1 የሱሳ የይፕ ከዚ፥ ፋ ታማርታ ካልꬂ፥ ፋ ካታማ ናዝረተ ቅቴዛ። 2 ማላ ጋላስ አይሁደ ዎሳ ኬꬃ ታማርሶ አይኬዛ። ኤ ታማርስዛና ስኤዝ ጋመ አሳይ Ꮊይ ማላባዝ ግ፥ «Ꮊይ Ꮊ ኡባ አናፕ ደንጌኔ? Ꮊይ ኤስ እንግንቴዝ ኤጨትꬃይ ዋፋ? Ꮊ ማላትታ ኦꬅዛ ማዉታይ ኤስ ዋይዚ እንግንቴነ? 3 Ꮊይ አናጻ ባሳ? ማይራሚ ናአ፥ ያይቆባ፥ ዮሳ፥ ይሁዳራኔ ስሞና እሻ ባሳ? ኤ ምሹንꬅካ ኑር Ꮊኔ የዙንꬁን ባሳኔ?» ዬጊ፥ ኤ ኦድዛና ኤካም እጼዛ።

4 የሱሳ የ አስታይኮ፥ «ናበ ፋ ጋደላ፥ ፋ ዳብታይዳኔ ፋ ካራ አስ ጋንጨ ቦንችንቶያፕ አትን Ꮊንክታይ ካለ ቦንችንትዛ» ዬጌዛ። ዋን. 4:43 5 ኤ የ አቃይድ ፋ ኩሻ ሀርግንትዛ ጽቃ አስታይል አፋ ጋዲ ፓꬄዛይፕ አትን ሀራ ማላታ ባዝ ኦꬆዳይስ ዳንዳኤካያ። 6 አሳይ አማናም እጼዝ ግሾስ ፓላ ባዝ ጌዛ። የይፕ ጉየ፥ የሱሳ የ ሄራፕ ሀራ ሄራ ታማርሴዛ።

7 የሱሳ ታጶ ናምኢ ታማርታ ፋኮ ጼጊ፥ ናምኤ ናምኤ ዎል ሄልꬂ ኪቴዛ። ኡንትስ ቱና አያንታይል አፋ ማዉተ እንጌዛ። 8 ኡንታን፥ «ኦገስ ጉፈ ኣዳፕ አትን ካꬃ፥ ቁርቦ፥ ይ ኪሰ ሚሸ አባባዝካ አይክፓቴ። ሉቃ. 10:4-11 9 ይ ቶኬ ጫማ ኣꬆይታ፥ ዝን ላመ አፍላካ አይክፓተ» ዬጌዛ። 10 ማካ፥ «ይንታን አሲ ሞኬዝ ካራ አባካ ማቅን የ አቃቶ አሺ ቅቶድ ጋꬆ የ ካርቴ ጋምኦይታ። 11 ይንታን አሲ ሞኮዋ ካራ ዎይ ይ ኦድዛ ባዝ ስኦዋ ካራ አባካ ማቅኮ፥ የ ቢታተ የዝ አሳይስ የይ ማርካ ማቃዳይ ጋርክ የ አቃይፕ ከዝታር፥ ይ ቶካይፕ ቡልአ ትቅሶይታ» ዬጌዛ። ሀዋ. ኦ. 13:51

12 ታጶ ናምኢ ታማርታይ Ꮊንጊ፥ አሳይ ፋ ናጋራይፕ ማቃዳይ ጋርክ ቃላ ኦዴዛ። 13 ኡንቲ አሳይፕ ጋመ ቱና አያንታ ከሴዛ። ጋመ ሀርግንቴዝታ ዛይተ ትዢ ፓꬄዛ።ያይ. 5:14

14 የሱሳ ሱንꬃይ ኡባ አቆ ከዜዛይ ግሾስ ካታይ ሄሮዶሳ ኤ ባጋ ስኤዛ። ፐቲ ፐቲ አሳይ፥ «ጻማቅዛ ዋንሳ Ꮊይቆፕ ደንዴዛ፥ የይ ባጋር Ꮊ ማላትታ ኦꬅዛይ ኤዛ» ዬጌዛ።

15 ባግታይ፥ «Ꮊይ ኤላሳ» ዬጌዛ።

Ꮊንክታይ ማ፥ «Ꮊይ ብኒ ዎደ ናብታይፕ ፐታይ ጋርክ ማቅꬅ አታሚ» ዬጌዛ። ማቶ. 16:14፤ ማር. 8:28፤ ሉቃ. 9:19

16 ዝን ሄሮዶሳ የያ ስኢ «Ꮊይ ታ ቆ ጋችሴዝ ጻማቅዛ ዋንሳ ኤ Ꮊይቆፕ ደንዴዛ» ዬጌዛ።

17 ሄሮዶሳ ፋ እሻይ ፍልጶሳ ማቻቶ ሄሮዳዳ ኤኬዝ ግሾስ ዋንሳ አይꬂ አጭሴዛ። 18 ዋንሳ ሄሮዶሳ፥ «ነ ነ እሻይ ማቻቶ ኤኮዳይስ ቤዞያ» ዬጌዛ። ሉቃ. 3:19-20

