6
ማንቅታይስ እንግꬅ ባጋ
1 «ጉጅካ የሱሳ Ꮊይ ጋርክ ዬጌዛ፤ አሲ ቦኦ ግ ይ ሎኦ ኦሳ አስ ቲና ኦꬃማይ ጋርክ ናግንቶይታ። የይፕ አትኮ ሳሎ የዝ ይ አዳይፕ ዎይቶ ደንጋሚ። ማቶ. 23:5
2 «ይንቲ ማንቅታይስ እንግታር አስ ቲና ቦንችንቶዳይስ ግ ጩቢታይ ኦገ ዶናይዳኔ አይሁድታይ ዎሳ ኬꬅታይድ ኦꬅዛይ ጋርክ አሲ ቦኦ ግ ቱልቱላ ፑግስፓተ። ታ ይንትስ ቱሮ ኦድዛ፤ ኡንቲ ፋ ዋጋ ኤኬዛ። 3 ዝን ይ ማንቅታይስ እንጎዳር ይ ኡሻች ኩሻይ ኦꬅዛና ይ ሀድርስ ኩሻይ ኤርፐ፤ 4 ይኬ እማይ ጌማ ማቆ። ጌማ ኦꬅዛና ብእዛ ይ አዳይ ይንትስ ዎይቶ ፕ እማዳ።
ዎሳ ባጋ
(ሉቃ. 11:2-4)
5 «ዎሳ ዎስታር ጩቦ አሳይ ጋርክ ሀንፓተ። ኡ ፋና አሲ ቦኦ ግ አይሁድታይ ዎሳ ኬꬅ ጋንጨኔ ኦገ ዶናል ኤቂ ዎስዛና ዶስዛ። ታ ይንትስ ቱሮ ኦድዛ፤ ኡንቲ ፋ ኩንꬅ ጋተ ኤኬዛ። ሉቃ. 18:10-14 6 ዝን ነ ዎስታር ነ ቆልአ ገሊ ጋዛራ ጎርዲ ጌማ የዝ ነ አዳይኮ ዎሶባ፤ ጌማ ኦስንቴዝ ባዝ ብእዛ ነ አዳይ ኔስ ነ ጋታ እማዳ። 7 ይ ዎስታር አማኖዋ አስ ጋርክ ጨረ ቃላ ማሂ ማሂ አዱስስ ዎስፓተ። ኡ አዱስስ ዎስኮ ጾሲ ስእዛ ግ ቆፕዛ። 8 የይ ግሾስ ኡንቲሳይ ጋርክ ሀንፓተ። አብስ ጊኮ ይ አዳይ ይንትስ አቢ ኮሽዛኮ ይ ዎሶዳይፕ ቲናቲ ኤርዛ። 9 ይኬ፥ ይ ዬጊ ዎሶይታ፦
« ‹ሳሎ የዝ ኑ አዳዮ፥
ነ ሱንꬃይ አንጅንቶ።
10 ነ ካተትꬃይ የኦ፥
ነ ሸናይ ሳሎ ሀኔዛይ ጋርክ
ሳአላካ ሀኖ።
11 ጋላሳ ካꬃ Ꮊይኖ ኑስ እንጎባ።
12 ኑኒ ኑና ቆሄዝታይስ፥ አቶ ግዛይ ጋርክ፥
ኑስካ ኑ ቆሄዝ ባዝ አቶ ጎባ።
13 ኑና ኢታፕ አሾባፕ አትን
ፓጨ ጋንጨ ገልስፐ።
ካተትꬂ፥ ዎልቃኔ ቦንቾ
መꬍናስ ኔሲ። አምንኤ።›*ካተትꬂ፥ ዎልቃኔ ቦንቾ መꬍናስ ኔሲ። አምንኤ፦ ግዛይ ፐቲ ፐቲ ብኒ ማጻፍታይድ ባያ።
14 «ይ ይንታን ቆሄዝታይስ አቶ ጊኮ፥ ሳሎ የዝ ይ አዳይ ይ ቆሄዝ ባዝካ አቶ ጎዳ። ማር. 11:25-26 15 ዝን ይ ሀራ አስ ናጋራ አቶ ጋም እጽኮ ይ አዳይ ይ ናጋራ አቶ ጋሚ።»
ጾማ ባጋ
16 «ይ ጾምታር ጩቢታይ ጋርክ ሹልፓተ። አብስ ጊኮ፥ ኡንቲ ጾምዛና አሲ ኤሮድ ጋርክ ፋ ስና ካይስዛ። ታ ቱሮ ኦድዛ፤ ኡንቲ ፋ ጋታ ኤኬዛ።
