1 ይኬ፥ ጾሲ ዶስዛ ናእታይ ጋርክ ኤዛ ኣዞይታ። 2 ክርስቶሳ ኑና ዶሲ ፋና ኑ ግሾስ ጾስስ ቶንክ ግ ሳዉዛ እሞኔ ያርሾ ኡዲ እንጌዛይ ጋርክ ይንትካ ሲቆር የዞይታ። ከስ 29:18፤ ማዝ. 40:6

3 ዝን ላሞ፥ ቱናትꬅኔ ኡዘትꬂ አማንዛ አሳይስ ቤዞዋ ግሾስ ይ ጋንጨ ኡባራካ ስእንትፐ። 4 ጾስ ጋላቶይታፐ አትን ዬላꬅዛ ባዝ ቦዞትꬅ ናሻ ዎይ አርኤ ይንትስ ቤዞዋዛይ ግሾስ ይ ጋንጨ ኡባራካ የዝፐ። 5 Ꮊያ ኤሮይታ፤ ኦንካ ላመ ዎይ ቱና ባዝ ኦꬆ ዎይ ኡዛቶ ኤቃስ ጎይኖስ ተንተቶ ክርስቶሳ ካተትꬅኔ ጾስ ካተትꬃ ላቶዳይስ ዳንዳኦያ።

6 Ꮊይትታይፕ ደንዴዛይድ ጾስ ካቺ አዛዝንቶዋ አሳይል አፋ የኦድ ግሾስ ኦንካ ይንታን ፓꬆዋ ኦዳር ዶሽፐ። 7 የይ ጋርክ አሳይር ፐትፐተꬂ ኦꬅፓተ። 8 ብኒ ይ ꬉማ፥ ዝን Ꮊት ጎዳይ ባጋይር ፖኦ። ይኬ፥ ፖኦ አስ ጋርክ ፖኦር የꬎይታ። 9 ፖኦ ሎኦትꬅ፥ ጽሎትꬅኔ ቱማትꬅ ኣፍዛ።

10 ጎዳ ኡፋይስዝ ባዝ ኦꬆዳይስ ኮዮይታ። 11 ኣፈ ባ ꬉማ ኦሶ ቆንጭሶይታፕ አትን ኤዛር ማቅንትፓተ። 12 ኡንቲ ጌማ ኦꬅዛ ኦሳይ ሀራ አቶዝን ኦዶዳይስካ ዬላꬅዛ። 13 ዝን ኡባ ባዝ ፖኦል ከዜዝ ዎደ ቆንጨር በንትዛ። 14 ፖኦ ኡባ ባዝ ቆንጨር ቤዝዛ። የይ ግሾስ፥

15 ይኬ፥ ይ ዋይዚ የዝዛኮ አካኪ ቦኦይታ። ኤጭታ ማቆይታፕ አትን ቦዝታ ማቅፓተ። 16 ጋላስታይ ኢታ ማቄዝ ግሾስ ላይꬃ ዎዞይታ። ቆላ. 4:5 17 የይ ግሾስ፥ ጎዳይ ሸናይ አብዛኮ አካኮይታፕ አትን ቦዝፓተ።

18 ጌሻ አያናር ኩሞይታፕ አትን ꬋቦኮ ይንታን ካልꬅዝ ዎይነ ኡሻር ማꬅፓተ። 19 ማዝሙረር፥ ሳባራኔ አያና የꬃር፥ ፐታይ ፐታይር ኦድንቶይታ። ማ ይ ዎዛናይር ማዝሙርታራነ ሳቢታር ጎዳ ጋላቶይታ። ቆላ. 3:16-17 20 ኑ ጎዳ የሱስ ክርስቶሳ ሱንꬃይር ኡባ ዎደ ጾስ ኣዳ ኡባባዝስ ጋላቶይታ።

21 ክርስቶሳ ቦንቾስ ግ ፐታይ ፐታይስ ሃርንቶይታ።

22 ማችታዮ፥ ጎዳይስ ሃርንትዛይ ጋርክ ይ አዝንታይስካ ሃርንቶይታ። ቆላ. 3:18፤ 1ጵጽ. 3:1 23 ክርስቶሳ ዎሳ ኬꬅስ ኩስተ ማቄዛይ ጋርክ አዝናይካ ፋ ማችስ ኩስተ። ማ ክርስቶሳ ፋ አሰትꬅ ማቄዝ ዎሳ ኬꬅ አሽዛያ። 24 ዝን ዎሳ ኬꬃይ ክርስቶሳስ ሃርንትዛይ ጋርክ ማችታይ ፋ አዝንታይስ ኡባ ባዛር ሃርንቶዳይስ ቤዝዛ።

25 አዝንታዮ፥ ክርስቶሳ ዎሳ ኬꬅ ዶሲ እ ግሾስ ፋና እንጌዛይ ጋርክ ይንትካ ይ ማችታ ዶሶይታ። ቆላ. 3:19፤ 1ጵጽ. 3:7 26 ኤ የያ ኦꬄዛይ ዎሳ ኬꬅ ጌሾዳይስ ኮዪ ኡዴዛ፥ ጌሼዛይካ ፋ ቃላይ ባጋር ሃꬃር ሜጪ። 27 ክርስቶሳ ዎሳ ኬꬅ ቅታ ዎይ ስኖ ቱክꬅ ዎይ የይ ጋርከዝ ባዝ ባይꬅ ኤ ኩንꬅ ቦንቾር ጌሽኔ ቦርንቶዛኖ ኡዲ ፋኮ ሺሾዳይስ ኮዪ የያ ኡዴዛ። 28 የይ ጋርከካ፥ አዝንታይ ፋና ዶስዛይ ጋርክ ፋ ማችታ ዶሶዳይስ ቤዝዛ። ፋ ማቻት ዶስዛይ ፋና ዶስዛ። 29 ፋና እጽዛ አስ ኦንካ ባያ፥ ዝን ክርስቶሳ ዎሳ ኬꬅስ ኦꬅዛይ ጋርክ ፋ አሰትꬃ ሙዝዛኔ ናግዛ። 30 ኑኒ ክርስቶሳ አሰትꬅ ብልትታ።

31 ጾስ ቃላይ፥ «የይ ግሾስ፥ አሲ ፋ አዳኔ ፋ እንዳቶ አሺ፥ ፋ ማቻትር ዎላ የሳዳ፤ ኡንቲ ናምእታይካ ፐቲ አሾ ማቅዛ» ዬጌዛ። መ. 2:24 32 Ꮊይ ግታ ጹራ፥ ዝን ታኒ የያ ክርስቶሳ ባጋኔ ዎሳ ኬꬅባጋ ኣዝሶ ኡዲ ኦድዛ። 33 የይ ጋርከካ፥ ይ ፐታይ ፐታይ ፋ ማቻት፥ ፋና ዶስዛይ ጋርክ ዶሶ። ማቻካ ፋ አዝና ቦንቾዳይስ ቤዝዛ።