7
ብኒ አድታይ ዎጋ
(ማቶ. 15:1-9)
1 የሩሳላመፕ የኤዝ ፈርሳውታይራ ፐቲ ፐቲ ህገ አስታማርታይ የሱሳ ካለ ሺቄዛ። 2 የሱሳ ታማርታይፕ ፐታይ ፐታይ ጌዠካ ኩሸር፥ የይካ ኩሸ ሜጭንተካዛር ካꬃ ሚዝታ በኤዛ።
3 ፈርሳውታይኔ አይሁድታይ አሲ ኡባይ ፋ አድታይ ዎጋይ ጋርክ ፋ ኩሸ ሎእꬂ ሜጭንተካዛር ሞያ። 4 የይ ጋርክ፥ ኡንቲ ጋበፕ ማቂ ሜጨካዛር ሞያ። ማ ኡንቲ ፋ አድታይፕ ኤኬዝ ሀራ ጋመ ዎጋ የዛ፦ የይካ ዋንጫ፥ ኦታ፥ ብራታ ሚሸራ አርሳ ሜጭዝ ዎጋ ናግዛ።
5 ፈርሳውታይራኔ ህገ አስታማርታይ የሱሳ፥ «ነ ታማርታይ አብሶ አድታይ ዎጋ መንꬂ ፋ ኩሸ ሜጭንተካዛር ካꬃ ሚዛይ?» ዬጊ ኦይጬዛ።
6 የሱሳ ኡንትኮ፥ «ናበ ኢሳያሳ ይንትስ ጩቢታይስ፥
« ‹Ꮊ አሳይ ታና ፋ እራንꬅ ኣዳር ቦንችዛ፥
ዝን ኡ ዎዝናይ ታፕ ሃኮ የዛ። ኢሳ. 29:13
7 አሲ ኮቼዝ ዎጋ ጾስ ህገ ኣዝሲ ታማርስዛ ግሾ
ኡ ታና ጨር ጎይንዛ› »
ዬጊ ጻፌዛይ ቱሮ።
8 «ይንቲ ጾስ ኪታ አሺ አስ ዎጋ ናግዛ» ዬጌዛ።
9 ማካ የሱሳ፥ «ይንቲ ይ ዎጋ ናጎዳይስ ግ ጾስ ኪታ ኦሊ አሼዛ 10 ሙሰ፥ ‹ነ አደኔ ነ እንዶ ቦንቾባ›፥ ማ ‹ፋ አዳኔ ዎይ ፋ እንዶ ጫዥዛይ Ꮊይቆዳይስ ቤዝዛ› ዬጌዛ። ከስ 20:12፤ ታይ. 5:16፤ ከስ 21:17፤ ለዊ. 20:9 11 ዝን ይ ዬግዛ ፐቲ አꬃይ ፋ ኣዳ ዎይ ፋ እንዳቶ ማዶዳ አሺ፥ ‹Ꮊይ ጾሳ ያርሾ› ጊኮ፥ 12 ኤ ፋ ኣዳ ዎይ ፋ እንዳቶ ማዳም ጋርክ ይ ኡድዛ። 13 የይ ጋርክ፥ ይ Ꮊንክታ ታማርሴዝ ይ ዎጋይድ ጾሳ ቃላ ለቄዛ። የይ ጋርክ ሀራ ጋመ ባዝ ኦꬅዛ» ዬጌዛ።
አስ ቱንስዛ ባዝ
(ማቶ. 15:10-20)
14 የሱሳ ጋመ አሳ ማካ ፋኮ ጼጊ፥ «ኡባይ ታ ኦድዛ ስኦይታኔ አካኮይታ። 15 አስ ዎዝናፕ ከዝዝ ባዝ አስ ቱንስዛፕ አትን ባለፕ አስ ኡሎ ገሊ አስ ቱንስዛ ባዝ አብካ ባያ። 16 ስእዝ ሀየር የዝ ኦንካ ስኦ» ዬጌዛ።
17 የሱሳ ጋመ አሳ ኦሊ አሺ ኬꬃ ገልን ኤ ታማርታይ የ ኣዝሳይ ባጋ ኤዛ ኦይጬዛ። 18 ኤ ኡንትኮ፥ «ይንትስካ ማ ገለካሳ? ባለፕ አስ ጋንጨ ገልዛ ባዝ አብካ አስ ቱንሶዳይስ ዳንዳኦዛና አካኮሳኔ? 19 አብስ ጊኮ፥ ካꬃ አስ ዶናር ኡሎ ጋንጨ ገሊ ኤዛይር ባለ ከዝዛይፕ አትን አስ ዎዝና ጋንጨ ገሎያ» ዬጌዛ። ኤዛይድ የሱሳ ካꬃ ኡባይ ጌሺ ማቄዛና ኤርሴዛ።
