1 ይኬ፥ ክርስቶሳ ባጋ ታማርስዛ ቲና ትምርታ አሺ ክርስቶሳር ፎሎኮ Ꮊማዳ። Ꮊይቄዝ ኦሶፕ ገሎኔ ጾስ አማኖ ባጋ ቲና ትምርታይኮ ጉየ ማቂ ማሂ ባሳሚ። 2 የይትታይካ፥ ጽንቃትታይ ባጋ፥ *ጽንቃትታይ ባጋ፦ ያ አቆ ጽንቃትታይ ባጋ ጊንትንቴዛይ ዱማ ዱማ ጌሾ ዎግታይባጋ ኦዶዳዳይስ። ኩሸ ጋዶ ባጋ፥ Ꮊይቆፕ ደንዶ ባጋኔ መꬍና ፕርዳ ባጋ ማሂ ታማራም። 3 ጾስ ጊኮ ኑ የያ ኡዶዳ።

4 ፐቲ ቶኬ ፖኦ ኡንትስ ፖኤዝታ፥ ሳሎ እሞታ ኤኬዝታ፥ ጌሻ አያናር ሻክንቴዝታ፥ 5 ሎኦ ጾስ ቃላኔ ቲናፕ የኦድ አላማይ ዎልቃ በኤዝታ፥ 6 ጉየፐ ካዴዝታ ናጋራይፕ ናምእንꬆ ማሆዳይስ ዳንዳእንቶያ። አብስ ጊኮ፥ ኡንቲ ፋ ꬋቦስ ጾስ ናአ ማሂ ሶትዛይ ጋርክ ማዝቃለል አፋ ኤዛ ሶቴዛ ዎያ ቲና ካዉሽዛ።

7 ኡባ ዎደ ኢል አፋ ቡክዛ እራ ኡዢ፥ ዎቴዝ አꬃ ማድዛ ካꬅ እንግዛ ቢታይ ጾስ አንጄዛኖ። 8 ዝን አንጉንꬅኔ ግጀ ዶልዝ ቢታት አብካ አዳሚ፤ ኢስ ቃንግꬂ ኡኬዛ፤ ዉርስꬃል እዛ ጹግንቶዳ።

9 ኑ ሲቆ እሹንꬆ፥ ኑኒ Ꮊይ ጋርክ ኦድዛ ባዝ ማቅኮካ፥ ይንታን አቶትꬅኮ ካልꬅዛ ሎኦ ባዝ ይንትስ የዛና ኤርዛ። መ. 3:17-18 10 ጾስ ሉለ ፕርድዛ። ጾስ፥ ይ ኦꬄዝ ኦሶኔ ቲና ማቅን Ꮊተካ አማንዝታ ማዲ፥ ኤስ የዝ ሲቆ ቤዜዛና ዶጎያ። 11 ይ ኡባይ ኡፋይሳር ናግዛና ደንጎድ ሄሎዳይስ Ꮊ ምኖትꬃ ዉርስꬂ ሄሎዳይስ ቤዞዳይ ጋርክ ኑ አሞትዛ። 12 ይ አማኖራኔ ዳንዳአር ናግዛ ኡፋይሳ ላትዛ አሳ ኣዞዳይ ጋርከፐ አትን አዛላ ማቆዳና ኑ ኮዮያ።

13 ጾሲ አፍራመስ ኡፋይስ ቃላ እንጎድ ግ ጫቆዳር ፋፐ ኣꬊዝ ሀራ ግታ ባ ግሾስ ፋ ኦማስ ጫቄዛ። 14 ኤኮ፥ «ታኒ ነና አንጆዳ፤ ነ ዘርꬃካ ጋንꬆዳ» ዬጌዛ። መ. 22:16-17 15 አፍራመ ዳንዳአር ናጌዝ ጾሳይ እንጎድ ጌዝ ኡፋይሳ ኤኬዛ።

16 አሲ ጫቂታር ፋፕ ዳምዛ አꬃይር ጫቂዛ፤ ኡ ፋ ኦዳ ጫቆር ሚንꬂ፥ ዎል ጋንጨ የዝ ፓላማ ኡባ ተቅዛ። 17 የይ ግሾስ፥ ጾስ ፋ ላምንቶዋ ቆፋ ኡፋይስ ቃላ ላትዝታይስ ቆንጭሶዳይስ ኮዬዝ ግሾስ ጫቆር ኡንትስ ሚንꬄዛ። 18 ጾስ ላምንቶዋዝታኔ ዎርዶቶዋ ናምኢ ባዝታ ጉሳይ ኡፋይስኔ ጫቃ ኑስ እንጌዛ። Ꮊ ናምኢ ባዝታይፕ ደንዴዛይድ ኑ ቲናይድ የዝ ኡፋይሳ ሚንꬅ አይኮዳይስ ዳንዳኦዳይስ ዘምፖ ደንጎዳይስ ኤኮ ቆስንቴዝ ኑኒ ዎልቃማ ምንꬃꬆ ደንጎዳ።

19 ያ ኡፋይሳይ ኑ ሸምፖስ፥ ማርካበ ኤንአማይ ጋርክ ሚንꬂ አይክዝ ዎዶሮ ጋርከ። የ ኡፋይሳይ ማጋራዣፕ ጉየ ባጋ የዝ ጌሽ አቃ ገልዛ። ለዊ. 16:2 20 የሱሳ ማልከጻድቀ ሹማተꬃይ ጋርክ መꬍናስ ቄስታይ ሀላቃ ማቂ፥ ኑ ግሾስ ኑፕ ቲናቲ የ አቃ ገሌዛ።