23
የሱሳ ጵላጾሳ ቲናይድ
(ማቶ. 27:1-2፥ 11-14፤ ማር. 15:1-5፤ ዋን. 18:28-38)
1 የ አቃይድ ሺቄዝ ኡቢታይ ደንዲ የሱሳና ጵላጾሳኮ ካንጌዛ። 2 «Ꮊ አꬃይ ኑ አስታ ባለꬅታር፥ ኦሮመ ካታይስ ጊራ ጊራማይ ጋርክ ካይታራኔ ማ፥ ‹ታኒ ክርስቶሳ ይ ካታ› ዬጎዳር ኑ ደንጌዛ» ዬጊ ሞቴዛ።
3 ጵላጾሳ የሱሳና፥ «ኔኒ አይሁድታይ ካቶኔ?» ዬጊ ኦይጬዛ።
የሱሳ፥ «ኤ፥ ነ ጌዛይ ጋርከ» ዬጌዛ።
4 ጵላጾሳ ቄሰ ሀላቅታይኮኔ አሳይኮ፥ «Ꮊ አꬃይል አፋ ታ ፐቲ ቡታካ ደንገካያ» ዬጌዛ። 5 ዝን ኡንቲ፥ «Ꮊ አꬃይ ጋልላፐ Ꮊያ ሄሎዳይስ ይሁዳ ሙመር ኢታ ባዝስ ደንꬅꬅዛ» ዬጊ ሚንꬂ ኦዴዛ።
6 ጵላጾሳ የያ ስኤዝ ዎደ የሱሳ ጋልላ አሶ ዬጊ ኦይጬዛ። 7 የሱሳ ሄሮዶሳ ጋደፕ የኤዝ አስ ማቄዛና ጵላጾሳ ኤሬዛይፕ ጉየ ሄሮዶሳ የ ዎደ የሩሳላመ የዝ ግሾስ ኤዝኮ ዳኬዛ።
የሱሳ ሄሮዶሳ ቲና
8 ሄሮዶሳ የሱሳ በአዳይስ ጋመ ዎደፐ ኮይታር የዝ ግሾ ኤዛ በኤዝ ዎደ ጋመ ኡፋይቴዛ። አብስ ጊኮ፥ ኤባዝ ስኤዝ ግሾ ማላባዝ ኡድን በአዳይስ አሞትታር የዛ። 9 ሄሮዶሳ የሱሳና ጋመ ኦይች ኦይጬዛ፥ ዝን ኤ አብካ ማሄካያ። 10 ቄስታይ ሀላቅታይኔ ህገ አስታማርታይ ኤዛይድ ኤቂ ሚንꬂ ኤዛ ሞትዛ። 11 ሄሮዶሳራኔ ኤ ዎታዳርታይር የሱሳ ላቃሰር ለቄዛ። ቡቁሮ አፍላ ማእሲ ጵላጾሳኮ ማሂ ዳኬዛ። 12 ሄሮዶሳራኔ ጵላጾሳር ቲን ሞርከዝን የ ጋላስ ዎላ እግንቴዛ።
ፕላጾሳ የሱሳል ፕርዴዛ
13 ጵላጾሳ ቄሰ ሀላቅታ፥ ጋደ አቅስዝታኔ ዎይታ ጼጊ፥ 14 « ‹Ꮊ አꬃይ ኢታ ባዝስ ደንꬅꬅዛ› ግ ታኮ ይ ከኤዛ። ታካ ይ ቲና ፕላጊ ብእን ይ ሺሼዝ ሞታይስ አባ ቡታካ ኤል ደንገካያ። 15 ሄሮዶሳ፥ የይ ጋርክ አባ ቡታካ ኤዛል አፋ ደንገካ ግሾስ ኑኮ ዳኬዛ። ቱማ Ꮊ አꬃይ Ꮊይቆስ ሄልꬅዝ አባ ቡታካ ኦꬄካያ። 16 የይ ግሾስ፥ ኤዛ ጋራፊ ብሊ ዳኮዳ» ዬጌዛ። 17 [የያ ኤ ጌዛይ ፋዝቃ ባለ ዎደ ፐቲ አስ አቻፕ ኡንትስ ብልዛይ ኤዝስ አቶዋ ባዝ ማቄዝ ግሾስ።]
18 ዎያ ኡቢታይ ፐትፕ፥ «Ꮊ አꬃ ገደ ሀልእሶባ፥ ኑስ ባርባና ብሎባ» ዬጊ ኡኬዛ። 19 ባርባና ካታማ ጋንጨ አስ ኢታ ባዝስ ደንꬅꬂ አስ ዎꬊ አጭንቴዝ አሲ።
20 ጵላጾሳ የሱሳና ብልኦዳይስ ኮዪ አሳይስ ማሂ ኦዴዛ። 21 ማቆዝን፥ አሳይ፥ «ሶቶባ! ሶቶባ!» ዬጊ ኡኬዛ። 22 ጵላጾሳ ሃይꬒንꬆ፥ «Ꮊ አꬃይ ቆሄዝ ባዛይ አባ? ዎꬎስ ሄልꬅዝ ቡታ ታ ደንገካያ። የይ ግሾስ፥ ጋራፊ ዳኮዳ» ዬጌዛ።
