3
A kinkinis na nolin
1 Ep 5:22Lenkutkai ra, mot a kum nolin na wardain, mot in unatino pas mot torom anumot a kum musano. Ra a ramano tagun det ka det nurnur una wasiso anun o God, a wakak na magiramot kut in wasiso torom det. A magiramot in ben pas det torom o God, 2 ra det tama lele anumot a tokodos na petutna ma a urur ra mot ser pami. 3 1 Tim 2:9Gong mot nuknuk doko sur a wakak na ememar una pinimot, lenri a iris lorimot, ma a kum kamkabaran di pami nama gol, ma a kum wakak na malu na emar. 4 Anumot a ememar mulus ra ken rop, in nanpat ut tagun a balamot, lenri a wowowon na petutna ma a kinkinis na malmal. A ememar ri, a labino utna doko umatan o God. 5 A kum wardain tagun numugu, ra det tokodos ma det nurnur un o God, det ser emar lenri. Det ser unatino pas det torom anundet a kum musano, 6 Stat 18:12elar nam o Sara ra i ser longoro o Abaram, ma i watungi lena anun a labino. Ma mot a kum nutnutun o Sara, ra mot pam asau ra i tokodos, ma ka mot ngara.
7 Ep 5:25Lenkutkai ra, mot a kum nolin na musano, mot in nem anumot a kum wardain una numot a kinkinis na nolin. Mot in pitar a urur torom det, uni a dekdekin det ke elar nama dekdeki mot. Det kai det in rakon a nilaun ra o God in pitari tamot. Mot in pami lenra, sur gong tu utna i turbat anumot a kum niaring.
A ngunungut ra din taramo i una tokodos na petutna
8 Anung a kum ururop na wasiso torom mot rop i lenri, i wakak sur a nuknuki mot in takai kut. Ra taio tagun mot in los a maut, mot kai mot in losi tomo nami. Mot in nem etetalai mot elar ut ra mot nisnisino. Mot in lason una marmaris, ma mot in unatino pas mot. 9 Gong mot balu a laulau ino nama laulau ino, ma gong mot balu a sakino wasiso nama sakino wasiso. Mot in watung udan det ra det pam a laulau ino torom mot, uni o God i kabo pas mot sur mot in pami lenra, ra in watung udan mot. 10 Uni a Buk Tabu i watungi lenri,
“Ra taio i nem a wakak na nilaun,
ma i nemi sur in tama a kum wakak na bung na gasgas,
in tamtamabat a wano gusun a kum sakino wasiso,
ma gong i toro.
11 In tupukus gusun a sakino ma in pam a wakak na petutna.
In sisio sur a kisapi na malmal ma in dekdek pasi sur in muri.
12 Uni a Labino i tamtama taru una kum tene tokodos,
ma i longoro anundet a kum niaring.
Ikut i rosumur gusun det ra det pam a laulau ino.” Sng 34:12-16
13 Ra mot dekdek sur mot in pam a utna ra i wakak, osi ra in ban laulau mot? 14 Mt 5:10; 1 Pit 2:20; 4:14Ikut, ra din ukadik mot kibino una numot a tokodos na petutna, mot dan.
“Gong mot ngaran a kum utna ra det in ungaran mot nami,
ma gong mot neder.” Ais 8:12-13
15 Ikut mot in utur ukai o Karisito sur in nanpat a Labino una nilaun anumot. A kum bung rop, mot in kis na waninar sur mot in balu taio ra in ting mot lena, asau a kibino ra mot kis langlang nama nurnur. Ikut, ra mot balu i, mot in balu i nama wowowon na petutna ma a urur. 16 1 Pit 2:12Ma mot in ser mur a ngasino ra mot tasmani lena i tokodos, sur det ra det watung laulau a kum wakak na petutna mot pami ra mot mur o Karisito, det in maimai una wasiso ra det watung laulau mot nami. 17 Ra mot in taramo a ngunungut, uni mot pam a laulau ino, i wakak kut. Ikut ra o God i nemi sur mot in taramo a ngunungut una wakak na pinapam ra mot pami, i wakak doko.
18 Uni o Karisito kai i taramo a ngunungut ra i mat ara dino kut, una nundat a kum sakino petutna. A Tene Tokodos i mat sur det ra ka det tokodos, sur in ben pas mot torom o God. Det um doko ru a pinino, ikut di ulaun pasi una nion. 19 Ma i wan ra i warawai torom a kum nion ra det kis na karabus. 20 Stat 6:1-22; 7:1-24A kum nion ra, a nion a taro tagun numugu utmakai una kum kilalo anun o Noa. O God i kiskis langlang pas det sur det in nukpukus, ra o Noa i pam a sip. Ikut det pitarngat. Ra o God i ulaun pasi mukut a tiwal det gusun in nolomom.
21 In nolomom i tur ukinalong a baptais ra i ulaun mot uniri. Ka di baptaiso mot sur din rus ru a dur tagun a pinimot, awu. A baptais i elar nami ra mot pitar tar mot torom o God ma mot tasmani lena mot tokodos umatan o God. Ra i ulaun mot kibino una katutur melet anun o Iesu Karisito gusun a minat. 22 I ra i wan tito usapat una langit, ra uniri i kis una papor sot na laman o God. Ma a kum ensel, ma a kum nion ra det utur ukai a warkurai, ma a kum nion kai ra det utur ukai a dekdek, det kis utuntudu ino.