3
O Iesu i labo taun o Moses
Ibr 4:14; 7:26; Nam 12:7I mo ra a kum tistising ra o God i sa pilok pas mot sur mot anun a taro, a nuknuki mot in kis dekdek un o Iesu. I ra a Aposel ma a mugumugu na tene etabor torom o God, ra dat nurnur uni ma dat wasiso puaso uni. I lingmulus una pinapam ri, ra o God i sa pilok tari suri, elar kutkai nam o Moses ra i lingmulus una nun a pinapam ra i mugu a taro rop anun o God. A urur ra di pitari torom a musano ra i pam a rumu, i labo taun a urur ra di pitari una rumu ra i pami. I lenkutkai ra, a urur ra di pitari torom o Iesu i labo sakit taun a urur ra di pitari torom o Moses. A kum rumu rop taktakai, arara musano i pami, ikut o God i pam a kum utna rop. Nam 12:7O Moses, i a tultul anun o God, ma i lingmulus una nun a pinapam una rumu anun o God. I wasiso mugu taru una kum utna ra o God in wasiso puaso uni numur. Ikut o Karisito, i a Nutun o God ma i lingmulus una nun a pinapam ra i tamtamabat a taro anun o God. Ra dat tur dekdek una nurnur, ma ka dat ngara, ma dat kis langlang sur a kum utna ra o God in pami, dat a taro anun o God.
Det ra ka det nurnur ka det in ruk una tamon na mana
I mo ra dat a taro anun o God, dat in mur a wasiso anun a Tokodos na Nion ra i watungi lena,
“Uniri, ra mot longoro in nalngano,
Kis 17:7; Nam 20:2-5gong mot udekdek bat a balamot
elar nama kum tumtubu mot numugu det pami,
ra ka det mur anung a wasiso,
una kum kilalo ra det kis una nubual kalako taro uni ma det lar iau.
Tiro iai det lar iau,
ma det tama i ut anung a kum pinapam una wat na noino kilalo.
10 Iri a kibino ra a kankan torom a taro tagun a kum kilalo ra,
ma a watungi lena,
‘A nuknukin det i wan raro bolbolos,
ma ka det tasman anung a kum kisapi.’
11  Nam 14:21-23I mo ra a kankan ma a liliman lena,
‘Ka det in ruk una nung a tamon na mana.’ ” Sng 95:7-11
12 A kum tistising, mot in tumarong, sako taio tagun mot a nuknukino in mur a sakino petutna ma ken nurnur, ma in nan gisen gusun o God, ra i laun. 13 Mot in uragot etetalai mot una kum bung rop, ra di watungi utmakai lena “uniri.” Mot in pami lenra, sako a sakino petutna in toro pas taio tagun mot, ma in udekdek bat in balano. 14 Ra dat turpas a mur o Karisito, dat tur dekdek una nurnur. Ra dat in tur dekdek una nurnur tuk una ururopino, elar nami ra dat pami numugu, dat tagun o Karisito. 15  Ibr 3:7-8Elar nami ra di sa watung tari una Buk Tabu lena,
“Uniri ra mot longoro in nalngano,
gong mot udekdek bat a balamot,
elar nama kum tumtubu mot numugu det pami,
ra ka det mur anung a wasiso.” Sng 95:7-8
16  Nam 14:1-35Osi det ra det longoro in nalngan o God, ikut ka det mur anun a wasiso? Det rop ra o Moses i ben pirso pas det tagitong o Ijip, niko? 17  1 Kor 10:10Osi det ra o God i kankan torom det a wat na noino kilalo? Det ra det pam a sakino petutna ma det mat una nubual kalako taro uni, niko? 18 Osi det ra o God i liliman lena ka det in ruk una nun a tamon na mana? Det ra ka det mur anun a wasiso, niko? 19 I mo ra dat tama i lena ka det pet lar pasi sur det in ruk una nun a tamon na mana, uni ka det nurnur.

3:1: Ibr 4:14; 7:26; Nam 12:7

3:5: Nam 12:7

3:8: Kis 17:7; Nam 20:2-5

3:11: Nam 14:21-23

3:15: Ibr 3:7-8

3:16: Nam 14:1-35

3:17: 1 Kor 10:10