19 ሄሮዳዳ ዋንሳ ፋ ኡሎር ሞርኪ ኤዛ ዎꬍሶዳይስ ኮዬዛ፥ ዝን ዳንዳኤካያ። 20 ዋንሳ ጽሎኔ ጌሽ አስ ማቄዛና ሄሮዶሳ ኤሬዝ ባጋር ኤዝስ ያሽቲ ሚንꬂ ናጌዛ። ሄሮዶሳ ዋንሳ ናሻ ስኢ ኡፋይትዛራካ ሞርእዛ።

21 ሄሮዶሳ ፋ የልንቴዝ ጋላሳ ቦንቾዳይስ ጋደ አቅስዝታይስ፥ ሻላቅታይስኔ ጋልላ የዝ ዳማ አሳይስ እማቶ ጊግሴዛ። የይ ሄሮዳዳስ ሎኦ ጋላስ ማቄዛ። 22 ሄሮዳዳ ናአታ እማꬅ ሞክንትዛ አቃይድ ገሊ ዶንጊ፥ ሄሮዶሳኔ ኤ እማꬅታ ኡፋይሴዛ። ካታይ ናአትስ፥ «ነ ኮይዝ ባዝ አብ ማቅኮካ ታና ኦይጮባ፥ ታ ኔስ እማዳ» ዬጌዛ። 23 ማ እዝስ ጫቂ፥ «ነ ኦይጭዝ ባዝ አብ ማቅኮካ፥ ታ ኔስ እማዳ። ሀራ አቶዝን፥ ታ ካተትꬃይ ባጋ ማቅኮካ ታ ኔስ እማዳ» ዬጌዛ።

24 ናአታ ባለ ከዚ ፋ እንዳትኮ፥ «አብ እንጎባ ግ ኦይጮ?» ግ ኦይጬዛ።

እ እንዳት፥ «ጻማቅዛ ዋንሳ ኦማ እንጎ ጎባ» ዬጌዛ።

25 ናአታ ኤልሲ ካታይኮ Ꮊንጊ፥ «ጻማቅዛ ዋንሳ ቆꬋትፕ ጋቺ ፕልኦ ጋንጨ ጋዲ Ꮊት ታስ እማዳይ ጋርክ ታ ኮይዛ» ዬጌዛ።

26 ዬግን ካታይ ኡንደና ቂራꬌዛ ዝን ፋ እማꬅታይ ግሾ እዝስ ጫቄዝ ፋ ጫቃ መንꬆዳይስ ኮየካያ። 27 የይ ግሾስ፥ ኤልሲ ናግዛ አꬃ ዋንሳ ኦማ ኮኦዳይ ጋርክ ኪቴዛ። ናግዛ አꬃይ አች ኬꬅ Ꮊንጊ ዋንሳ ቆꬋ ጋቼዛ። 28 የ ጋችንቴዝ ኦማ ፕልኦ ጋንጨ ጋዲ ክኢ ናአትስ እንጌዛ። ናአታካ ማ ፋ እንዳትስ እንጌዛ። 29 ዋንሳ ታማርታይ የያ ስኤዝ ዎደ Ꮊንጊ ኤ አሃ ኤኪ ካንጊ ሞጌዛ።

30 ሀዋርታይ ማቂ ይኢ የሱሳኮ ሺቂ ኡ ኦꬄዝባዝኔ ታማርሴዛ ባዝ ኡባ የሱሳስ ኦዴዛ። 31 ኡንትኮ ይእዛ አሳይኔ ቅትዛ አሳይ ጋንጌዝ ግሾስ የሱሳራኔ ኤ ታማርታይ፥ ሀራ አቶዝን ካꬃ ማዳይስካ ኡንትስ ዎደ ꬋቤዛ። ዬይን፥ የሱሳ ኡንትኮ፥ «ኑስካ ጽቃል ሸምፕ ኤኮዳይስ አሲ ባ አቆ የꬎይታ» ዬጌዛ። 32 የይ ግሾስ፥ ኡንቲ ፋ ኣዳስ ዎጎሎ ጋንጨ ገሊ አሲ ባ አቆ Ꮊንጌዛ።

33 ኡ Ꮊማዳር ጋመ አስታይ ኡንታን ብኢ ኤሬዛ። የዝን፥ ካታማ ኡባፕ አሲ ቶከር ዎጺ Ꮊንጊ ኡ Ꮊንግዛ አቃይድ ኡንታፕ ቲናቲ ሄሌዛ። 34 የሱሳ ዎጎሎፕ ዎꬊ ጋመ ዎያ በኤዛ። አሳይ ሄንግዝ አሲ ባ ዱር ጋርክ ማቄዛና ብኢ ኡንትስ ቃꬊንቲ ኡንታን ጋመ ባዝ ታማርሴዛ። ታይ. 27:17፤ 1ካት. 22:17፤ ኢዝቀ. 34:5፤ ማቶ. 9:36

