1 ናእታዮ፥ ጎዳይ ግሾ ግ ይንታን የሌዝታይስ አዛዝንቶይታ። የይ ይንትስ ቤዝዛ ባዚ። ቆላ. 3:20 2 «ነ አዳኔ ነ እንዳቶ ቦንቾባ።» የይ ኡፋይሳ ቃላ የዝ ቲና አዛዞ። ከስ 20:12፤ ናምእ. 5:16 3 «ነ የያ ፖልዛባዝ ማቅኮ ኡባይ ኔስ ሀኖዳ፤ ነ ላይꬃይካ ሳአል አፋ አዱቆዳ።»

4 የሌዝታዮ፥ ይ ናእታ ጎዳይ ቃላር ታማርሶራኔ ኡንታን ካልꬆር ድቾይታፕ አትን ኡንታን ይሎꬅፓተ።ቆላ. 3:21

5 አይልታዮ፥ ክርስቶሳስ አዛዝንትዛይ ጋርክ አሾ ጎድታይስ ያሻራ፥ ቦንቾራኔ ሉለ ዎዝናር አዛዝንቶይታ። ቆላ. 3:22-25 6 ክርስቶሳ አይለ ጋርክ ጾስ ሸነ ዎዝናፕ ፖሎይታፕ አትን ጋላታ ደንጎዳይስ ኡ ቲና ኣዳ ኦꬅፓተ። 7 አስስ ባዝን ጎዳይስ ኦꬅዛይ ጋርክ ይ ኩንꬅ ዎዝናይፕ ኦꬆይታ። 8 አይለ ማቅን ጎድ ማቅን ፐታይ ፐታይ ፋ ኦꬅዝ ሎኦ ኦꬃይስ ጎዳይፕ ዎይቶ ኤኮዳና ኤርዛ።

9 ጎድታዮ፥ አስ ኣፈ ዞቆ ብኢ ፕርዶዋ ይንትስኔ ኡንትስ ጎዳይ፥ ሳሎ የዛና ይ ኤርዛ። የይ ግሾስ፥ ይ አይልታ ማንድዛ አሺ ኡንቲ ይንትስ ኪትንትዛይ ጋርክ ይ ኡንትስ ሎኦ ባዝ ኦꬆይታ።ቆላ. 4:1፤ ናምእ. 10:17፤ ቆላ. 3:25

10 ይከ Ꮊይፐ፥ ጎዳይራኔ ኤ ዳማ ዎልቃይር ሚንጎይታ። 11 ዳቡሎሳ ዶሻ ኤቅንቶዳይስ ዳንዳኦድ ጋርክ ጾሲ ይንትስ እንጌዝ ኦላ ሚሸ ኡባ ዳንጮይታ። 12 ኑ ኦላይ አሳር ባዝን ሳሎ የዝ ቱና አያንታይር ኦልዝታይራ፥ ማዉተ አድታይር፥ ሃርዝታይራኔ Ꮊ ꬉማ አላመ ዎልቅታይራ።

13 የይ ግሾስ፥ ኢታ ጋላስ ሞርከ ተቆዳይስኔ ኡባ ፖሊ፥ ሚንጊ ኤቂንቶዳይስ ይ ዳንዳኦዳይ ጋርክ ጾስ ኦላ ሚሽታ ኡባ ዳንጮይታ። 14 ቱማ፥ ጼሳል ዝናረ ጋርክ ዳንጪ፥ ጽሎትꬅ ጹሩረ ጋርክ ትራል ጋዲ፥ 15 ሳሮትꬅ ዎንግለ ይ ቶኬ ጫማ ጋርክ ኣꬂ ሚንጊ ኤቆይታ። ኢሳ. 11:5፤ ኢሳ. 59:17፤ 52:7 16 የ ኡባይፕ ኣꬂ፥ ጻላሄ ዳክዝ ላጽዝ ታማ ዶንገ ኡባ ቶእሶዳይስ ዳንዳእዛ አማኖ ኡባ ዎደ ጎንዳለ ጋርክ አይኮይታ። 17 ጾስ አቶትꬃና ብራታ ባርኔጻ ጋርክ ይ ኦማይል ጋዶይታ፤ ማ ጌሻ አያና ማሻ፥ የይካ ጾስ ቃላ አይኮይታ። ኢሳ. 59:17 18 ዎሳ አሽፓተ፤ Ꮊንክታይስካ ጉሮይታ፤ ኡባ ዎደ አያናር ዎሶይታ። ኤዛይድ፥ ጌሽታይስ አዛለካዛር ሚንጊ ኡባ ዎደ ዎሶይታ።

19 ታኒ ዎንግለ ጹራ ያሻ ባይꬅ ቆንጭሲ ኦዶዳይ ጋርክ ጾሲ ታስ ቃላ እንጎድ ጋርክ ዎሶይታ። 20 ታኒ የያ ኦꬆዳይስ ኪትዛይኔ Ꮊተካ አቻ የዛይ የ ዎንግላይ ግሾስ። የይ ግሾስ፥ ታኒ ያሻ ባይꬅ ቤዝዛይ ጋርክ ኦዶዳይ ጋርክ ታስ ዎሶይታ።

21 ታኒ ዋይዚ የዛኮኔ አብ ኦꬅዛኮ ይ ኤሮድ ጋርክ ኑ ሲቆ እሻይ፥ ጎዳይ ኦሶር አማንንቴዝ ኦሳንቻይ፥ ትክቆሳ፥ ታ ባዝ ኡባ ይንትስ ኦዶዳ። ሀዋ. ኦ. 20:4፤ 2ጽማ. 4:12፤ ቆላ. 4:7-8 22 ኑኒ ኡባይ ዋይዚ የዛኮ ይንትስ ኦዶዳይ ጋርከኔ ይ ዎዛና ምንꬃꬆድ ጋርክ ታኒ ኤዛ ይንትኮ ኪቴዛ። መ. 21:10

23 ጾስ አዳይፕ፥ ጎዳ የሱስ ክርስቶሳፕ ሳሮትꬅኔ ሲቆ አማኖር ዎላ ኑ እሽታይ ኡቢታይስ ማቆ። 24 እርጾዋ ሲቆር ኑ ጎዳ የሱስ ክርስቶሳ ዶስዛ ኡባይራ ጾስ ኣꬎ ኬሃትꬃይ ማቆ።