1 ይኬ፥ ጎዳይ ግሾስ አጭንቴዝ ታኒ፥ ይ ጼግንቴዝ ጼግንትꬃይድ ቤዝዛ የስ የዞዳይ ጋርክ ይንታን ዎስዛ። 2 ይ ኡባ ዎደ አዳኔ ሃዮ ማቆይታ፤ ፐታይ ፐታ ዳንዳኦይታኔ ሲቆር የዞይታ። ቆላ. 3:12-13 3 ሳሮትꬃር አጭንቲ አያና ፐትፐተꬃ ናጎዳይስ ሚንጎይታ። 4 ጾሲ ይንታን ጼጌዝ ዎደ ፐቲ ኡፋይሳስ ጼጌዛይ ጋርክ ፐቲ አሰትꬅኔ ፐቲ አያና የዛ። 5 ፐቲ ጎዳ፥ ፐቲ አማኖኔ ፐቲ ጽንቃተ የዛ። 6 ኡባፕ አꬃይ፥ ኡባይር ኦꬅዛይኔ ኡባይ ጋንጨ የዝዝ ፐቲ ጾስ፥ ኡባይስ አደ የዛ።

7 ዝን ክርስቶሳ እንጎዳይስ ኮዬዝ እሞታይ ጋርክ ኑ ፐታይስ ፐታይስ ኣꬎ ኬሃትꬂ እንግንቴዛ። 8 የይ ግሾስ፥ ጾስ ቃላይ፥

11 ኤ ፐትታ ፐትታ ሀዋረ፥ ፐትታ ፐትታ ናበ፥ ፐትታ ፐትታ ዎንግለ ሳባክታ፥ ፐትታ ፐትታ ዎሳ ካራ አቅስዝታኔ አስታማርታ ማቃዳይ ጋርክ እሞታ እንጌዛ። 12 ኤ የያ ኡዴዛይ ክርስቶሳስ አሰትꬅ ማቄዝ ዎሳ ኬꬃ ድቾዳይስኔ አማንዛ አሳ ጾስ ኦሶስ ጊግሶዳይሲ። 13 የይ ጋርከካ፥ ኑ ኡባይ ጾስ ናአ ኤሪ አማኖር በንትዝ ፐትፐተꬅኮ ሄሊ፥ ክርስቶሳ አያና ደኦ ኩንꬄትꬅይኮ ሄሊ ፎሎ አስ ማቂ ድጮዳይ ጋርከሲ።

14 ይከፕ ጉየ፥ አሳይ ዶሻ ገነር ማቄዝ ባልꬅዛ ዎርዶ ትምርተ ጫርኮራኔ አባ ጎተራ ገደኔ Ꮊና ኩሎ ካእዛ ዱድታይ ጋርክ ማቆዳይስ ቤዞያ። 15 ዝን ኑኒ ቱማና ሲቆር ኦድታር ኡባ ባዛር አሰትꬅስ ኩስተ ማቄዝ ክርስቶሳኮ ድጮዳ። 16 ኩንꬅ አሰትꬃይ ክርስቶሳር አይክንትዛ ማ ዱማ ዱማ አሰትꬅ ብልትታይ ፐታይ ፐታይር አይክንቲ በቴዛ። ፐቲ ፐቲ አሰትꬅ ክፍላይ ፋ ኦሶ ኦꬆዳር ኩንꬅ አሰትꬃይ ሲቆር ሚንጎዳይ ጋርክ አሰትꬃ ድችዛ። ቆላ. 2:19

17 Ꮊይፕ ገደ ካሃ ꬋብን ጨረ ቆፋር አማኖዋ አስ ጋርክ የዝፓተ፥ ታኒ Ꮊያ ይንትስ ጎዳይ ሱንꬃይር ኦድዛኔ ማርካትዛ። 18 ኡ ቆፋይ ꬉሜዛ፤ ኡ ፋ ዎዝና ሙምሴዛ። ኡንቲ ኤረትꬅ ꬋቦራኔ እጾራ ጾሲ እንግዛ ደአይፕ ሃኬዛ። 19 ኡንቲ ዬላ ግዝባዝ ኤሮዋ፤ ኡንቲ ቱና ኦሶ ኡባ ፖሎዳይስ ዥምባሮስኔ አሾ አሞስ ፋና ኣꬂ እንጌዛ።

20 ዝን ይ ክርስቶሳ ባጋ ታማሬዛይ የይ ጋርክ ኦገር ባያ። 21 ኤ ባዝ ቱማ ስኤዛ። ማ የሱሳር የዝ ቱማ ይ ኤፕ ታማሬዛ። 22 ይ ቲና የዜዝ ኦጋ አሾይታ። ማ ዶሺ አሞር ꬋብስዛ ይ ጭማ አꬃ ቃሪ ኦሎይታ። ቆላ. 3:9 23 ይ ዎዝና ቆፋይር ኦሮጾይታ። 24 ቱማ ጽሎትꬃራኔ ጌሸትꬃር ጾስ ኣዝሶር መꬍንቴዝ ኦሮꬅ አሰትꬃ ማኦይታ። መ. 1:26፤ ቆላ. 3:10

25 ይክ፥ ዎርዶ ኦድንትፓተ። ኑኒ ኡባይ ክርስቶሳ አሰትꬅ ብልትታ ማቄዝ ግሾስ አስ ኡባይራ ቱሮ ኦድንቶዳ። ዛክ. 8:16 26 ጋይልንቶይታ ዝን ይ ጋይላይር ናጋራ ኦꬅፓተ። ይ ጋይልንቲ የዝን አዋ ይንታል ገልፐ። ማዝ. 4:4 27 ዳቡሎሳስ ኦገ ዶይፓተ። 28 ካስትዛ አꬃይ ይከፕ ጉየ ካስትፐ። ዝን ማንቅታ ማድዛ ባዝ ኤስ የዞዳይ ጋርክ ፋ ኩሸር ሎኦ ባዝ ኦꬆ።

29 ይ ዶናይፕ ኢታ ቃላ ከዝፐ። ዝን ስእዝታይስ ማዶዳይ ጋርከኔ Ꮊንክታ ምንꬃꬆስ ኮሽዛ ሎኦ ቃላ ይ ዶናይፕ ከዞ። 30 ጾሲ ይንታን ዎዜዛና ኤርሶዳይስ የ ጋላስስ ይንታናል አታሚ ጋዴዝ ጾስ አያና አዛንꬅፓተ። 31 ጫንግንቶ፥ ይሎ፥ ካቺ፥ ኡፎ፥ ጫሸኔ ኢታትꬅ ኡባ ይንትፕ ሃክꬆይታ። 32 አꬂ ዎልስ ኬሃኔ ቃꬊንትዝታ ማቆይታ። ጾስ ክርስቶሳ ባጋር ይንትስ አቶ ጌዛይ ጋርክ ይንትካ ዎልስ አቶ ጎይታ። ቆላ. 3:13