5
1 A kum mugumugu na tene etabor rop torom o God, o God i pilok pas det tagun a taro, ma i ubek tar det sur det in tur ukinalong a taro umatano. Det in pitar a kum etabor ma det in tun a kum wewegua sur o God in unus ru a kum sakino petutna anun a taro. 2 A mugumugu na tene etabor torom o God i pet lar pasi sur in papam nama marmaris torom a taro ra ka det mananos ma det wan raro, uni i kai, kalako dekdekino sur in winim pas a sakino. 3 Wkp 9:7; 16:6Iri a kibino ra i ser tun a kum etabor torom o God. Awu sur i pami sur in unus ru i kut a kum sakino petutna anun a taro, awu. Sur in unus ru i kai anun a kum sakino petutna.
4 Kis 28:1Di ser pitar a labino urur una pinapam na mugumugu na tene etabor torom o God, ma katutaio in los a tinibo ra, una nun a nemnem ut, awu. In losi kut una kakabo ut anun o God, elar nami ra i pami un o Aron. 5 Lenkutkai ra, o Karisito ke ulabo pasi sur in mugumugu na tene etabor torom o God. Ikut o God i watungi toromi lena,
“Ui a Nutung,
ma uniri a sa wanpat o Tamam.” Sng 2:7
6 Ibr 6:20; 7:1Ma un ara dino kura una Buk Tabu, o God i watungi kai lena,
“Ui a tene etabor torom o God,
elar nam o Melkisedek,
ma anum a pinapam in tur tukum.” Sng 110:4
7 Mt 26:36-46; Pil 2:6-8Ra o Iesu i laun nin una rakrakon bual, i kukukuk nam anun a kum niaring nama lurlur na matano torom o God, i ra i pet lar pasi sur in ulaun pasi gusun a minat. Ma o God i longoro i, uni i unatino pasi utuntudu ino. 8 I lingmulus o Iesu a Nutun o God, ikut i taramo i ut a ngunungut. Ma a ngunungut ra, i ususeri sur in mur a nemnem anun o God. 9 O God i pam sot pas a pinapam ra un o Nutunu, ra o Nutunu i wanpat a kibin a pinapam na ulaun tukum a taro, torom det rop ra det ser mur anun a wasiso. 10 Ra o God i ubek tar o Iesu sur i a mugumugu na tene etabor, elar nam o Melkisedek.
A utumarong sur gong taio i wan gisen gusun a nurnur
11 A susut na utna utmakai ra met in wasiso uni una utna ri. Ikut i ngangitin sur met in palosi torom mot, uni ka mot los lakiti. 12 1 Kor 3:1-3Mot sa nurnur suano mot, ra uniri i sot mo sur mot a kum tene ususer. Ikut, mot sibo utmakai sur taio in ususer mot melet una kum mugano ususer una wasiso anun o God. Ka mot nan lar pas a dekdek na utna, mot sus kut. 13 Osi ra i sus utmakai, i a nat miso, ma ke lason una etowo una tokodos na petutna. 14 Det ra det sa labo, det wan a dekdek na utna na inangon, uni det sa ulason det sur det in tama lele a wakak na petutna ma a sakino.