1 የሱሳራኔ ኤ ታማርታይ አባ ፒንጊ፥ ገርገሶና ግዝ ጋደ ሄሌዛ። 2 የሱሳ ዎጎላይፕ ዎꬌዛን ጋርክ ቱና አያና አይኬዝ ፐቲ አꬃይ ዱፎፕ ከዚ ኤዛ ሄሌዛ። 3 የ አꬃይ ዱፎ ጋንጨ አቅታር ፔዥታር የዛ። ኤዛ ኦንካ ሳንꬃላተር አጮዳይስ ዳንዳኦያ። 4 ኤ ጋመ ዎደ ዱኩልንቲ ሳንꬃላተር አጭንቲ የዛ። ዝን ሳንꬃላታ ዱስርꬅዛ፥ ዱꬃካ መንꬅርꬅዛ። ኤዛ ካዮዳይስ ዳንዳእዛ ኦንካ ባያ። 5 ኤ ቃማኔ ጋላስ ያ ዱፋይዳኔ ደረል አፋ ኡክዛ፥ ፋ ጋላካ ሹቻር ካርዛ።

6 የሱሳና ሃኮር ብኢ ዎጺ Ꮊንጊ ኤ ቲናይድ ጹጉኒ ጎይኔዛ። 7 የ አꬃይ ፋ ቃላ ꬎቅ ኡዲ፥ «ኡባይፕ ኣꬎ ጾሳ ናአ የሱሳ፥ ነናኔ ታና አባ ሄልꬅዛይ? ታና ꬋብሳማይ ጋርክ ታ ነና ጾሳ ሱንꬃር ዎስዛ» ዬጌዛ። 8 ኤ የያ ጌዛይ የሱሳ ኤዛ፥ «ናት Ꮊ ቱና አያናዮ፥ Ꮊ አꬃይፕ ከዞባ» ዬጊ ኪቴዝ ግሾሲ።

9 የሱሳ ኤዝኮ፥ «ነ ሱንꬃይ ኦኖ?» ዬጊ ኦይጬዛ።

ኤ፥ «ኑኒ ጋመ ማቄዝ ግሾስ ታ ሱንꬃይ ሌጎና» ዬጌዛ። 10 ቱና አያንታይ ፋና ያ ጋዳይፕ ከሲ ዳካማይ ጋርክ የሱሳና ሚንꬂ ዎሴዛ።

11 የ ደራይል አፋ ጋመ ጉዳይለ ዉደ ሄንግንትዛ። 12 ቱና አያንታይ የሱሳኮ፥ «ኑና ሰኮ ጉዳይለ ዉዳይኮ ዳኮየ፥ ኡ ጋንጨ Ꮊንጊ ኑ ገሎዳ» ዬጊ ዎሴዛ። 13 የሱሳ ኡንትኮ፥ «ቅቶይታ» ዬጌዛ። ዬግን ቱና አያንታይ አꬃይፕ ከዚ ጉዳይልታይል ገሌዛ። ናምኢ ሙኩለ ማቆድ ጉዳይለ ዉዳይ ጋጋ ዶናር ድርጊ Ꮊንጊ አባ ጋንጨ ገሊ ምትንቴዛ።

14 ጉዳይለ ዉደ ሄንግዝታይ ያሽቲ Ꮊንጊ ሀኔዝባዛና ካታማስኔ ጋጻረስ ኦዴዛ። የይፐ አሳይ ሀኔዝባዛና በአዳይስ ከዜዝ። 15 አሳይ የሱሳኮ ይእታር ቱና አያናይ ኤፕ ከዜዝ አꬃ በኤዛ። ኤ ዎዝናይ ማቅን፥ አፍላ ማኢ፥ ኤዛይድ በቴዛና ብኢ ኡቢታይ ያሽቴዛ። 16 የያ በኤዝ አስታይ ቱና አያንታይ አይኬዛ አꬃይል አፋኔ ጉዳይልታይል አፋ ሀኔዝባዛና ኡባ አስስ ኦዴዛ። 17 የይ ግሾስ፥ አሳይ ፋ ቢታይፕ የሱሳ ከዚ ቅቶዳይ ጋርክ ዎሴዛ።

18 የሱሳ ዎጎላይል አፋ ከሳዳር ቲን ቱና አያና አይኪ ዳኬዝ አꬃይ፥ የሱሳር Ꮊማዳይስ ኤዛ ዎሴዛ። 19 ዝን የሱሳ እጺ ኤዝኮ፥ «ነ ካራ ማቂ፥ ጎዳይ ኔስ አብ ጋርክ ማሮትꬅ ኦꬄዛኮ ኔስ ዋፋ ኬሄዛኮ ነ ካራ አሳይስ ኦዶባ» ዬጌዛ። 20 አꬃይ Ꮊንጊ ታጲ ካታማ ግንትዝ አቆ ዩዪ፥ የሱሳ ኤዝስ አብ ጋርክ ማሮትꬅ ኦꬄዛኮ ኦዴዛ። ኤ ኦዴዛና ስኤዝ አስ ኡቢታይ ማላባዝ ጌዛ።

