3
A wasiso torom a taro na lotu tong o Sardis
1 Tam 1:4, 16“Un tumtumus torom a ensel anun a taro na lotu tong o Sardis lenri:
O naro ra i bukus nama wonom mawit na Nion o God ma i pam pas a wonom mawit nin nangnang, i watung a wasiso ri:
A tasman anumot a kum pinapam. A taro det watungi lena mot laun, ikut mot sa mat. 2 Mot in tuangun, ma mot in udekdek anumot a kum wakak na petutna ra i ling na mat mo, uni a tama i lena anumot a kum pinapam ke kudulano umatan anung a God. 3 Mt 24:43-44; Tam 2:5; 16:15; 1 Tes 5:2I mo ra, mot in nuk pas a etowo ra di sa pitar tari tamot ma mot sa longoro tari, mot in muri ma mot in nukpukus. Ikut, ra ka mot in tuangun, an nanpat torom mot elar nama tene wolong ma ka mot in tasman a du bung ra an nanpat uni.
4 Jud 1:23Ikut ara taro kut tagun mot tiro o Sardis, ka det ban durdur anundet a kum malu. Det in nan tomo nam iau, det in emar namin kabang na malu, uni anundet a nilaun i tokodos. 5 Kis 32:32-33; Mt 10:32; Lk 10:2; 12:8Osi ra i winim pas a inaim, in emar elar nam det namin kabang na malu. Ma kan unus ru a risano gusun a buk na nilaun, ma an watung puaso i umatan o Tita ma anun a kum ensel.
6 Osi ra arin talngano kura, i wakak sur in longoro a wasiso ra a Tokodos na Nion i watungi torom a kum lotu.
A wasiso torom a taro na lotu tong o Piladelpia
7 Ais 22:22“Un tumtumus torom a ensel anun a taro na lotu tong o Piladelpia lenri:
O naro ra i tasur, ma i lingmulus, ma i pam a ki anun o Dewid, i papos a matansako, ra kataio in tagar lar pasi, ma i tagari, ra kataio in papos lar pasi. I watung a wasiso ri:
8 1 Kor 16:9A tasman anumot a kum pinapam. Tama i, a matansako i sa papos taru sa numugu tamot, ma katutaio in tagar lar pasi. A tasmani lena a dekdeki mot ke labo, ikut mot muri ut anung a wasiso, ma ka mot ipul ru a risang. 9 Tam 2:9; Ais 45:14; 49:23; 60:14Det ra tagun o Satan det watungi lena det a kum te Juda, ikut awu, det a kum tene torotoro. An warkurai det sur det in nan torom mot ma det in puku nisan a kum kikimot, ma det in watung puaso i lena iau a maris mot. 10 Lk 21:19; 2 Tim 2:12Ra a labino larlar in nanpat una rakrakon bual rop, sur in lar det ra det kis nin upiso, an tamtamabat mot gusun a du bung ra, uni mot mur anung a wasiso sur mot in tur dekdek ra mot taramo a ngunungut.
11 Milau mukut an nanpat. Mot in pam ukai dekdek a kum sau ra mot sa utur ukai i, sako taio in los pas anumot a ikul, ra o God in pitari torom mot, len lari ra di pitar a ikul tan taio ra i winim pas a kinalabor. 12 Ais 62:2; 65:15; Tam 14:1; 21:2Osi ra i winim pas a inaim, an uturi sur a pos ina rumu na etabor anun a God anungi, ma ken pirso melet gusuni. Ma an tumus a risan anung a God uni, ma a risan a tamon anun a God anungi, a matok na Jerusalem, a tamon ra in nan pirso tagisapat una langit gusun anung a God. Ma an tumus tari kai a matok na risang uni.
13 Osi ra arin talngano kura, i wakak sur in longoro a wasiso ra a Tokodos na Nion i watungi torom a kum lotu.
A wasiso torom a taro na lotu tong o Laodisia
14 “Un tumtumus torom a ensel anun a taro na lotu tong o Laodisia lenri:
O naro ra di watungi nama Amen, a lingmulus na tene wasiso talapor anun o God ra i lingmulus sakit, i ra a kimkibin a kum ukukis anun o God, i watung a wasiso ri:
15 Rom 12:11A tasman anumot a kum pinapam. Ka mot kotokoto ma ka mot mararong kai. A nemi sur mot in kotokoto o mot in mararong, ka nemi sur mot in kis potor kut. 16 An muru ru mot gusun a wang, uni mot kis potor kut, ma ka mot mararong mulus, ma ka mot kotokoto mulus. 17 1 Kor 4:8; Lk 12:21Uni mot watungi lena, ‘Lingmulus, iau a tene gongon. A ubek tomo a susut na ululeng ma ka sibo sur tu utna.’ Ikut ka mot tama lele i lena, anumot a kinkinis ke wakak, mot pot na marmaris, mot sibo, mot pulu ma mot mengere. 18 Ais 55:1; Tam 4:4A warut mot nama kum nuknuk ri: Mot in kul a gol tang, ra di sa tun talapor tari una sungun, sur mot in tene ululeng. Ma mot in kuli kai in kabang na malu ma mot in pipisi, sur mot in pipis bat a mengere ra mot ser maimai nami. Ma mot in kul a marasin, ma mot in ubeki umatamot, sur mot in tamtama.
19 1 Kor 11:32; Ibr 12:6; Tam 2:5Det ra a maris det, a ser pitar a dekdek na wasiso torom det, ma a ser ukodos det. I mo ra, mot in tuangun, ma mot in nukpukus. 20 Jn 14:23Tama i, a tur nisan a matansako ma a pinpidik. Ra taio in longoro in nalngang ma in papos a matansako, an ruk toromi, ma an nangon tomo nami, ma i, in nangon tomo nam iau.
21 Osi ra i winim pas a inaim, an mulaot pasi sur mir in kis tomo una nung a kiskis na king, elar nam iau a winim pas a inaim, ma a kis tomo nam o Tita una nun a kiskis na king.
22 Osi ra arin talngano kura, i wakak sur in longoro a wasiso ra a Tokodos na Nion i watungi torom a kum lotu.”