1  Stat 14:17-20O Melkisedek i a king tagitong o Salem, ma a tene etabor torom o God, ra i Labo Sakit. Ra o Abaram i sa winim pas a wat na king una inaim, ra i milet melet, o Melkisedek i etoromi, ra i udan o Abaram. 2 Ma o Abaram kai i pitar tar in tektekene tagun a nonoino tan o Melkisedek tagun a kum utna rop ra i winim pasi tagun a inaim. A risan o Melkisedek, a kukuraino, a king anun a tokodos na petutna. Ma a king tagitong o Salem, a kukuraino a king na malmal. 3 Katutaio i tasman o tamano ma o nano, ma anun a kabotaro. Katu turturkibin ina nun a nilaun, ma katu ururopino kai. O Melkisedek i elar nama Nutun o God, i kai a tene etabor torom o God, ma anun a pinapam in tur tukum.

4 Tama i, o Melkisedek i labo sakit. O Abaram, i a tubundat ra i labo sakit, ikut i pitar tar in tektekene tagun a nonoino torom o Melkisedek tagun a kum utna rop ra i winim pasi tagun a inaim. 5  Nam 18:21A Warkurai anun o Moses i watungi lena, a kum tumtubun o Liwai, det ra a kum tene etabor torom o God, det in los pas in tektekene tagun a nonoino tagun a kum utna rop anun a taro Israel. A taro ra, det a kum tistisin a kum tumtubun o Liwai. A lingmulus ra det kai a kum tumtubun o Abaram, ikut det pitari ut in tektekene tagun a nonoino tagun anundet a kum utna rop. 6 O Melkisedek, awu sur i tagun a kabotaro Liwai, ikut i los pas in tektekene tagun a nonoino tagun a kum utna rop anun o Abaram. I udan o Abaram, i ra o God i sa pitar tar a kum liliman tano. 7 I talapor lena, osi ra i labo in udan o naro ra i natino tano.

8 A kum tene etabor torom o God, det ra det ser los in tektekene tagun a nonoino tagun a kum utna rop anun a taro Israel, det in mat kut. Ikut a Buk Tabu i watungi lena, o Melkisedek, i ra i los in tektekene tagun a nonoino tagun a kum utna rop anun o Abaram, i laun ut.

9 Lingmulus, a kum tumtubun o Liwai det ser los in tektekene tagun a nonoino tagun a kum utna rop anun a taro Israel. Ikut dat in watungi lena, o Liwai kai i pitar in tektekene tagun a nonoino torom o Melkisedek, una bung ra o Abaram i etabor, uni o Liwai a tubun o Abaram. 10 Ra o Melkisedek i etorom pas o Abaram, ka di usus o Liwai utmakai. Ikut i elar nami ra o Liwai i kis ut una gapin o Abaram, uni numur in nanpat taguni.

11 A pinapam anun a kum tene etabor torom o God, ra a kum tumtubun o Liwai, det ser pami, i ra a kibin a Warkurai anun o Moses ra o God i pitar tari torom a taro Israel. Ra gunuk a pinapam anundet in pet lari sur in unus ru a sakino petutna anun a taro, ka din sibo melet mo sur tu ngas na tene etabor gisen, elar nam o Melkisedek, ra awu sur i elar nam o Aron. * O Aron i a tene etabor torom o God, ma i tagun a kabotaro Liwai. 12 Ra din keles ru a kum tene etabor torom o God, din keles ru i utkai a Warkurai. 13 A kum wasiso ri di watungi una nundat a Labino, i ra tagun a se kabotaro ut. Ma kataio tagun anun a kabotaro i los a pinapam na tene etabor torom o God. 14  Ais 11:1; Mt 2:6; Tam 5:5I talapor lenri, anundat a Labino i wanpat tagun a kabotaro Juda. Ikut ra o Moses i wasiso una kum tene etabor torom o God, ke watung a kabotaro Juda.

15 Ara tene etabor gisen i sa wanpat, i ra i elar nam o Melkisedek. A inawan pat anunu i utalapor a kum wasiso ra a sa wasiso taru uni. 16 Awu sur i los a pinapam na tene etabor torom o God uni i tagun a kabotaro Liwai elar nama wasiso na Warkurai, awu. I los a pinapam kibino una dekdekin a nilaun anunu ra ken rop. 17 Uni a Buk Tabu i sa watung tari uni lenri,

18 I mo ra, di sa rakon ru a mugano warkurai ra i wasiso una kum tene etabor, uni a warkurai ra, kalako dekdekino ma katu utna i gas uni. 19  Ibr 9:9Uni a warkurai ra, ke utokodos pas a taro sur det in nan milau o God, awu. Ikut o God i sa pam tar a kisapi sur dat in nan milau i. A kisapi ra i wakak sakit taun a Warkurai. Ra uniri dat pet lar pasi sur dat in kis langlang nama nurnur suri.

20 Ra o God i pitar tar a pinapam na tene etabor torom o Iesu, i uliliman tari ma i udekdek anun a liliman nama risano. Ikut ke pami lenra torom a kabotaro Liwai ra i pitar tar a pinapam na tene etabor torom det. 21  Ibr 5:6Ikut ra o Iesu i los a pinapam na tene etabor, o God i uliliman tari lena,

23 A susut na tene etabor, uni a minat i turbat det sur gong det papam tukum. 24 Ikut o Iesu, i a tene etabor ra anun a pinapam in tur tukum, uni i laun tukum. 25  Rom 8:34I mo ra, o Iesu i pet lari sur in ulaun a taro ra det wan torom o God una risan o Iesu. In ulaun det ra det in laun tukum, uni i laun tukum sur in wararing sur det.

26 O Iesu i a mugumugu na tene etabor, ra i sot sur in warut dat. Uni i tasur umatan o God, ma ka din takun lar pasi un tu sakino petutna, ma katu dur umatan o God. O God i ulabo gisen pasi sapat netes una langit, gusun a sakino taro. 27  Ibr 5:3Ke elar nama kum mugumugu na tene etabor, ra det ser tun etabor una kum bung rop, una nundet a kum sakino petutna mugu, ra numur anun a taro kai. O Iesu ke pami lenra. I pitar tari kut ara etabor una sakino petutna anun a taro. I etabor nami ut. I pam tari ara dino kut, ma ken pam meleti mo, uni a etabor ra in kis tukum. 28 A kum mugumugu na tene etabor torom o God, ra di ubek tar det elar nama Warkurai anun o Moses, kalako dekdekin det. Ikut, numur tan a Warkurai anun o Moses, o God i liliman, ra i ubek tar o Nutunu sur in mugumugu na tene etabor, ra i tokodos sakit ma in kis tukum.