kor 1:12Mot in wararing sur met. Met tasman mulusi lena a nuknuki met ke takun met un tu utna, ma met nemi sur anumet a petutna in tokodos una kum utna rop. 19 Ma a saring dekdek mot, sur mot in wararing, sur o God in tulu lakit melet iau torom mot.
A niaring sur o God in warut dat
20 Jer 32:40; Ese 37:26; 1 Pit 2:25A wararing torom o God ra i ser pitar a malmal. I ra i ukatutur melet pas anundat a Labino o Iesu gusun a minat. O Iesu, i a labino tene tamtamabat anun a kum sipsip ra i mat ma i pitar tar a gapino ut sur in pam a kunubus ra in tur tukum. I mo ra o God i ukatutur melet pasi gusun a minat. 21 A wararing torom o God sur in tabor mot nama kum wakak na petutna rop, sur mot in mur anun a nemnem. A wararing kai un dat, lena, una pinapam anun o Iesu Karisito, o God in papam una nilaun anundat sur asau ra in gas nami. Dat in watung ulabo pas o Iesu Karisito, ken rop ma ken rop. Amen.
A wasiso na marmaris
22 A kum tistising, a saring pas mot sur mot in longoro wakak a wasiso na warut ri, uni a pas ri a tumusi torom mot awu sur i walos. 23 An inanos mot, una tisindat o Timoti, di sa upirso ru i gusun a karabus. Ra in nanpat lakit nin, mir rop mir in nanpat torom mot.
24 Mot in pitar anumet a marmaris torom anumot a kum mugumugu rop, ma torom a taro rop anun o God. Det kai tagitong o Itali det pitar anundet a marmaris torom mot.
25 A marmaris anun o God in kis torom mot rop.