24
የሱሳ Ꮊይቆፕ ደንዴዛ
(ማቶ. 28:1-10፤ ማር. 16:1-8፤ ዋን. 20:1-10)
1 ሳምንታፕ ቲና ጋላስ፥ ዎጋ ዎደ ጉራ የጭየጮ፥ ማችታይ ፋ ጊግሴዝ ሽቶ ኤኪ ዱፋይኮ Ꮊንጌዛ። 2 ኡ እዘ ሄሎዳር ዱፋይ ዶና የዝ ሹቻይ ጎልኣልኢ ሀልኤዛና ደንጌዛ። 3 ኡ ዱፋ ሄሊ ገሌዛ፥ ዝን ጎዳ የሱሳ አሃ ደንጌካያ። 4 ኡ ኤዛይድ ኤቂ አቢ ሀነኔ ግ ቆፖዳር አካከካዝን ቦꬅ ፖጭዝ አፍላ ማኤዝ ናምኢ አስታይ ኡ ካለ ኤቄዛ። 5 ማችታይ ያሽቲ ፋ ኦማ ሳአ ዝቂ ኡዲ የዝን፥ አስታይ ኡንትኮ፥ «ፓꬃና Ꮊይቅታይ ጋንጨ አብስ ኮዬ? 6-7 ኤ Ꮊይዳ ባያ፤ Ꮊይቆፕ ደንዴዛ፥ ‹አስ ናአይ ናጋራ ኦꬅዝታይ ኩሸ ኣꬊ እንግንቶዳ፤ ኡንትካ ኤዛ ሶቶዳ። ማቶ. 16:21፤ 17:22-23፤ 20:18-19፤ ማር. 8:31፤ 9:31፤ 10:33-34፤ ሉቃ. 9:22፤ 18:31-33 ኤ ሃይꬓንꬆ ጋላስ Ꮊይቆፕ ደንዶዳ› ዬጊ፥ ኤ ይንታር ጋልላ ቢታ የዝታር ይንትስ ኦዴዝ ቃላ ቆፖይታ» ዬጌዛ።
8 ማችታይ የ ዎደ ኤ ቃላ ቆፔዛ።
9 ማችታይ ዱፋይፕ ማቂ ሀኔዝባዛ ኡብታ ታጶ ፐትታይስኔ Ꮊንክታይስካ ኦዴዛ። 10 የያ ሀዋርታይስ ኦዴዛይ ማግዴላ ማይራሞ፥ ዮሃና፥ ያይቆባ እንዳት ማይራምራኔ ኡንታር የዝ ሀራ ማችታ። 11 ዝን ኡንትስ ማችታይ ኦዴዛይ ኤልሞ ኣዝን አማነካያ። 12 ዝን ጵጽሮሳ ደንዲ ዎጺ ዱፎ Ꮊንጌዛ። የ አቃ ሄሊ ዙጊ በአዳር ሞጎ አፍላ ኣዳ በኤዛ። ሀኔዝ ባዛይስ ማላባዝግታር ፋ ካራ ማቄዛ።
ኤማሁሰ ኦገል አፋ
(ማር. 16:12-13)
13 የ ጋላስ ካልዛ ታማርታይፕ ናምእታይ የሩሳላመፕ ታጶ ናምኢ ክሎ ምትረ ሃክዛ ኤማሁሰ ሄራ Ꮊንግዛ። 14 ኡ ዎላ ሀኔዝባዛ ኡብታ ኦድንትዛ። 15 ኡ የ ሀናይ ባጋ ቆፕታራኔ ኦድንትታር Ꮊንጎዳር የሱሳ ኡንትኮ ሺቂ ኡንታር ዎላ Ꮊንግዛ። 16 ሀኖ ዝን፥ ኡንቲ ኤዛ ኤራም ጋርክ ኡ ኣፋይ አይክንቴዛ።
17 ኤ፥ «ይ ዎላ ኦገል አፋ ኦድንትዛይ አባ?» ዬጌዛ።
