4
ዘርꬅ ዘርዝ አꬃይ ኣዝሶ
(ማቶ. 13:1-9፤ ሉቃ. 8:4-8)
1 የሱሳ ማካ ጋልላ አባ ካለ ታማርሶ አይኬዛ። አቆፕ ኣꬌዝ ጋመ አስታይ ኤ ላንቃይር ሺቅን፥ አባይል የዝ ዎጎላይ ጋንጨ ገሊ በቴዛ፥ አሳይ ኡቢታይ አባ ላንቀ የዛ። ሉቃ. 5:1 2 ኤ ኡንታን ጋመ ባዝ ኣዝሶር ታማርሴዛ። ታማርስታር Ꮊይ ጋርክ ዬጌዛ፦
3 «ስኦይታ! ፐቲ አꬃይ ዘርꬅ ዘሮዳይስ ከዜዝ። 4 ኤ ዘሮዳር፥ ፐቲ ፐቲ ዘርꬃይ ኦገ አቻ ዎꬌዛ፤ ካፍታይ ይኢ ሜዛ። 5 ፐቲ ፐቲ ዘርꬃይ ስስንቆ ኣዳ የዝ ቢታል አፋ ዎꬌዛ። አፋር ቢታ ባዛይ ግሾስ የ ዘርꬃይ ኤልሲ ዶሌዛ። 6 ዝን አዋ ከዜዝ ዎደ ሹሌዛ። ሎእꬂ ጻጶ ዳከካ ግሾስ ኤልሲ መሌዛ። 7 ፐቲ ፐቲ ዘርꬅታይ አንጉꬅ ጋንጨ ዎꬌዛ። ዶሌዛኖ አንጉꬂ ድጪ ጩሌዝ ግሾስ ኣፈ ኣፋም እጼዛ። 8 ፐቲ ፐቲ ዘርꬅታይ አራዳ ቢታል ዎꬊ ዶሌዛ። ድጪ ፐታይ ሀስታም፥ ፐታይ ኡሱፑንታም ፐታይ ጼት ኣፌዛ» ዬጌዛ። 9 «ስእዝ ሀየር የዝ ኦንካ ስኦ» ዬጌዛ።
የሱሳ ኣዝሶር ኦዴዛይ
(ማቶ. 13:10-17፤ ሉቃ. 8:9-10)
10 የሱሳ ካለር የዝ አስታይኔ ታጶ ናምኢ ታማርታይ የሱሳ ፋ ኣዳ የዝን፥ ኤዝኮ ሺቂ ያ ኣዝሳይስ ብልእꬃ ኦይጬዛ። 11 የሱሳ ኡንትኮ Ꮊይ ጋርክ ዬጌዛ፦ «ይንትስ ጾስ ካተትꬂ ጹራ ኤረትꬂ እንግንቴዛ። ዝን Ꮊንክታይስ ካተትꬃፕ ባለ የዝታይስ ኡባ ባዝ ኣዝሶር ኦድንትዛ። 12 የይካ፥
« ‹ኡ ቢእዛ፥ ዝን ደንጎያ።
ስእዛ፥ ዝን አካኮያ።
ኡ ደንግዛኮኔ አካክዛኮ፥
ጾስኮ ማቆዳ
ኤዝካ ኡንታን ማሮዳዝኒ› »
ዬጌዛ።ኢሳ. 6:9
ዘርꬅ ኣዝሳይስ ብልእꬅ
(ማቶ. 13:18-23፤ ሉቃ. 8:11-15)
13 የሱሳ ኡንትኮ፥ «Ꮊ ኣዝሳይ ይንትስካ ገሎሳ? የዝን፥ Ꮊንኮ ኣዝስታ ኡባ ይ ዋይዚ አካኮዴ? 14 ዘርዛይ ጾስ ቃላ ዘርዛ። 15 ቃላይ ዘርንቶዳር ኦገ ካንታ ዎꬌዝታይ ቃላ ስኤዝታ። ዝን ጻላሄ እዝር ይኢ፥ ኡ ዎዝናይድ ዘርንቴዝ ቃላ ማጺ ኤኬዛ። 16 የይ ጋርክ፥ ስስንቆ የዝ ቢታይል ዘርንቴዛይ ቃላ ስኢ፥ ኤልሲ ኡፋይቲ ኤክዝታ። 17 ዝን ኡንትስ ጻጶ ባዛይ ግሾስ ጨረ Ꮊተሳፕ አትን ጋምኦያ። ጽቃ ዎደፕ ጉየ ቃላ ግሾ መቶ ዎይ ባይእꬂ ሄልኮ ኤልሲ ꬉብንትዛ። 18 አንጉꬅ ጋንጨ ዘርንቴዛይ ቃላ ስእዝታ። 19 ዝን Ꮊ ሳአ የስስ ህርጋ፥ ዱረትꬅ ቃኔ ሀራ ባዝ አሞትꬂ ኤ ዎዝናይድ ገሊ ቃላ ጩልዛ ግሾስ ኣፈ ኣፈካዛር አትዛ። 20 ዝን አራዳ ቢታል ዘርንቴዝታይ ቃላ ስኢ ኤክዝታ። ኡንትካ ፐታይ ሀስታም፥ ፐታይ ኡሱፑንታም ፐታይ ጼት ኣፍዛ» ዬጌዛ።
ጌማ የዝ ጾምፐ
(ሉቃ. 8:16-18)
