1  Jn 1:12-13; 16:3Tama i! A Tamandat, una labino marmaris anunu torom dat, i watung dat a kum nutnutunu. I lingmulus ut, dat a kum nutnutun o God. A taro tagun a rakrakon bual ka det tasman o God, lenkutkai ra ka det tasman dat lena dat a kum nutnutunu. 2  2 Kor 3:18A kum wakak na paspasang, uniri dat a kum nutnutun o God, ma ke puaso utmakai lena, numur, dat in nanpat pepetlai. Ikut dat tasmani lena, numur ra o Iesu in nanpat, dat in elar ut nami, uni dat in tama mulusi maragom. 3 Osi ra i kis langlang nama nurnur sur o Karisito, in waninar anun a nilaun ma in utalapori elar nam o Karisito ra i talapor.

4 Osi ra i pam a sakino petutna, i lakai a warkurai anun o God, uni a sakino petutna, i a petutna na lakai warkurai. 5  Jn 1:29; 1 Pit 2:22-24; 1 Jon 2:2Ma mot tasmani lena o Karisito i wanpat sur in los ru anundat a kum sakino petutna, ma i ut, katu sakino petutna uni. 6 Osi ra i laun un o Karisito, ken ser pam a sakino petutna. Ma osi ra i ser pam a kum sakino petutna, ke tama i utmakai o Karisito, ma ke tasmani kai.

7 A kum nutnutung liklik, gong mot madek tar taio sur in ben raro mot. Osi ra i pam a tokodos na magirano, i tokodos elar nam o Karisito. 8  Jn 8:44Ma osi ra i pam a sakino petutna, i anun o Satan, uni o Satan a tene pam a sakino turpasi ut una turturkibino. Ikut, a Nutun o God i wanpat sur in kamar ru a pinapam anun o Satan. 9  1 Jon 5:18Det rop ra a kum nutnutun o God, ka det ser pami mo a kum sakino petutna, uni a nilaun anun o God i kis un det. Ka det in ser pam a sakino petutna, uni det a kum nutnutun o God. 10 Dat in tama lele a kum nutnutun o God ma a kum nutnutun o Satan lenri: Osi ra ke pam a tokodos na petutna, i awu sur a nutun o God, lenkutkai ra torom osi ra ke nem o tisino.

11  Jn 13:34A wasiso ri mot longoro i tagun numugu lena, dat in nem etetalai dat. 12  Stat 4:8Ma gong dat elar nam o Kain, i ra anun o Satan, ra i um doko ru o tisinolik o Abel. Asau a kibino ra i um doko i? Uni a magirano i laulau, ma a magiran o tisinolik i tokodos.

13  Jn 5:18-19A kum tistising, gong mot kisin ra a taro tagun a rakrakon bual det in nget mot. 14  Jn 5:24Dat tasmani lena, dat sa wan gusun a minat, sur a nilaun, uni dat nem a kum tistisin dat. Ma osi ra kalako marmaris, i kis utmakai una minat. 15  Tam 21:8Osi ra i nget o tisino, i a tene um doko a taro, ra mot tasmani lena a nilaun tukum ke kis un det a kum tene um doko a taro.

16  Jn 13:1; Gal 1:4Dat in tasman a marmaris mulus lenri: O Iesu Karisito i pitar anun a nilaun ma i mat sur dat. I wakak sur dat kai, dat in pitar anundat a nilaun ma dat in mat sur a kum tistisin dat. 17  Lo 15:7Ra taio anun a susut na utna, ma i tama o tisino i sibo, ikut ke marisi nam tu utnalik, a marmaris anun o God ke kis uni. 18  Jem 2:15-16A kum nutnutung liklik, gong dat marmaris nama wasiso, o nama wandat kut. Dat in marmaris nama wakak na pinapam ma a lingmulusino.

19 Ra dat in marmaris lenra, dat in tasmani lena, dat tagun a lingmulusino, ma dat in balano molmol umatan o God. 20 Ra a nuknukin dat in takun dat, a mananos anun o God i labo taun a nuknukin dat, ma i tasman a kum utna rop. 21  Ibr 4:16A kum wakak na paspasang, ra a nuknukin dat ke takun dat, dat in balano molmol umatan o God. 22 Ma asau rop ra dat saringi suri, in pitari ut tandat, uni dat mur anun a kum warkurai, ma dat pam asau ra i ugasgasi. 23  Jn 6:29; 13:34A warkurai anun o God i lenri: Dat in nurnur una risan o Nutunu, o Iesu Karisito, ma dat in nem etetalai dat, elar nam anun a warkurai torom dat. 24  1 Jon 4:13Osi ra i mur anun a kum warkurai, i laun un o God, ma o God kai i laun uni. Ma dat tasmani lena o God i laun un dat, uni a Tokodos na Nion ra i tabor dat nami, kuri ut un dat.