1 Basa ndia, boe ma Yesus noke ana mana tungga nala mai lakabubua. Boe ma Ana fee sala koasa fo husi nitu ma tao lahai hataholi kamahedi kala mata-mata kala. 2 Ana mana tungga kasanahulu dua nala fo Ana nadenu sala sila, nade nala ndia:

5-6 Basa ndia, boe ma Yesus nadenu Ndia ana mana tungga nala sanahulu dua, ma fee sala palenda, nae, “Au adenu ei mini ita hataholi Yahudi nala miu, huu hataholi noꞌuk leme ita hataholi nala mai, taa tungga no teteben Lamatuak dalan. Sila ndia, sama leo biꞌilombo mana sala dalak. Huu ndia, de ei boso mini hataholi taa Yahudi miu, conto leo hataholi Samaria la. 7 Miu mafada ita hataholi Israel asa, mae, ‘Fain losa so, fo basa hataholi bisa maso dadik Manetualain hataholin.’ 8 Miu tao mahai hataholi kamahedik, tao masoda falik hataholi kamatek, tao mahai hataholi kamahedi kusta, ma, husi kalua heni nitu. Lamatuak fee makadotok neu ei so, tehuu taa noke falik hata esa boe, neme ei mai. De, hatematak ia, ei miu fo babaꞌe fee sala noꞌuk neu hataholi feꞌek, tehuu ei taa bole moke falik hata esa boe, neme sila mai. 9 Laꞌok mia kada lima louk baa. Boso mini doik, 10 lepa-nggee, baloꞌa seluaok, tabu-eik, do teteꞌe-aik. Huu hataholi musi fee hataholi mana tao ues, hata fo nandaa, suek ala bisa lasoda.✡1 Korintus 9:14; 1 Timotius 5:18

11 Mete ma ei maso mini kota esa do nggolok esa miu, na, ei sangga hataholi mana nau simbok ei. Basa na, leo nai ndia, losa ei laꞌo ela mamanak ndia. 12 Mete ma ei maso mini hataholi uman miu, na, mafadan mae, ‘Soda-molek! Lamatuak fee ei babaꞌe-babatik.’ 13 Mete ma hataholi lai uma ndia simbok ei no malole, na, ei moke fo Lamatuak fee babaꞌe-babatik neu sala. Tehuu mete ma ala taa simbok ei, na, Lamatuak boe oo, taa fee sala babaꞌe-babatik. 14 Mete ma hataholi taa nau namanene ei, na, kalua mima uma ndia do kota ndia mai, fo basa na, sasambu heni afu neme ei eim mala mai, fo dadik tanda nae, ala taa lamanene, na, ala lemba aon natataak ndia.✡Hataholi Nadedenu nala Tutuin 13:51 15 Dei fo, mete ma Manetualain naketu huku hataholi malai daebafok ia, na, neu ko Ana naketu huhukuk belak neu hataholi Sodom ma Gomora, fo makahulun manggalauk nalan seli ndia. Tehuu masanenedak baa! Huu dei fo Ana fee huhuku belak lena bali neu hataholi fo taa nau simbok ei!”✡Lukas 10:4-12; Mateos 11:24; Tutuik laꞌeneu Sososan 19:24-28

16 “Masanenedak baa! Huu Au adenu ei, sama leo Au haitua biꞌilombo neni busa fui manggalauk kala lalada nala neu. Huu ndia, de ei musi pake langgautek sama leo mengge malelak. Ma ei dale mala musi ndoos, sama leo lunda fo taa mana sangga dedeꞌak.✡Lukas 10:3 17 Tehuu mata neuk baa! Huu dei fo hataholi tao doidoso ei sama leo busa kiki nakamate biꞌilombo. Dei fo ala hela leni ei maso mini mamana tao dedeꞌa anggama miu. Ma neu ko ala filo ei nai sila uma huhule-haladoin. 18 Dei fo ala hela leni ei miu masale gubenol ma manek, huu ei tungga Au. Tehuu ei musi pake lelak ndia, fo mafada Au Hala Maloleng neu sala. No leondiak, hataholi taa mana malelak Lamatuak boe, bisa lamanene laꞌeneu Au. 19 Huu mete ma ala hela loo ei leondiak, na, ei boso bii, mae, ‘Dei fo au sangga kokolak ae, hata?’ Do ‘dei fo au ataa, ae hata?’ Boso duduꞌa leondiak, huu losa ndia fain, dei fo ei Amam nai nusa-sodak, nafada laꞌeneu hata fo ei musi kokolak. 20 Faik ndia, hata fo ei kokolak taa naoka nai ei mesa nggei, tehuu Ndia Dula Malalaon ndia nanoli ei kokolak hata.✡Markus 13:9-11; Lukas 12:11-12; 21:12-15

21 Ei mete baa, huu nai uma esa dalek, mete ma hambu hataholi namahele neu Au, dei fo ndia tolanoo hehelin sangga dalak fo tao nisan. De, mete ma anak namahele, na, dei fo amak tao nisan. Mete ma amak no ina lamahele, na, dei fo sila ana hehelin ndia tao nisa sala.✡Markus 13:12; Lukas 21:16 22 Mete te, dei fo basa hataholi la husembuluk neu ei, huu ei tungga Au. Tehuu, hataholi mana makatataka losa babasan, dei fo Manetualain fee sodak neun.✡Mateos 24:9, 13; Markus 13:13; Lukas 21:17 23 Mete ma hataholi tao doidoso ei nai kota esa, na, foꞌa fo malai mini kota feꞌek esa miu. Tetebes ndia! Au ia, Hataholi Isi-isik. Dei fo ei bei taa laꞌok mateꞌe ndule basa kota la lai Israel, tehuu Au fali maing so.