23 ኡ ፋ ቃላ ꬎቅ ኡዲ፥ «ሶትንቶዳይስ ቤዝዛ» ግ ሚንꬂ ኡኬዛ። ኡ ኡፋይካ ኡሳ ዳሬዛ። 24 ኡ ኦይቻይ ግሾስ ግ ጵላጾሳ ኤዛል አፋ ፕርዴዛ። 25 አሳ ኢታ ባዝስ ደንꬅꬅዛኔ አስ ዎꬊ አጭንቴዛና ብሎድ ጋርክ ዎሴዝ፥ የ አꬃ ኡንትስ ብልኤዛ። ዝን የሱሳ ኡንቲ ኮዬዝ ባዝ ኦꬆድ ጋርክ ኡንትስ አꬂ እንጌዛ።
የሱሳ ሶትንቴዛ
(ማቶ. 27:31-44፤ ማር. 15:21-32፤ ዋን. 19:17-27)
26 የሱሳና አይኪ ካማዳር ስሞና ግዝ ቀረና ቢታ አꬃይ ጋጻረፕ የኦዳር፥ ደንጊ ማዝቃላ ቶሲ የሱሳ ካሊ Ꮊማድ ጋርክ ጭጵቼዛ። 27 ጋመ አሳይኔ ኡ ጋንጨፕ ፋ ትራ ቆጽታር ዬክዛ ማችታይ ኤ ጉያይር ካልዛ።
28 ዝን የሱሳ ኡንትኮ ጉየ ማቂ፥ «ይንታኖ፥ የሩሳላመ ማችታዮ፥ ይ ኡባይስኔ ይ ናእታይስ ዬኮይታፕ አትን ታስ ዬክፓተ። 29 ‹የዛኮ ꬎንꬅታይ፥ የለካ ኡልታይኔ አምሰካ አምታይ አንጅንቴዛ› ይ ዬጎድ ጋላሳይ የኦዳ። 30 የ ዎደ አምብታካ፥ ‹ኑል አፋ ዎዶይታ›፥ ደርታካ፥ ‹ኑና ቆሶይተ› ዬጎዳ። ሆሳ. 10:8፤ ዋን. ቆን. 6:16 31 ይኬ፥ እርጻ ምንጻ የይ ጋርክ ኦꬅኮ መላ ምንጻ ዋይሳደሻ?» ዬጌዛ።
32 ኤዛር ዎላ ዎꬎዳይስ ሀራ ናምኢ ፓንታ ካንጌዛ። 33 ቄራንዮ*ቄራንዮ፦ ቄራንዮ ግዛይ ግርኬ ዶና። አራማይኬ ዶናር «ጎልጎታ» ዎይ «ኦማ ጉተ» ጉሲ። ቄራንዮ ግዝ ሱንꬃይ እንግንቴዛይ የሱሳ ሶትንቴዛይ አስ ኦማ ጉተ ኣዝዝ በሳይድ ማቅዝ ግሾስ። የ አቃይ ኦሮመ ካተትꬃይ ፓንታ ሶጾዳር አቆ። (ማቶ 27፦ 33፤ ማር። 15:22፤ ዋን 19:17) ግንትንትዝ አቆ ሄልꬂ ሶቴዛ። ፓንታይፕ ፐታ ኡሻች ባጋር Ꮊንካ ሀድርስ ባጋር ሶቴዛ። 34 የሱሳ፥ «ታ አዳዮ፥ ኡ አብ ኦꬅዛኮ ኤሮዋ ግሾስ ኔኒ ኡንትስ አቶ ጎባ» ዬጌዛ። ማዝ. 22:18
ኡ ኤ አፍላይል አፋ እጻ ኦሊ ሻክንቲ ኤኬዛ።
35 አሳይ ኤቂ በአዳር፥ ጋደ ሞድዝታይ፥ «ኤ ሀራ አሳ አሼዛ፤ ጾሳይ ማራጼዝ ክርስቶሳ ኤዛ ማቅኮ አን ፋና አሾ» ዬጊ ለቄዛ። ማዝ. 22:18፤ ማዝ. 22:7 36 ዎታዳርታይ ኤዝኮ ሺቂ፥ ጫላ ዎይነ ኡሽ እንጌዛ። ማዝ. 69:21 37 ዬዚ፥ «ኔኒ አይሁድታይ ካት ማቅኮ አን ነ ኡባ አሾባ» ዬጊ ለቄዛ።
38 ኤዝስ ኦማ ባጋር፥ «Ꮊይ አይሁድታይ ካት» ዬግዝ ጹፈ ግርክꬆራ፥ ኦሮምꬆራ፥ እብራይስጽꬆራ ጻፊ ጋዴዛ። 39 ሶትንቴዝ ፓኖ ፐታይ ጫሸ ሳአር ጎችታር፥ «አን ኔኒ ክርስቶሳ ማቅኮ፥ ነናካ ኑናካ አሾባ» ዬጌዛ።
40 ዝን Ꮊንኮ ፓናይ፥ «ነ Ꮊይ ጋርክ ፕርዳር የዛር ሀራ አቶዝን፥ ጾስስ ያሽታሞ? 41 ኑኒ ኑ ቡታይስ ቤዝዛ ፕርደ ኤክዛ፥ ዝን Ꮊ አꬃይ ፐቲ ኢታባዝካ ኦꬄካያ» ዬጊ ካጭንቴዛ።
