8
የሱሳ ኦሮꬅ ጫቆ ቄስታይ ሀላቃ
1 ኑኒ ኦዴዝ ባዛይፕ ኣፈ ቆፋይ የያ። ሳሎ ኡባፕ አፋ ጾስ ዙፋናይፕ ኡሻች ባጋ በቴዝ Ꮊይ ጋርክ ቄሰ ሀላቃይ ኑስ የዛ። ማዝ. 110:1 2 ኤ ኦꬅዛይ ቱማ ዱንካነ ማቄዝ ጌሽ አቆ፥ የ ዱንካናት ቱክንቴዛና አስ ኩሸር ባዝን ጎዳይ ኩሸራ።
3 ቄሰ ሀላቃ ኡባይ ሙጻታስኔ ያርሾ ያርሾዳይስ ሹምንትዛ። የይ ግሾስ፥ Ꮊ ቄሳይ ያርሾዳይስ ፐትባዚ የዞዳይስ ኮሽዛ። 4 ህገ ኪትዛይ ጋርክ ያርሽዛ ቄስታይ የዝ ግሾስ ክርስቶሳ ሳአ የዛ ባዝ ማቄዛኮ ቄሰ ባያ። 5 ኡንቲ ቄሰትꬅ ኦꬅዛ ዱንካናይ ሳሎ የዛይስ ኣዝሶኔ ኤሾ። ሙሰ ዱንካና ኤስዛ ዎደ ጾሲ ኤኮ፥ «ታኒ ነና ደረል አፋ ቤዜዝ ኣዝሳ ካሊ ናግንቶር ኦꬆባ» ዬጌዛ። ከስ 25:40 6 Ꮊት ማቅኮ የሱሳ ጋንጨ ገሊ ዳቦꬅዛ ቃላ ጫቃይ፥ ቲና ቃላ ጫቃይፕ ኣꬍዛይ ግሾስ ኤ ኤኬዝ ኦሳይ ኡንቲሳይፕ ኣꬍዛ። የይ ኤቄዛይ ኣꬊዝ ኡፋይስ ቃላይዳ።
7 ቲና ቃላ ጫቃይድ ቦሮ ባ ማቄዛኮ ናምእንꬅ ቃላ ጫቆ ኮሾያ። 8 ዝን ጎዳይ ኤዛ ቦሪ፥ Ꮊይ ጋርክ ዬጌዛ፦
«ታኒ እስሬለ አሳይራኔ ይሁዳ አሳይራ
ኦሮꬅ ቃላ ጫቆ ጫቂዛ ዎደ የኦዳ። ኤርም. 31:31-34
9 የ ቃላ ጫቃይ ታ ኡ አድታይ ግብጸ ቢታፕ ኩሸ አይኪ፥
ጎቺ ከሴዝ ዎደ ኡንታር ጫቄዝ ጫቃይ ጋርክ ባያ።
ጎዳይ ኡንቲ ታ ጫቃይድ አማንንተካዛይ ግሾስ
ታኒ ኡንታን ኦሊ አሼዛ ዬግዛ።
10 ዝን ይከፕ ጉየ እስሬለ አሳይራ
ታ ጫቆድ ጫቃይ Ꮊያ ዬግዛ ጎዳይ።
ታኒ ታ ህጋ ኡ ካሃይድ ጋዶዳ፤
ኡ ዎዝናይዳካ ጻፎዳ።
ታኒ ኡ ጾሳ ማቆዳ፤
ኡንትካ ታ ወያ ማቆዳ።
11 ኡንታፕ ኦንካ ፋ ሾራ ዎይ ፋ እሻ፥
‹ጎዳ ኤሮባ› ዬጊ ታማርሳሚ።
ኡንቲ ጽቃፕ ዳማ ሄሎዳይስ
ኡባይ ታና ኤሮዳ።
12 ታኒ ኡ ናቃ አቶ ጎዳ፤
ኡ ቆሃ ማሂ ቆፓሚ»
ዬግዛ።
13 ጾሲ Ꮊ ጫቃ «ኦሮꬅ ቃላ ጫቆ» ጉሳይ ቲናሳ ጭማ ማሄዛ። ይኬ፥ ጭማይኔ ጬጋይ ꬋብዛ ዎደ ሄሌዛ።