Leeter ŋgada
Hebəre hay
Mey da ray
Leeter ŋgada Hebəre hay
Leeter ŋgada Hebəre hay na, ndaw ma səra mezəley ŋga ndaw ma wuzlala daa ba. Hebəre hay na, ara ndəhay Jəwif hay. Ndaw ma wuzlala leeter e keɗe a wuɗey ŋga vəltar gədaŋ ŋgada Jəwif hay masa ma təɓmara mey ŋga Yesu. A vəltar gədaŋ ŋga təɓey mey ŋga Yesu ma fəna ma fəna kwa ata daa banay.
Ndaw ma wuzlala leeter e na, a wuzda Yesu na, a fənta maslaŋ hay ŋga Gazlavay, a fənta ndəhay ma təla mey ŋga Gazlavay zleezle, asaya, a fəna Mawiz, maja aŋga na, Bəzey ŋga Gazlavay (fasəlawal 1 haa 3). Asaya, a wuzda aŋga na, ndaw mahura da ray ndəhay ma ka kwakwas ŋga Gazlavay masa fara fara. A da njey ndaw ma ka kwakwas ŋga sərmataw. Aŋga ta vəlda ray aŋga la dey pal ŋga məcey maja mebərey ŋga ndəhay tabiya. Anda keɗe, Yesu ta handawa Mejəwey-mey Mawiya la aa slam a ŋga Mejəwey-mey Magurma masa Gazlavay ma jəwa ta ndəhay aŋga hay ta fa Mawiz.
Ndəhay ma təɓa mey ŋga Yesu na, ata daa cəveɗ mawiya dəɓa. A gwamara ŋga səpey cəveɗ magurma saba. Maaya na, a sərfadamata ndəhay masa zleezle ma pamara Gazlavay ŋga ndaw ata fara fara, ata masa ma hətam gədaŋ daa cəveɗ aŋga. (Nəka fasəlawal 11.) Mey madagway-dakw daa leeter e na, ara mey da ray menjey ŋga ndəhay ma təɓa mey ŋga Yesu. Si a njam maaya maaya daa mecəmey-ray ŋga Yesu.
Daa leeter e keɗe na, mey mekele mekele daha ŋga vəley gədaŋ a ndəhay:
Mey ŋga Gazlavay aa ta gədaŋ ŋga key sləra daa ndaw (4.12)
Mey da ray mejəwey-mey mawiya (8.8-13)
Mey da ray ndəhay zleezle ma pamara Gazlavay ŋga ndaw ata fara fara (11.1–12.13)
Nəkakwa dey na, si fa Yesu gway (12.2)
1
Mey da ray Yesu, ndaw ma wuzdərwa meweɗey ŋga Gazlavay
Zleezle na, *Gazlavay taa guzltar la ŋgada papaŋ ŋga papa aləkwa hay dey ga ta cəveɗ hay mekele mekele ta mey ndəhay ma təla mey aŋga hay weewe. Ama wure keɗe daa masa bəla gweegwe a ndəvey keɗe na, taa guzlndakwar la ta mey Bəzey aŋga. Gazlavay a ləma bəla ta slam da vaɗ cəpa na, ta fa Bəzey aŋga ha, asaya, Gazlavay ta wala la ŋga wey da ray cek hay tabiya. 1.2 Bəzey aŋga: 3.6; 5.8; a ləma bəla ta slam da vaɗ: Jaŋ 1.2; Kwa 1.16; Heb 11.3 Ma wuzdərwa meweɗey ŋga Gazlavay na, ara aŋga. Bəzey a na, a lawa Gazlavay kəraɗ! Mey aŋga na, aa ta gədaŋ. Ara ta mey aŋga ha aa ma kərza bəla ta slam da vaɗ. Masa aŋga ma ɗiytara cəveɗ cay * 1.3 ma ɗiytara cəveɗ cay: A wuɗey ŋga ləvey Yesu a ɗiytara cəveɗ ŋga ndəhay na, ta fa meməcey aŋga fa hwadam mazlaŋgalakaya. a ndəhay amba a njam manjar mebərey fa mey ŋga Gazlavay na, ta’, a təpey a vaɗ, a njey ta har-zəmay ŋga Bay Gazlavay ma wey da ray cek hay tabiya. 1.3 2Kwr 4.4; Kwa 1.15; har-zəmay: 8.1
Yesu a fənta maslaŋ hay ŋga Gazlavay tabiya
Bəzey a na, a fənta maslaŋ hay ŋga Gazlavay. Mezəley masa Gazlavay ma vəldara na, a fəna ŋga maslaŋ hay a may. 1.4 Ef 1.21; Fəl 2.9 Sərmara, Gazlavay ta ləvar kwa ŋgada maslaŋ aŋga pal:
«Kah na, Bəzey aɗaw,
dəga tasana yah Papakw»
na, daa ba səlak. Asaya, taa guzley da ray maslaŋ aŋga pal, a ləvey:
«Yah na, Papaha,
aŋga na, Bəzey aɗaw,»
na, daa ba may. 1.5 Ps 2.7; 2Sam 7.14; Mt 3.17; SNM 13.33; Heb 5.5
Ama masa aŋga fa da slərdərwa Bəzey aŋga maa-mey-ndaw 1.6 Bəzey aŋga maa-mey-ndaw: A wuɗey ŋga ləvey Gazlavay aŋga ta bəzey hay mekele mekele na, kəne ba, ama a wuɗey ŋga ləvey Yesu fa wey da ray cek hay tabiya ŋga Gazlavay anda bəzey maa-mey-ndaw ma wey da ray cek ŋga papaha. Nəka 2.11-13; Kwa 1.15, 18, leŋ Rm 8.29. a bəla na, taa guzley la, a ləvey:
«Akwar, maslaŋ aɗaw hay tabiya, ragadamar!» 1.6 Ps 89.28; 97.7
Da ray maslaŋ aŋga hay na, aa guzley, a ləvey:
«Maslaŋ aɗaw hay na, ara ndəhay ma ka sləra aɗaw hay.
Ata anda memeɗ, asaya, ata anda neneh ŋga awaw.» 1.7 Ps 104.4
Ama ŋgada Bəzey aŋga na, taa guzlar la, a ləvey:
«Kah na, Bay Gazlavay, ka da zəma bay akah ŋga sərmataw.
Ka da wey da ray ndəhay akah hay ta cəveɗ e. 1.8-9 Ps 45.7-8
Ka wuɗey na, mekey cek ta cəveɗ e, ba na,
mekey cek ta zlaɓay ba.
Maja ŋgene, ya ta walaka la, yah, Gazlavay akah.
Ya taa səmdaka la,
asaya, ya ta vəlka gədaŋ la
ma fəna ŋga ndəhay mekele masa akwar bama.»
10 Gazlavay aa guzley da ray Bəzey aŋga saya, a ləvey:
«Bay Mahura, ara kah ma ləma bəla dəga daa mezley a.
Ara kah ma ləma slam da vaɗ ta har akah. 1.10-12 Ps 102.26-28
11 Cek hay a cəpa a ndəvam la, ama kah na,
ka da njey ŋga sərmataw.
Ahaw, cek hay a tabiya a da nəsam
anda zana magurma.
12 Ka da takwamata
anda ndaw ma tekwemey zana magurma.
Cek hay a cəpa, ka da mbəɗdata
anda ndaw ma mbəɗey zana manəskaya.
Ama kah na, ka da njey kəne, ka fa da mbəɗey daa ba,
kah daha ŋga sərmataw.»
13 Gazlavay aa guzlar ŋgada Bəzey aŋga, a ləvar:
«Sawa njey ta har-zəmay aɗaw
amba ya wakwa da ray ndəhay
haa ta pas masa yah ma pata masa-gəra akah hay cay
asi salay akah.»
Ama taa guzley anda ŋgene kwa ŋgada maslaŋ aŋga pal na, daa ba səlak. 1.13 8.1; Ps 110.1
14 Kaa maslaŋ hay ŋga Gazlavay na, wa hay wa? Maslaŋ hay ŋga Gazlavay na, ara mesəfney hay ma ka sləra ŋga Gazlavay gway. Gazlavay fa slərdata ŋga jəney ndəhay masa ma da ləham. 1.14 Ps 34.8; 91.11