35 ሳአይ አዋ ኣꬎዳር የሱሳ ታማርታይ ኤዝኮ ይኢ፥ «Ꮊ አቃይ ሊዦ፤ Ꮊት ሳአይ ኦማꬄዛ። 36 አሳይ ሄራራኔ ካታማር Ꮊንጊ ፓስ ሚዝ ባዝ ዎንጎድ ጋርክ አሳ ዳኮባ» ዬጌዛ።

37 ዝን የሱሳ ማሂ ኡንትኮ፥ «አሳይስ ሚዝ ባዝ ይ እንጎይታ» ዬጌዛ።

ኡ፥ የዝን «ኑኒ Ꮊንጊ ናምኢ ጼት ዲናረር ሶሎ ዎንጊ እማደኔ?» ዬጊ ኦይጬዛ።

38 የሱሳ ኡንትኮ፥ «ይንትስ ኣፑን ሶሎ የኔ? አን Ꮊንጊ ቦኦይታ» ዬጌዛ።

ኡ ብኢ፥ «እችን ሶሎራኔ ናምኢ ሞሎር የዛ» ዬጌዛ።

39 የሱሳ ፋ ታማርታ አሳ ኡባ ጩጋር ጩጋር ሻኪ ማታል በትꬆዳይ ጋርክ ኪቴዛ። 40 አሳይ ባጋይ ጼት፥ ባግታይ እሻታም ማቂ ጩጋር ጩጋር ሻክንቲ በቴዛ። 41 የሱሳ እችን ሶሎራኔ ናምኢ ሞልታ ኤኪ፥ ሳሎ ብኢ ጾሳ ጋላቴዛ። ሶላ ዱꬂ አሳይስ ግሾዳይ ጋርክ ፋ ታማርታይስ እንጌዛ። ማ ናምኢ ሞልታ ኡ ኡቢታይስ ሻኬዛ። 42 አስ ኡቢታይ ም ምዤዛ። 43 አቴዝ ሶሎ ጉፋኔ ሞሎ ጉፋ፥ ኤ ታማርታይ ታጶ ናምኢ ሌማተ ኩንꬅ ደንꬄዛ። 44 ሶሎ ሜዝ ꬊራꬅ አስታይ ኣዳ እችን ሙኩለ ማቃዳ።

45 ኤልሲ የሱሳ ፋ ታማርታይ ዎጎሎ ጋንጨ ገሊ፥ አባፕ ሰኮፍኖ የዝ ቢታ ቤተሳይዳ Ꮊንጎዳይፕ ቲናቲ ቅቶዳይ ጋርክ ኪቴዛ። 46 አሳ ሞይዜዛይፕ ጉየ ጾስ ዎሶዳይስ ደረል አፋ ከዜዝ።

47 ሳአ ቃሞዳር ዎጎላይ አባ ጋንጨ የዝን፥ የሱሳ አባ ጋጻ ፋ ኣዳ የዛ። 48 ጫርኮ ኤ ታማርታይኮ ጫርክዝ ግሾስ አባ ፕꬊꬃይ ዋይꬅዛና የሱሳ በኤዛ። ዎንትማꬄ ሹጉላ ኡኮዳር ኤ አባል አፋር የꬍታር ኡንትኮ ይኢ፥ ኡንታን ኦሊ ኣꬎዳይስ ኮዬዛ። 49 ዝን ኤ አባል አፋ የꬎዳር፥ ኡ ብኢ፥ ኡንትስ ሜሸ ኣዝን ኡኬዛ። 50 ኡ ኡቢታይ ኤዛ ብኢ፥ ያሽቲ ዳጋሜዛ።

ዝን የሱሳ ኤልሲ ኡንትኮ፥ «ታና፥ አኮ ባያ፤ ያሽትፓተ» ዬጌዛ። 51 የሱሳ ዎጎላይድ ገሊ ኡንታር ዎላ በትን ጫርካይ ስእ አቴዛ። ኡንቲ ግታ ማላ ባዝ ጌዛ። 52 ኡ ዎዝናይ ዶጬዝ ግሾስ ሶላይል ኦꬄዝ ማላታ ኡንቲ አካኬካያፕ አትን Ꮊይ ኡንትስ ማላባዝ ባቦናዝን።

53 ኡንቲ አባ ፒንጊ፥ ገንሳሬጼ ቢታ ሄሊ፥ ዎጎላ ጋጻል ሺሺ አጬዛ። 54 ኡ ዎጎላይፕ ዎꬎዳር አሳይ ኤልሲ የሱሳና ኤሬዛ። 55 ኡ ሄራ የዝ ቢታ ኡባ ዎጽቲ ሀርግንቴዝ አስታ ሀላር ቶኪ፥ «የሱሳ የዛ» ጌዝ አቃይድ ክእꬅ አይኬዛ። 56 አሳይ ኤ Ꮊንጌዝ ካራ ኡባ፥ ጋጻረ ማቅን፥ ካታማ፥ የዝ ሀርግንቴዝ አስታ ቡጫል ካንግዛ። ሀርግንቴዝ አስታይ ኤ አፍላ ማንቻ ማቅኮካ ቦቾድ ጋርክ አሳይ ኤዛ ዎሴዛ። ቦቼዝ ኡቢታይ ፓጼዛ።