17 «ዝን ነ ጾምታር ነ አፋ ሜጮባ፥ ነ ኦማ ትዥንቶባ። 18 የይ ጋርክ ነ ኦꬅኮ ነ ጾምዛ ጾማይ አሳፕ ጌምዛ፥ ዝን ጌማ የዝ ነ አዳይ ኤርዛ ጾማ ማቃዳ። ጌማ ኦስንቴዝ ባዝ ብእዛ ነ አዳይ ኔስ ዎይቶ እማዳ።
ሻሎ ሳሎ ሺሾ ባጋ
19 «ብላኔ ዎሾ ꬋብስዛ አቆ፥ ካይዞ ቦኪ ኤክዛ አቆ፥ Ꮊ ሳአል፥ ይንትስ ሻሎ ሺሽፓተ። ያይ. 5:2 20 ዝን ብላኔ፥ ዎሾ፥ ꬋብሶዋ፥ ካይዞ ቦኪ ኤኮዋ አቆ ሳሎ ይንትስ ሻሎ ሺሾይታ። 21 ነ ሻላይ የዛ አቆ ነ ዎዝናይካ ኤዛይድ የዞዳ።
22 «ኣፈ አሰትꬅ ኡባስ ጾምፐ። የይ ግሾስ፥ ነ ኣፋይ ፓꬅ ማቅኮ ነ ጋላይ ኡባይ ፖኦ ማቅዛ። 23 ነ ኣፋይ ሀርግንትዛ ማቅኮ ነ ኩንꬅ አሰትꬃይ ꬉማ ማቅዛ። ይኬ፥ ኔል የዝ ፖአይ ꬉማ ማቅኮ፥ ꬉማይ አብ ጋርክ ኣꬊ ꬉሞደሻ!
24 «ፐቲ አሲ ናምኢ ጎድታይስ ሞድንቶዳይስ ዳንዳኦያ። ፐታ ቃꬊኮ Ꮊንካ እጽዛ፤ ዎይ ፐታ ቦንችኮ Ꮊንካ ለቂዛ። ጾስስኔ ሚሸስ ሞድንቶዳይስ ዳንዳኦያ።
ኡንእንትፓተ
(ሉቃ. 12:22-31)
25 «ይኬ፥ ስኦይታ! ይ ሸምፓይስ፥ ‹አብ ማዴ? አብ ኡዦደ?†አብ ኡዦደ ግዛይ ብኒ ማጻፍታይድ ባያ። አብ ማኦደ?› ግ ቆፕፓተ፤ ሸምፖ ካꬃፕ፥ ጋላ ማኦፕ ኣꬎሳኔ? 26 ሳሎ ካፍታ ቦኦይታ፤ ኡንቲ ዘሮያ፥ ቡጮያ፥ ሻለ ኦሎያ፥ ዝን ይ ሳሎ አዳይ ኡንታን ሙዝዛ። የዝን ይ ኡንታፕ ሎእꬂ ኣꬎሳኔ? 27 ይ ጋንጨፕ ኡንእንቲ ፋ ላይꬂል አፋ ፐቲ ጋላስ ጉጆዳይስ ዳንዳእዛይ የኔ?
28 «ማ ይንቲ ማእዛባዝስ አብስ ኡንእንትኔ? ዎራ የዝ ፉꬂታ ቦኦይታ፥ ኡ ኦሶር ዳቡሮያ ዎይ ሱቆያ። 29 ሀራ አቶዝን፥ ካት ሶሎሞነ ፋ ቦንቾ ኡባይር Ꮊ ፉꬂታይፕ ፐታይ ጋርክ ማኤካያ። 1ካት. 10:4-7፤ 2ዜና. 9:3-6 30 ይንታኖ፥ አማኖ ፓጬዝታዮ፥ ጾሳይ Ꮊይኖ በንቲ ዎንታ ታማ ጋንጨ ዎꬋዳይስ የዝ ማታ ዬዚ ማእስዛ ማቅኮ፥ ይንታን ኡንታፕ ኣꬂ ዋይዚ ማእሶሳ? 31 የይ ግሾስ፥ ‹አብ ማዴ? አብ ኡዦደ? አብ ማኦደ?› ግ ኡንእንትፐተ። 32 Ꮊያ ኡባ ጾስ አማኖዋ አሳይ ጋንꬂ ደንጎዳይስ ኡንእንትዛ። ይ ሳሎ አዳይ የ ኡባይ ይንትስ ኮሽዛና ኤርዛ። 33 ዝን ኡባፕ ቲን ጾስ ካተትꬅኔ ኤ ጽሎትꬅ ኮዦይታ፤ የ ኡባይ ይንትስ ጉዥንቶዳ። 34 የይ ግሾስ፥ ዎንታስ ቆፕታር ኡንእንትፓተ። ዎንታ ፓስ መትንቶ፤ ፐቲ ፐቲ ጋላሳይስ ኤ ኢታትꬃይ ግዶዳ።