21 የሱሳ ጉጂ፥ «ጾምፐ አይꬂ፥ ኦታ ጋንጨ ዎይ አርሳ ኦሞ ጋድዝ አሲ የኔ? ꬎቃ አቆ ጋዶሳኔ?ማቶ. 5:15፤ ሉቃ. 11:33 22 ይኬ፥ ቆስንቴዝ ባዝ ኡቢታይ ከዘካዛር፤ ዙርንቴዝ ባዝ ኡባይ ፕ በንተካዛር አታሚ። ማቶ. 10:26፤ ሉቃ. 12:2 23 ስእዝ ሀየ የዝ ኦንካ ስኦ» ዬጌዛ።
24 ማ ኡንትኮ፥ «ይንቲ ስእዝ ባዝ አካኪ ስኦይታ! ጾስ ቃላ ይ ስእዛን ጋርክ ኤ ይንትስ አካካ እንጎዳ። ይ ማክዝ ባዛር ይንትስ ማኮዳ። ኤዛይፐካ ይንትስ ጋንꬂ እንጎዳ። 25 ፐቲ ባዝ የዛ አꬃይስ ጉጅንቲ እንግንቶዳ፥ ባዛይፕ ሀራ አቶዝን፥ የዛን እዛካ ኤፕ ኤክንቶዳ» ዬጌዛ። ማቶ. 13:12፤ 25:29፤ ሉቃ. 19:26
ዘርꬅ ድጮ ኣዝሶ
26 የሱሳ ማሂ፥ «ጾሳ ካተትꬃይ ፋ ጋደ ዘርꬅ ዘርዝ አስ ጋርከ። 27 የ አꬃይ ቃማ ገንትዛ፤ ጉራ ጎዲ ደንድዛ። ኤ ዋይዛኮ ኤረካዝን ያ ዘርꬃይ ዶሊ ድጭዛ። 28 ቢታታ ፋ ኣዳስ ካꬃ እንግዛ። ቲና ጫረ፥ የይፕ ኣፎዳይስ ጋምቡጽዛ፥ ዉርስꬃላ ኩንꬅ ኣፈ ኣፍዛ። 29 ዝን ካꬃይ ማጾስ ሄልኮ አꬃይ ኤልሲ ማጾ አይክዛ» ዬጌዛ። ኢዩ. 3:13
ሳናፍጨ ዘርꬅ ኣዝሶ
(ማቶ. 13:31-34፤ ሉቃ. 13:18-19)
30 የሱሳ፥ «ኑኒ ጾስ ካተትꬂ አብ ኣዝዛ ጎደ? ዎይ አባር ኣዝሶዴ? 31 ጾስ ካተትꬃይ ሳናፍጨ ኣፈ ኣዝዛ። የ ምꬃቲ አፋ ዘሮዳር ሳአ የዝ ምꬂ ኣፈ ኡባይፕ ጽቅዛራ 32 ዘርኮ ዶሊ ድጪ ምꬅ ኡባይፕ ኣꬊዝ፤ ግታ ሻቆ ከስዛ። ሳሎ ካፍታይ እ ሻቃይል አፋ ኬጺ በቶድ ጋꬆ ዳዥዛ» ዬጌዛ።
33 የሱሳ Ꮊይ ጋርክ ኡንደና ኣዝሶ አስታይ አካኮዳይስ ዳንዳእዛይ ጋርክ ቃላ ኦዴዛ። 34 አሳይስ ኣዝሶ ባዝን ኦዶያ። ዝን የሱሳ ፋ ታማርታይር ኣዳ የዛ ዎደ ኡንትስ ብልኢ ኦዴዛ።
የሱሳ አባ ዙላ ስእ ኡዴዛ
(ማቶ. 8:23-27፤ ሉቃ. 8:22-25)
35 የ ጋላስ ሳአይ ኦማꬅን፥ የሱሳ ፋ ታማርታይኮ፥ «አባፕ ሰኮ ፕኖ ዎላ ፒንጎዳ» ዬጌዛ። 36 ኤ ታማርታይ ዎይታ ኦሊ አሺ፥ የሱሳ ቲና ገሊ በቴዝ ዎጎልተ ገሊ የሱሳና ፓር ካንጌዛ። ሀራ ዎጎልታይ ኤዛይድ የዛ። 37 ዎልቃማ ጎተካ ደንዲ፥ ዎጎላይ ጋንጨ ሃꬂ ኩሞድ ጋꬆ ዙላይ ሾጬዛ። 38 የ ዎደ የሱሳ ዎጎላይስ ጉየ ባጋር ቦርኮꬂ ገንቴዛ። ኤ ታማርታይ ኤዛ ደንꬂ፥ «አስታማራዮ፥ ኑኒ ꬋቦዳር ነ ስኤ ግ ብእኔ?» ዬጌዛ።
39 ኤ ባርኪ ጎታና፥ «ስኤ ጎባ» ዬጊ፥ አባናካ፥ «ሀይዞባ» ጌዛ። ጎታይካ ስኤ ግን ኡባ ባዝ ጭጭርክ ጌዛ። 40 የሱሳ ፋ ታማርታይኮ፥ «Ꮊይ ጋርክ ይንታን ያሾዳይ አባ? ይንትስ አማኖ አብስ ꬋቤኔ?» ዬጌዛ።
41 ኡንቲ ኢታ ያሻ ያሽቲ ዎል ጋንጨ፥ «Ꮊይ ሀራ አቶዝን፥ ጎተነ አባ አዛዝንትዛይ ኦኖ?» ዬጌዛ።