21 የሱሳ ማቂ፥ ዎጎሎ ጋንጨ ገሊ፥ አባ ፒንጌዛይፕ ጉየ ጋመ አሳይ አባ ጋጻ ኤ ካለ ሺቄዛ። 22 ኢያሮሳ ግዝ አይሁድታይ ዎሳ ኬꬅ ሀላቅታይፕ ፐታይ፥ የሱሳና በኤዝ ዎደ ኤዝኮ ይኢ ኤ ቶካይል አፋ ዎꬊ፥ 23 «ታ ናአታ ሀርግንቲ Ꮊይቆድ ሀንዛ። እዛ ፓጾድ ጋርክ ይኢ ነ ኩሸ እዝል አፋ ጋዶዬ» ዬጊ የሱሳና ሚንꬂ ዎሴዛ።

24 የሱሳ ኢያሮሳር Ꮊንጌዛ። ኤ Ꮊማዳር ጋመ አስ ኤዛ ካልታር ኡርቅꬄዛ።

25 ታጶ ናምኢ ላይꬅ እዝላፕ ሱꬂ ጎጌዝ ፐቲ አስታ የዛ። 26 ጋመ አክምታይ እዞ አክሜዝን፥ እዛ ፓꬅ ኤቃ ካእንትዛ። እዛ ፋ ሚሻ ኡባ ዉርስንካ ኢስ Ꮊና ኢቴዛይፕ አትን አብካ እዞ ማደካያ። 27 የ አስታ የሱሳ ዋራ ስኤዝ፥ ግሾስ አሳይፕ ኣꬊ የሱሳስ ጉይጉꬃር ይኢ ኤ አፍላ ቦቼዛ። 28 እዛ፥ «ታ ሀራ አቶዝን ኤ አፍላ ማንቻቶ ቦቼዛኮ ፓጾዳ» ግ ቆፔዛ።

29 እዝፕ ጎግዝ ሱꬃይ እዝር ኤቂ አቴዛ። እዛ ፋ ዋያይፕ ፓጼዛና ፋ ጋላይል ኤሬዛ። 30 የሱሳ ኤልሲ ፓፕ ዎልቃ ከዜዛና ፋ ኡባስ ኤሪ፥ ጋመ አሳይ ጋንጨ ጉየ ማቂ፥ «ታ አፍላ ቦቼዛይ ኦኖ?» ዬጌዛ።

31 ኤ ታማርታይ፥ «አሳይ ነና ኡርቅዛ ብእታር፥ ‹ኦኖ ታና ቦቼዛይ ዬጊ ዋይዚ ኦይጨ?› » ዬጌዛ።

32 የሱሳ የያ ኦ ኦꬄዛኮ ኤሮዳይስ ዩዪ በኤዛ። 33 ዝን አስታ ፓስ ሀኔዝባዛና ኤሪ፥ ያሻር ኩኩርታር ይኢ የሱሳ ቲናይድ ጉጲንጊ፤ ፋ ጽላት ኡባ ኤስ ኦዴዛ። 34 ዬይን፥ የሱሳ እዝኮ፥ «ታናአተ፥ ነና ነ አማናይ ፓꬄዛ፥ ሳሮ Ꮊንጎባ፥ ነ ዋያይፐካ ፓጾባ» ዬጌዛ።

35 የሱሳ ሀጋ Ꮊያ ኦዶዳር፥ አይሁደ ዎሳ ኬꬅ ሀላቃይ ካራፕ ኪትንቴዝ አስታይ ይኢ፥ «ነ ናአታ Ꮊይቄዛ፥ Ꮊት አስታማራ አብስ ዳቡርሰ?» ዬጌዛ።

36 ዝን የሱሳ ኡ ግዛና ስኢ፥ አይሁድታይ ዎሳ ኬꬅ ሀላቃይኮ፥ «አማኖ ኣዳ አማኖባፕ አትን ያሽትፐ» ዬጌዛ። 37 የሱሳ ጵጽሮሳፕ፥ ያይቆባፐኔ ያይቆባ እሻ ዋንሳፕ ሀራ ኦንካ ፋና ካላማይ ጋርክ ካዬዛ። 38 ኡንቲ አይሁደ ዎሳ ኬꬅ ሀላቃይ ካራ ሄሎዳር የሱሳ አሳይ ዬኮዳር፥ ዘላሎዳራኔ ኡኮዳር በኤዛ። 39 ገሊ አስታይኮ፥ «Ꮊ ኡባ ዬፋይኔ ኡፋይ አብሶ? ናአታ ገንቴዛፕ አትን Ꮊይቀካያ» ዬጌዛ።

40 አሳይ ኤዛ ለቂ ሚጬዛ። ዝን አስ ኡብታ ባለ ከሲ፥ ናአቲ ኣዳ፥ እንዳቶኔ ሀይꬒ ታማርታ ፓር ኤኪ ናአታ የዛበሳ ገሌዛ። 41 የሱሳ ናአቲ ኩሻ አይኪ፥ «ጻልታ፥ ኩሚ» ጌዛ። ብልꬃይካ (ጽቃ ናአተ፥ ነና ግዛ ደንዶባ) ጉሲ።

42 እዛ ታጶ ናምኢ ላይꬅ ናአዛር እዝር ደንዲ ኤቂ የꬍꬅ አይኬዛ። የይካ ሀኔዛ ብኢ አሳይ ማላባዝ ጌዛ። 43 የሱሳ የያ ኡ ኦስካ ኦዳማይ ጋርክ ኡንታን ሚንꬂ አዛዜዛ። ናአትስ ሚዝ ባዝ እማድ ጋርክ ኦዴዛ።