20 ጉጅካ፥ የሱሳ፥ «አስ ቱንስዛ ባዝ አስ ዎዝና ጋንጨፕ ከዝዝ ባዚ። 21 አስ ዎዝና ጋንጨፕ ከዝዝ ባዝ ዎቦ ቆፋ፥ ላግታ፥ ካስቶ፥ አስ ዎꬎ፥ 22 ላመ፥ ኢታ አሞትꬂ፥ ኢታትꬂ፥ ገነ፥ ቃይጸ፥ ዶሻ፥ ቅናተ፥ ጫሸ፥ ኡትራኔ ቦዛትꬂ። 23 Ꮊ ኢታ ባዝ ኡባይካ አስ ዎዝና ጋንጨፕ ከዚ አስ ቱንስዛ» ዬጌዛ።
ፐቲ አስቲ አማኖ
(ማቶ. 15:21-28)
24 የሱሳ የይፕ ከዚ፥ ጽሮሳ ካታማ ካለ የዝ ጋደ Ꮊንጌዛ። ኤ ፐቲ ካራ ገሊ ኤዛይድ የዛና ኦንካ ኤሮድ ጋርክ ኮየካያ። ዝን ቆስንቲ ጋምኦዳይስ ዳንዳኤካያ። 25 ዝን እ ጽቃ ናአቶ ቱና አያና አይኬዝ ፐቲ አስታ የሱሳ ኦሳ ስኢ ኤልሲ ኤዝኮ ይኢ ኤ ቶካይል አፋ ዎꬌዛ። 26 እዛ ግርከ አሲ፤ የልንቴዛይ ስሮፍንቀ ግዝ ቢታ። እዛ፥ ፋ ናአትፕ ቱና አያና ከሶዳይ ጋርክ የሱሳ ዎሴዛ።
27 ዝን የሱሳ ማሂ፥ «ናእታይ ቲናቲ ካꬃ ምዦ፤ ናእታይ ካꬃ ኤኪ ካንታይስ ኦሎ ኮሾያ» ዬጌዛ።
28 አስታ ማቂ፥ «ታ ጎዳዮ የይ ቱማ፥ ዝን ሌማተ ካለ የዝ ካንታይ ናእታይፕ ዎꬍዝ ጉፋ ሚነባይ» ዬጊ ማሄዛ።
29 የሱሳ ማ እዝኮ፥ «Ꮊ ነ ቃላይ ግሾስ ነ ካራ ቅቶባ፤ ቱና አያና ነ ናአትፕ ከዜዝ» ዬጌዛ።
30 እዛካ ፋ ካራ Ꮊንጎዳር ቱና አያና እ ናአትፕ ኬዝን አርሳል ዎይኤዛኖ ደንጌዛ።
የሱሳ ቱለኔ ሙመ አꬃ ፓꬄዛ
31 የሱሳ ማ ጽሮሳ ካታማፕ ከዚ፥ ስዶናራነ ታጲ ካታምታ ግዝ ቢታር ኣꬊ ጋልላ አባኮ Ꮊንጌዛ። 32 አሳይ ቱለኔ ደዳትዛ አስ የሱሳኮ ክኢ፥ ፋ ኩሸ ኤዛል አፋ ጋዶድ ጋርክ ኤዛ ዎሴዛ። 33 የሱሳ ኣዳ የ አꬃ ጋመ አሳይፕ ጋጻ ከሲ፥ ፋ ብራ ኤ ሀያይድ ዳኬዛ። ማ የይፕ ጩቺ ጩቲ ኤ እራንꬃ ቦቼዛ። 34 ሳሎ ፉደ ꬎቅ ግ ብኢ፥ ዎሲ፥ «ኤፍታህ» ጌዛ። ብልእꬃይካ «ዶይንቶባ» ጉሲ። 35 አꬃይ ሀያይ ኤልሲ ዶይንቴዛ፥ አጭንቴዝ እራንꬃይካ ብልእንቴዛ፥ አꬃይ ብልእንቲ ኦድንቴዛ።
36 የሱሳ አሳይኮ፥ «Ꮊያ ኦስካ ኦድፓተ» ዬጌዛ። ዝን ኤ ሎእꬂ ሚንꬂ ኦድፓተ ግን፥ አሳይ ኦዳ ገደ ዳልግሴዛ። 37 የያ ስኤዝ አስ ኡባይ ሎእꬂ ማላባዝ ግ፥ «ኡባ ባዝ ኤ ሎእꬂ ኦꬅዛ። ሀራ አቶዝን፥ ቱለ ስስዛ፥ ሙመ ኦድስዛ» ዬጌዛ።