ኡ አዛኒ ስኤ ግ ኤቄዛ። 18 ኡንታፕ ፐታይ ቀልዮጳ ግንትንትዛይ፥ «Ꮊ ቃምታይ ጋንጨ የሩሳላመ ሀኔዝባዛ ኤሮዛይ፥ ነ ቢታስ እማꬆኔ?» ዬጌዛ።
19 ኤ ማሂ፥ «ኤ ሀኔዛይ አባ?» ዬጊ ኦይጬዛ።
ኡንቲ፥ «ጾስ ቲናኔ አስ ቲና ኦሶራኔ ኦዳር ሚንꬂ ናበ ማቄዝ ናዝረተ የሱሳ ባጋ። 20 ኤዛ ቄሰ ሀላቅታይኔ ኑና አቅስዝታይ Ꮊይቆ ፕርደስ ኣꬂ እንጊ፥ ሶቴዛ። 21 ኑኒ እስሬለ አሳ ዎዞደ ግ ኡፋይቲ ናጌዝን Ꮊይ ሀንን Ꮊይኖ ሃይꬓንꬆ ቃማ። 22 ማ ኑ ጋንጨፕ ፐቲ ፐቲ ማችታይ ኑና ዶና ኣይꬄዛ። ኡንቲ Ꮊይኖ ዎንታ ጉራ ዱፎ Ꮊንጌዛ። 23 ኤ አሃይ ꬋብን ማቂ ይኢ፥ ‹ኤ ፓꬅ የዛ› ዬግዛና ኪታንችታይ ቆንጭስን በኤዛ ዬጊ ኦዴዛ። 24 ኑ ጋንጨፐካ ፐታይ ፐታይ ዱፋ Ꮊንጊ ማችታይ ኦዴዛይ ሀንን በኤዛ፥ ዝን ኤዛ ኡ በኤካያ» ዬጌዛ።
25 ኤ ኡንትኮ፥ «ይንታኖ፥ አካኮዋ አስታዮ፥ ይ ዎዝናይ ናብታይ ኦዴዝ ባዝ ኡብታ አማኖዳይስ ጋምእዝታዮ፥ 26 ክርስቶሳ Ꮊ መታ ኤኮዳይስነ ፋ ቦንቻይር ገሎዳይስ ቤዞሳ?» ዬጌዛ። 27 ሙሰፐኔ ናብታይ ኡባይፕ ደንዲ ጌሻ ማጻፋይድ ኤባጋ ጻፍንቴዛና ኡባ ኡንትስ ፓቴዛ።
28 ኡንቲ Ꮊንግዛ ጉታይኮ ኡኮዳር የሱሳ አꬊ ሃኮ አቆ Ꮊንግዛ ኣዝን፥ 29 ኡንቲ፥ «ሳአይ ቃሜዝ ግሾስ ኑር አቆባ» ዬጊ ሚንꬂ ዎሴዛ። የይ ግሾስ፥ ኡንታር አቆዳይስ ገሌዛ።
30 ኡንታር ዎላ ሙንታል አፋ በቲ፥ ቦራ፥ ደንꬂ አንጂ ኡንትስ ባጺ እንጌዛ። 31 የ ዎደ ኡንቲ ኤሮዳይ ጋርክ ኡ አፋይ ዶይንቴዛ። ኡንትካ ኤሬዛ። ዝን ኤ ኡ ኣፋይፕ ꬋቤዛ። 32 ኡንቲ፥ «ኑ ኦገል አፋ የዝን ኤ ኑስ ጌሻ ማጻፋ ብልታራኔ ኑር ናሾዳር ኑ ዎዝናይ ጹግንተካሳ?» ዬጌዛ። 33 የ ዎደ ደንዲ ጉየ የሩሳላመ የኤዛ። ታጶ ፐትታይራ Ꮊንክታይ ፐትፕ ሺቂ የዝን ደንጌዛ። 34 ኡንቲ፥ «ጎዳይ ቱማ ደንዴዛ፤ ስሞናስ በንቴዛ» ዬጌዛ።
35 የ ናምኢ ታማርታይ ኤማሁሰ ኦገል አፋ የዝን ሀነዛናኔ ቦራ ሜዝ ዎደ ዋይዚ ኤዛ ኤሬዛኮ ኡንትስ ኦዴዛ።
