2
A pinapam na ulaun a taro ra o Iesu i pami
1 I mo ra i wakak sur dat in mur a kum etowo ra dat sa longoro tari. Dat in mur a kum etowo ra, sur gong dat wan gisen gusuni. 2 Gal 3:19A kum wasiso ra numugu a kum ensel det wasiso talapor nami i tur sikot* A wasiso ra a kum ensel det wasiso talapor nami a kum warkurai anun o Moses.. Ra taio ke muri o i pitarngat kut, din pitar tar a warkurai na minabalu toromi, ra i elar nam anun a pitarngat. 3 Ibr 10:29; 12:25Ra i lenra, in pepetlai torom dat, ra dat rosumur gusun a labino pinapam na ulaun a taro ra o God i sa pam tari? Ka dat in kalabor eno lar pas gusun anun a warkurai na minabalu. A pinapam na ulaun a taro, a Labino ut i sa wasiso puaso mugu taru uni. Ma det ra det longoro in nalngano, det upuaso i torom dat lena i lingmulus sakit. 4 Mk 16:20; 1 Kor 12:4, 11O God i pam a kum ukinalong ma a kum utna na ukisin, ma a kum dekdek na pinapam, ma i tibo susuaro a kum etabor anun a Tokodos na Nion elar ut nam anun a nemnem. Una nun a kum pinapam ra, i ese i lena anun a pinapam na ulaun a taro i lingmulus.
O Iesu i wanpat a mulusino sur in ulaun pas a taro
5 A matok na rakrakon bual ra numur in nanpat, ra uniri dat wasiso uni, o God ke ubek tari utuntudu ina warkurai anun a kum ensel. 6 Ikut, un ara dino una Buk Tabu, ara i watungi torom o God lenri,
“Met a taro, osi mulus met ra u nuk pas met?
Sur asau ra u tamtamabat met?
7 U sa ukis tar met sur met in kis utuntudu ina kum ensel, a nat na du bung kut.
U ukukup tar met nama minamar ma a urur,
8 ma u sa ubek tar a kum utna rop utuntudu ina numet a warkurai.” Sng 8:4-6
O God i sa ubek tar dat a taro sur dat in warkurai sur a kum utna rop. I talapor lena, katu utna melet mo ra ke kis utuntudu indat. Ikut, una kum kilalo ri, ka dat tama i utmakai lena a kum utna rop det kis utuntudu indat. 9 Pil 2:8-9Ikut dat tama o Iesu, i ra o God i unatino pasi sur in natino tan a kum ensel, a nat na du bung kut, sur in mat sur a taro rop. I mat uni o God i maris det. Ikut uniri, dat tama i lena o God i sa ukukup tari nama minamar ma a urur, uni i taramo a ngunungut ma i mat.
10 O God i ukis tar a kum utna rop suri ut, ma i nemi sur in ben pas a susut na nutnutunu sur det in rakon pas a minamar. I mo ra i tokodos sur in mulaot tar o Iesu sur in taramo a ngunungut, sur in papos a kisapi sur o God in ulaun pas det. 11 Mt 25:40O Iesu tomo nama taro ra i rus talapor pas det gusun anundet a kum sakino petutna, det ara Tamandet kut. Iri a kibino ra o Iesu ke maimai sur in watung det, a kum tistisino. 12 Ma i watungi torom o God lenri,
“An wasiso talapor un ui torom a kum tistising,
ma an kelekele na watung ulabo pas ui epotor tan a taro na lotu.” Sng 22:22
13 Ma i watungi kai lena,
“An nurnur ut un o God.” Ais 8:17
Ma i watungi utkai lenri,
“Tama i, iau kuri, iau nama kum nat liklik ra o God i sa pitar tar det tang.” Ais 8:18
14 1 Jon 3:8; Tam 12:10A kukurai ina kum nat liklik ra, a kum mulusino ut. Ma o Iesu kai i wanpat a mulusino, a pinino ma a gapino ut. I pami lenra sur una nun a minat in ban laulau ru o Satan, i ra i utur ukai a dekdekin a minat. 15 O Iesu i mat sur in ulangolango det ra a nginara na minat i ker det una nundet a kum bung na nilaun rop. 16 I lingmulus sakit, o Iesu ke pam a pinapam ri sur in warut a kum ensel, awu. I pami sur in warut a kum tumtubun o Abaram. 17 Iri a kibino ra o Iesu i wanpat elar ut nama kum tistisino una kum utna rop, sur in mugumugu na tene etabor torom o God ma una nun a pinapam ra torom o God, in ese a marmaris torom a taro, ma a lingmulus na petutna. In pitar anun a nilaun sur in mat, ma o God in unus ru a kum sakino petutna anun a taro, ma in urop ru anun a kankan ma ken kankan melet mo torom det. 18 O Iesu i pet lari sur in warut det ra di lar det, uni o Iesu kai di lari ma i taramo a ngunungut uni.