24 Hataholi la lateme fee hadak neu mesen esa, lena heni ana mana tungga nala. Ma ala fee hadak neu malanggan esa, lena heni ana mana tao uen nala.✡Lukas 6:40; Yohanis 13:16; 15:20 25 Mete ma ana mana tunggan nala lanoli fo malelan leo sila mesen, na, dai ndia so. Ma mete ma ana mana tao ues nanoli fo malelan leo malanggan, na, ndia boe nameda dai so.

De, masanenedak bou! Mete ma hataholi noke maumak nae, ‘O ia Balsebul, na ndia nitu la malanggan!’ na, neu ko ndia uma isi nala hambu nadek taa malole nalan seli.”✡Mateos 9:34; 12:24; Markus 3:22; Lukas 11:15

26 “De, ei boso bii hataholi mana laban ei. Huu hata fo hataholi tao nafufunik, dei fo basa hataholi la litan.✡Markus 4:22; Lukas 8:17 27 Hata fo Au anoli ei mesa nggei ndia, na, dei fo ei musi miu mafada basa hataholi la. Ma hata fo Au afada no neneek, na, dei fo miu mafada mafeok basa mamanak lalaꞌen. 28 Boso bii hataholi, huu kada ala bisa tao lisa hataholi aombaan, tehuu taa bisa tao lakalulutu hataholi samanen. Huu ndia, de ei musi bii Manetualain, huu kada Ndia mesa kana ka koasak fo mbia heni hataholi aon ma samanen neni tasi haꞌik fo mana mbila nakandondoo henin. 29 De matetea ei dale mala. Hataholi la seꞌo mbui hadek nai pasak, belin nai dae nalan seli. Tehuu taa hambu esa mate boe, mete ma ei Amam taa mboꞌi. 30 Ei Amam nai nusa-sodak boe oo, Ana tao matak neu ei, losa dedeꞌa kadiꞌi anak. Ei langga bulu doo makadoto nala lai ei langga mala boe oo, Ana bubulu kana so. 31 De, ei boso bii! Huu Manetualain timba-tai ei belin lena heni basa mbui hade kala sila.”

32 Basa de Yesus kokolak bali, nae, leoiak, “Hataholi nambalani manaku nalelak Au nai hataholi noꞌu kala lai daebafok ia, na, dei fo Au boe oo, manaku alela kana nai Au Amang matan nai nusa-sodak ae, ‘Ndia ia, Au hataholing.’ 33 Tehuu hataholi mana malelesi Au nai hataholi noꞌuk matan, nae, ana taa nalelak Au, na, dei fo Au afada Au Amang nai nusa-sodak ae, ‘Au taa alelak hataholi ia boe.’ ”✡2 Timotius 2:12

34 “Ei boso maehetuk, Au mai uni mole-dame nai daebafok ia. Tehuu Au mai fo tao hataholi la lalaba ao esa no esa. 35 Au uni daebafok ia mai, tungga hata fo Lamatuak mana kokolan nafada memak so, nae,

37 De, hataholi fo tebe-tebe nau tungga Au, na, ana musi sue Au lena heni basa-basan; lena heni ndia ina-man, ma lena heni ndia anan nala. Tehuu, mete ma taa, na, hataholi ndia taa nandaa dadik Au hataholing. 38 Huu hataholi mana nau tungga Au, tehuu taa nau lemba doidosok, na, ndia taa nandaa dadik Au hataholing.✡Mateos 16:24; Markus 8:34; Lukas 9:23 39 Hataholi fo ana sadia mate huu ana tungga Au, dei fo ana bisa nasoda nakandondoo henin no Lamatuak. Tehuu hataholi kada nasoda soaneu ndia soda hehelin, na, neu ko sodan ndia, mopo heni kana leondiak leo!”✡Mateos 16:25; Markus 8:35; Lukas 9:24; 17:33; Yohanis 12:25

40 “Hataholi mana simbok ei no malole, na, ana simbok Au leondiak boe. Ma hataholi mana simbok Au, na, ndia boe oo, simbok Manetualain fo mana madenu Au.✡Markus 9:37; Lukas 9:48; 10:16; Yohanis 13:20 41 Hataholi mana simbok Manetualain mana kokolan, huu mana kokolak ndia ana kokolak laꞌeneu Lamatuak, na, dei fo Lamatuak balan sama leo Lamatuak bala mana kokolan esa. Ma hataholi mana simbok hataholi dale ndoos esa, huu hataholi ndia tungga tebe-tebe Lamatuak hihi-nanaun, na, dei fo Lamatuak balan sama leo Lamatuak bala hataholi ndoos esa. 42 Hataholi mana simbok hataholi esa kadiꞌik nalan seli, huu ana tungga Au, na, neu ko Lamatuak balan. Mae hataholi kada fee oe hiak nggalaas esa boe oo, na, neu ko Manetualain taa nafalende henin.”