የሱሳ ፋ ታማርታይስ በንቴዛ
(ማቶ. 28:16-20፤ ማር. 16:14-18፤ ዋን. 20:19-23፤ ሀዋ. ኦ. 1:6-8)
36 ናምኢ ታማርታይ የ ኦዳይል አፋ የዝን፥ የሱሳ ኡ ጋንጨ ኤቂ፥ «ሳሮ ይንትስ ማቆ» ዬጌዛ።
37 ማቆዝን፥ ኡንቲ ዳጋሚ፥ ሜሸ በኤዛ ኣዝን ያሽቴዛ።
38 ኤ ኡንትኮ፥ «አብስ ዳጋሜኔ? አብስ ስ ይ ዎዝናይድ ገሌኔ? 39 ታ ኩሻኔ ታ ቶካ ቦኦይታ፤ ታ ታና። ማካ አይኪ ቦኦይታ፤ ታል ይ ብእዛይ ጋርክ፥ ሜሸስ አሾኔ መቀꬂ ባያ» ዬጌዛ። 40 ዬጊ፥ ፋ ቶካኔ ፋ ኩሻ ኡንታን ቤዜዛ። 41 ኡ ኡፋይሳፕ ደንዴዛይድ አማነካዛር ማላባዝ ጉሳል የዝን፥ የሱሳ ኡንትኮ፥ «Ꮊይዳ ይንትስ ሚዝባዝ የኔ?» ዬጌዛ። 42 ኡ ጽቃ ምችንቴዝ ሞሎ ኤዝስ እንጌዛ። 43 ኤ ኤኪ ኡ ቲናይድ ሜዛ።
44 ኤ፥ «ታ ይንታር ጋምኤዝ ዎደ ኡባይድ ሙሰ ህገ ማጻፍታይድ፥ ናብታይ ማጻፍታይዳኔ ማዝሙረ ማጻፍታይድ፥ ታ ግሾ ጻፍንቴዝባዝ ኡቢታይ ፖልንቶዳይስ ቤዝዛ ዬጊ ታ ይንትስ ኦዴዝ ቃላይ Ꮊያ» ዬጌዛ።
45 የ ዎደ ጌሻ ማጻፍታ አካኮድ ጋርክ ካሃ ኡንትስ ዶዬዛ። 46 የይ ጋርከካ፥ «ክርስቶሳ ዋየ ኤኮዳ፥ ሃይꬓንꬆ ቃማ Ꮊይቆፕ ደንዶዳ ዬጊ ጻፍንቴዛ። 47 የሩሳላመፐ ደንዲ አስ ኡባይስ ናጋራይፕ ማሮትꬃይኔ አቶትꬅ ኤ ሱንꬃይር ማርካቶዳ። 48 ይ የይስ ማርክታ። 49 ዬዛኮ፥ ታካ ታ አዳይ እንጌዝ ኡፋይሳ ይንትስ ዳኮዳ። ይ ሳሎፕ ዎልቃ ማኦድ ጋꬆ የሩሳላመ ካታማ ጋምኦይታ» ዬጌዛ። ሀዋ. ኦ. 1:4
የሱሳ ደንዲ ሳሎ ቅቴዛ
(ማር. 16:19-20፤ ሀዋ. ኦ. 1:9-11)
50 የይፐ ጉየ፥ ብታና ካታማ ኡንታን ኤኪ ቅቴዛ። ፋ ኩሻ ደንꬂ አንጄዛ። ሀዋ. ኦ. 1:9-11 51 ኡንታን አንጅታር ኡንታፕ ሻክንቲ ኡዴ ሳሎ ኤክንቴዛ። 52 ኡ ዙጊ ጎይኒ ጋመ ኡፋይሳር የሩሳላመ ማቄዛ። 53 ጾሳ ኡባ ዎደ ጋላትታር ጾስ ኬꬃ ጋምኤዛ።