42 ማካ፥ «የሱሳ፥ ነ ነ ካተትꬃር ይእዝ ዎደ ታና ቆፖባ» ዬጌዛ።
43 የሱሳ፥ «ታ ኔስ ቱሮ ኦድዛ፤ Ꮊይኖ ነ ታር ጋናተ የሳዳ» ዬጌዛ።
የሱሳ Ꮊይቆ
(ማቶ. 27:45-56፤ ማር. 15:33-41፤ ዋን. 19:28-30)
44-45 የ ጋላስ ኡሱፑን ሳተፕ Ꮊንጊ ኡዱፉን ሳተ ጋꬆ አዋ ፖኦ ካዬዝ ግሾስ ቢታ ኡባይል አፋ ꬉማ ማቄዛ። ጾስ ኬꬅ ማጋራዣይ ፐርእንቲ ናምኢ አቆ ሻክንቴዛ። ከስ 26:31 46 የሱሳ፥ ቃላ ꬎቅ ኡዲ፥ «ታ አዳዮ፥ ታ ታ ሸምፓቶ ነ ኩሻይድ እንጌዛ» ዬጊ Ꮊይቄዛ። ማዝ. 31:5
47 ማቶ ሀላቃይ፥ ሀኔዛያ ብኢ፥ «Ꮊ አꬃይ ቱማካ ጌሻ» ዬጊ ጾስ ጋላቴዛ። 48 Ꮊ ሀንዛባዛ በአዳይስ የ አቃይድ ሺቄዝ አስ ኡባይ ሀኔዝባዛ ብኢ ፋ ትራ ቆጽታር ፋ ካራ ማቄዛ። 49 ማቆዝን፥ የሱሳ ላንቀ ኤርዛ አስ ኡባይ፥ የይ ጋርከካ ጋልላፐ ካል የኤዝ ማችታይ የያ ብእታር ሃኮር ኤቄዛ። ሉቃ. 8:2
የሱሳ ሞግንቶ
(ማቶ. 27:57-61፤ ማር. 15:42-47)
50-51 አይሁደ ሻንግታይፕ ፐታይ፥ ዮሴፋ ግንትንትዝ አꬃይ የዛ። ኤ አርማትያሳ ግንትንትዝ ይሁዳ ካታማፕ የኤዛ። ኤ ሎኦኔ ጌሽ አስ ማቅዝ ግሾስ ጾሳ ካተትꬃይ ይእꬃና ናግዛ። ሻንግታይፕ ፐታ ማቅታር ኡ ዞረትꬃራኔ ኦሳይር ባያ። 52 የ አꬃይ ጵላጾሳኮ Ꮊንጊ፥ የሱሳ አሃ ሞጎዳይስ ታስ እንጎባ ግ ዎሴዛ። 53 የሱሳ አሃ ዎꬍሲ አፍላር ጻጼዛ። ዛላ ዎጪ ከሴዝ ሀራ አስ ሞግንተካ ኦሮꬅ ዱፎ ጋንጨ ጋዴዛ። 54 ማላ ገሎድ ሀንዛ ግሾስ የ ጋላሳይ ጊግንቶ ቃማ።
55 ጋልላፐ ደንዲ የሱሳ ካሊ የኤዝ ማችታይ ዮሴፋር ዎላ Ꮊንጊ ኤ አሃ ዋይዚ ሞግዛኮ ዱፋ አካኪ በኤዛ። 56 ኤዛይፕ ማቂ ሽቶኔ ቅባተ ጊግሴዛ። ህገ ኪትዛይ ጋርክ ማላ ጋላስ ሸምፕ ፔዤዛ። ከስ 20:10፤ ናምእ. 5:14
23:30 ሆሳ. 10:8፤ ዋን. ቆን. 6:16
*23:33 ቄራንዮ፦ ቄራንዮ ግዛይ ግርኬ ዶና። አራማይኬ ዶናር «ጎልጎታ» ዎይ «ኦማ ጉተ» ጉሲ። ቄራንዮ ግዝ ሱንꬃይ እንግንቴዛይ የሱሳ ሶትንቴዛይ አስ ኦማ ጉተ ኣዝዝ በሳይድ ማቅዝ ግሾስ። የ አቃይ ኦሮመ ካተትꬃይ ፓንታ ሶጾዳር አቆ። (ማቶ 27፦ 33፤ ማር። 15:22፤ ዋን 19:17)
23:34 ማዝ. 22:18
23:35 ማዝ. 22:18፤ ማዝ. 22:7
23:36 ማዝ. 69:21
23:44-45 ከስ 26:31
23:46 ማዝ. 31:5
23:49 ሉቃ. 8:2
23:56 ከስ 20:10፤ ናምእ. 5:14