1:2 1.2 Bəzey aŋga: 3.6; 5.8; a ləma bəla ta slam da vaɗ: Jaŋ 1.2; Kwa 1.16; Heb 11.3

*1:3 1.3 ma ɗiytara cəveɗ cay: A wuɗey ŋga ləvey Yesu a ɗiytara cəveɗ ŋga ndəhay na, ta fa meməcey aŋga fa hwadam mazlaŋgalakaya.

1:3 1.3 2Kwr 4.4; Kwa 1.15; har-zəmay: 8.1

1:4 1.4 Ef 1.21; Fəl 2.9

1:5 1.5 Ps 2.7; 2Sam 7.14; Mt 3.17; SNM 13.33; Heb 5.5

1:6 1.6 Bəzey aŋga maa-mey-ndaw: A wuɗey ŋga ləvey Gazlavay aŋga ta bəzey hay mekele mekele na, kəne ba, ama a wuɗey ŋga ləvey Yesu fa wey da ray cek hay tabiya ŋga Gazlavay anda bəzey maa-mey-ndaw ma wey da ray cek ŋga papaha. Nəka 2.11-13; Kwa 1.15, 18, leŋ Rm 8.29.

1:6 1.6 Ps 89.28; 97.7

1:7 1.7 Ps 104.4

1:8 1.8-9 Ps 45.7-8

1:10 1.10-12 Ps 102.26-28

1:13 1.13 8.1; Ps 110.1

1:14 1.14 Ps 34.8; 91.11