5
1 ፐቲ ፐቲ ቄስታይ ሀላቃ አሳይ ጋንጨፕ ማራጽንቲ፥ ጾሳር ሄልꬅዛ ባዛ አሳይ ግሾስ እሞታራኔ ናጋራ ያርሾ ያርሾዳይስ ሹምንትዛ። 2 ኤ ፋ ኦማስ ዳቡራ ማቄዝ ግሾስ ኤሮዝታይስኔ ባልንትዝታይስ ቃꬊንቶዳይስ ዳንዳእዛ። 3 ኤ ፋ ናጋራ ግሾኔ አስ ኡባ ናጋራ ግሾስ ያርሾ ያርሾዳይስ ቤዝዛይ የይሲ። ለዊ. 9:7
4 ኦንካ Ꮊ ቦንቻ ፓስ ኤኮዳይስ ዳንዳኦዋ፥ ዝን ኣሮና ቄስታይ ሀላቃ ማቆዳይስ ጼግንቴዛይ ጋርክ ጾሳር ጼግንቶዳይስ ቤዝዛ። ከስ 28:1 5 የይ ጋርከካ፥ ክርስቶሳ ቄስታይ ሀላቃ ማቅꬅ ቦንቻ ታስ ቤዝዛ ግ ፋ ኦማስ ኤከካያ። ዝን ጾሲ ኤዛ፥
«ኔኒ ታ ናአ።
Ꮊይኖ ነና ታ የሌዛ» ኤኮ
ዬግዛ።ማዝ. 2:7 6 ማ ሀራ አቆ፥
«ማልከጻድቀ ቄሰ ማቄዛይ ጋርክ፥
ኔኒ መꬍናስ ቄሰ ማቆዳ»
ዬግዛ።ማዝ. 110:4
7 የሱሳ አስ ማቂ Ꮊ አላመል የዝ ዎደ ፋና Ꮊይቆፐ አሾዳይስ ዳንዳእዛ ጾሳ ጋመ ዬፎራኔ አፉꬃር ዎሴዛ። ኤ፥ ኤዛ ቦንቺ ኪትንቴዝ ግሾስ ጾስ ኤ ዎሳ ስኤዛ። ማቶ. 26:36-46፤ ማር. 14:32-42፤ ሉቃ. 22:39-46 8 የሱሳ ጾስ ናአ ማቅኮካ ፋ ዋይንቴዝ ዋያይድ ኪትንታ ታማሬዛ። 9 የይዳካ፥ የሱሳ ፎሎ ማቄዛይፕ ጉየ ፓስ ኪትንትዛ ኡባይ መꬍና አቶትꬃ ደንጎዳይ ጋርክ ኦገ ማቄዛ። 10 ጾስ ማልከጻድቀ ቄሰትꬅስ ሹሜዛይ ጋርክ ቄስታይ ሀላቃ ኡዲ ኤዛ ሹሜዛ።
አማኖር ድጮዳይ ጋርክ እንግንቴዝ ናግሶ
11 ያ ኑ ኦዳይል አፋ ጉጂ ናሾድ ጋመ ባዝ የዛ፥ ዝን ይ አካካይ ጽቃ ማቄዝ ግሾስ ይንትስ ኦዲ ገልሶዳይ ዋይꬅዛ። 12 ይ Ꮊኖንተ አስታማረ ማቆዳይስ ቤዝዛ፥ ዝን ጾስ ቃላ ቲና ትምርታ ይንታን ማሂ ታማርስዛ ሀራ አስ ኮሽዛ። ይ ምኖ ካꬃ ማዳይስ ዳንዳኦዛይ ግሾስ ማꬅ ኮሽዛ። 1ቆሮ. 3:2 13 ማꬅ ፓክንትዛ ኦንካ ዱደ ናአ ማቄዝ ግሾስ ሎኦኔ ኢታ ሻኪ ኤሮያ። 14 ዝን ምኖ ካꬃ ሎኦኔ ኢታ ሻኪ ኤሮር ሎሄዝ አሳይሲ።