2
O Iesu i a wat ra i laun
Ep 4:22; Jem 1:21I mo ra mot in lakro ru a kum sakino petutna rop, a wasiso torotoro ma a nilaun na torotoro, a nuknuk laulau sur a utna anun taio, ma a wur ngas na wasiso laulau un taio. Mot in nem doko a utna na nion ra katu dur uni, sur mot in lubung nami, tuk ra mot in dekdek una matok na nilaun. Mot in nem doko a utna na nion, elar nama kum nat miso det nem doko a polono sus. Sng 34:8Uni mot sa lar tama tar a ngas na nilaun anun a Labino, ma mot tasmani lena a Labino i wakak doko.
Mot in nan torom a Labino, i a wat ra i laun. A taro det lakro ru tari, ikut o God i pilok pasi, ma i wakak doko umatano. Ep 2:21-22; Tam 1:6Ra mot kai, mot elar nama kum watat ra det laun, ma o God i pam mot sur mot, a rumu anun a Tokodos na Nion. Mot in nanpat a kum tene tuntun etabor anun o God, sur mot in pitar a kum etabor ra i nion, ra i wakak umatano, i kibino un o Iesu Karisito. Ep 2:20Uni di sa tumus tari una Buk Tabu lenri,
“Tama i, a ubek tar a wat sapat o Saion.
A wakak na wat ra a sa pilok pasi sur in udekdek a rumu.
Ma osi ra in nurnur uni, ken maimai.” Ais 28:16
Torom mot ra mot nurnur, a wat ra i wakak, ikut torom det ra ka det nurnur,
“A wat ra a kum tene pam rumu det lakro ru tari,
i ut ra, i wanpat a wakak na wat ra i udekdek a rumu.” Sng 118:22
Ais 8:14-15“A wat ra, a taro det in tutuka uni,
ma det in puku.” Ais 8:14
Det tutuka uni, uni det pitarngat una wasiso anun o God. Ra det pami lenra, anun a wasiso ra i watung tari numugu un det, i sot un det.
Lo 7:6; 14:2; Ais 9:2; Tai 2:14; Ap 26:18; Ep 5:8Ikut mot a taro na pipilok, a kum tene tuntun etabor anun a King, a tokodos na kabotaro, ma a taro anun o God. O God i sa kabo pas mot gusun a dumirum sur anun a talapor ra i wakak doko, sur mot in wasiso puaso una anun a kum wakak na pinapam. 10  Os 2:23Numugu, awu sur mot a taro anun o God, ikut uniri mot anun a taro. Numugu ka mot rakon a marmaris anun o God, ikut uniri mot sa rakoni.
11  Gal 5:17, 24A kum wakak na paspasang, mot kis na usiro nin una rakrakon bual, awu sur anumot a tamon ri. I mo ra a saring mot, sur gong mot mur a kum sakino nemnem ina pinimot, ra det inaim nama niomot. 12  Mt 5:16Mot in pam a wakak na petutna epotor tan a taro ra ka det nurnur, sur det ra det takun mot lena mot a kum tene pam sakino, det in tama anumot a kum wakak na pinapam, ma det in watung ulabo pas o God una bung ra in nanpat uni.
Mot in unatino pas mot torom a kum mugumugu tagun a gapman
13  Tai 3:1I wakak sur mot in unatino pas mot torom det rop ra det pam ukai a warkurai nin upiso. Mot in pami uni a Labino i nemi lenra. Mot in unatino pas mot torom a king, i ra a labino mugumugu tagun a gapman. 14 Ma mot in unatino pas mot kai torom a kum mugumugu ra a king i ser tulu ru det, sur det in warkurai a taro ra det pam a sakino, ma det in watung ulabo pas a taro ra det pam a wakakino. 15  1 Pit 3:16Uni o God i nemi sur mot in pam a kum wakak na pinapam, sur mot in sakbat ru a kum wasiso oros kut anun a taro ra ka det mananos. 16 Mot sa langolango, ikut gong mot langolango sur mot in pam a sakino. Mot in laun elar nami ra mot a kum tultul anun o God. 17  Rom 12:10Mot in urur torom a taro rop. Mot in nem a kum tistisi mot una nurnur, mot in ngara sur o God, ma mot in urur torom a king.
Dat in mur a magiran o Iesu
18  Ep 6:5Mot a kum tene ititula, mot in unatino pas mot torom anumot a kum mugumugu nama urur. Gong mot unatino pas mot kut torom det ra det ser wakak mot ma det ser maris mot, mot in unatino pas mot kai torom det ra a magirandet ke tokodos torom mot. 19 Ra ka mot pam tu sakino petutna, ikut mot taramo a kum maut tan a taro, o God in gas nam mot, ra mot mur a nuknukino, ma mot tur dekdek. 20  1 Pit 3:14, 17Ra mot pam a sakino petutna ra di um mot, ra mot taramo a ngunungut uni, o God ken watung ulabo pas mot. Ikut ra mot pam a tokodos na petutna, ra di ukadik mot uni, o God in gas nam mot ra mot tur dekdek.
21  Mt 16:24; Jn 13:15O God i sa kabo pas mot sur mot in tur dekdek, ra mot taramo a ngunungut. Uni o Karisito i taramo a ngunungut un mot, ma i ese tar mot una magirano ra, sur mot in mur a kiwino.
22 “Ke pam tar tu sakino petutna,
ma ke watung tar tu torotoro na wasiso.” Ais 53:9
23  Ais 53:7; 1 Pit 3:9Ra a taro det watung laulau i, ke balu det. Ra det ukadiki, ke kankan ma ke watung tari lena, in ban laulau det, awu. I madek tari ut una laman o God, i ra i ser warkurai nama tokodos na warkurai. 24  Rom 6:11; Ais 53:5-6O Karisito ut i los pas anundat a kum sakino petutna una pinino ra i mat unin nanai kutus, sur dat in mat gusun a sakino petutna, ma dat in laun sur a tokodos na petutna. Ma una kum iniru una pinino, i ulangolango pas mot. 25  Ese 34:5-6; Mt 9:36; Jn 10:14; Ibr 13:20-21Uni numugu mot elar nama kum sipsip ra det wan raro, ikut uniri mot sa milet melet torom anumot a Tene Tamtamabat anun a kum sipsip, a Tene Tamtamabat una niomot.

2:1: Ep 4:22; Jem 1:21

2:3: Sng 34:8

2:5: Ep 2:21-22; Tam 1:6

2:6: Ep 2:20

2:8: Ais 8:14-15

2:9: Lo 7:6; 14:2; Ais 9:2; Tai 2:14; Ap 26:18; Ep 5:8

2:10: Os 2:23

2:11: Gal 5:17, 24

2:12: Mt 5:16

2:13: Tai 3:1

2:15: 1 Pit 3:16

2:17: Rom 12:10

2:18: Ep 6:5

2:20: 1 Pit 3:14, 17

2:21: Mt 16:24; Jn 13:15

2:23: Ais 53:7; 1 Pit 3:9

2:24: Rom 6:11; Ais 53:5-6

2:25: Ese 34:5-6; Mt 9:36; Jn 10:14; Ibr 13:20-21