1 Muntu yina me butuka na kento!

Luzingu ya yandi kele nkufi, mpe yandi kele ya kufuluka na bankwamusu.

2 Yandi kele mutindu kifulu yina ke menaka mpe ke yumaka.

Yandi ke kimaka mutindu mpewo mpe yandi ke zingilaka ve.

3 Ni yandi nge ke na kukengidilaka!

Ni munu nge ke na kufundisa!

4 Nani, na kati ya kima ya kuvedila ve, lenda kubasisa kima ya kuvedila?

Ata muntu lenda sala yawu.

5 Kana nge zengaka lutangu ya bilumbu ya yandi,

kana nge tangaka lutangu ya bangonda ya luzingu ya yandi,

mpe kana nge tulaka ndilu yina yandi lenda luta ve,

6 kukengidila dyaka yandi ve, samu ti yandi kupema,

samu ti yandi kuvwanda mutindu kisadi ke vingila difuta na nsayi nyonso na nsukunu ya kilumbu.

7 Samu ti yinti ke vwandaka na kivuvu:

Kana ba zenga yawu, yawu ke mena dyaka

mpe yawu ke basisa dyaka mitwikila.

8 Kana myanzi ya yandi me zingila na yisi ya ntoto

mpe kana kibuku yina me bikana kufwa na yisi ya ntoto,

9 yawu ke mena dyaka kana yawu kuzwa mwa maza,

yawu ke basisa bintala mutindu yinti ya malu-malu.

10 Kasi muntu ke kufwaka, ngolo ya yandi ke manisaka.

Ntangu muntu ke kufwaka, wapi kisika yandi ke kwendaka?

11 Maza ya mubu lenda zimbana,

banzadi ke yumaka mpe ke kawukaka.

12 Na yina muntu yina me lala, yandi lenda vumbuka dyaka ve.

Konso ntangu yina zulu ke vwanda, yandi ke vumbuka dyaka ve,

yandi ke basika ve na pongi ya yandi.

13 Aa! Nzambi,

kana nge bumbaka kwandi munu na yinsi ya bafwa,

kana nge bumbaka kwandi munu na kati ya mansweki tii na ntangu yina nkele ya nge ke manisa.

Na yina, nge zolaka kubika ntangu, yina nge zolaka bambukila munu moyo!

14 Kana muntu me kufwa, yandi lenda kuzinga dyaka?

Na yina, bilumbu nyonso ya kisalu ya munu,

mu ke vingila tii ntangu yina muntu ya nkaka ke kwiza yingana na kisika ya munu.

15 Na yina, nge ke bokila munu, mpe mu ke pesa nge mvutu,

nge ke sosa na kutala munu, munu yina nge yidikaka!

16 Ntangu yayi, nge ke na kutanga lutangu ya balutambi ya munu,

nge ke na kutala dyaka ve masumu ya munu.

17 Yimbi ya munu ke ya kukangama na kati ya nkutu,

mpe nge ke katula yimbi ya munu.

18 Kasi, mongo ke kubwaka mpe ke mwanganaka,

matadi mpe ke sobaka bisika.

19 Maza lenda kubebisa matadi,

maza ya mvula ke nataka ntoto,

Ni mutindu yina mpe, nge ke zimbisaka kivuvu ya muntu.

20 Nge ke bikaka ve na kulosa yandi na ntoto mpe yandi ke kwendaka.

Nge ke bebisaka kizizi ya yandi mpe nge ke bingisaka yandi.

21 Bana ya yandi ke na nkembo? Ve, yandi zaba yawu ve.

Bawu kele ya kukuluka? Ve, yandi ke talaka yawu ve.

22 Yandi ke na kutala mpasi samu na nzutu ya yandi mosi,

yandi ke na kati ya kyadi samu na yandi mosi.