Beno bana ya Nzambi, beno vutula na Yave,

beno vutula na Yave nkembo mpe nzitusu!

2 Beno vutula na Yave nkembo ya Nkumbu ya yandi!

Beno fukama na ntadisi ya Yave, ntangu yandi ke lezimaka na kitoko ya bulongo ya yandi!

3 Ndinga ya Yave ke na kuwakana na ngolo na zulu ya maza,

Nzambi ya nkembo ke na kuwakisa kidumu.

Yave me lutila makelele ya maza ya nene.

4 Ndinga ya Yave ke na kuwakana na lulendo nyonso,

ndinga ya Yave ke na kuwakana na nsemo.

5 Ndinga ya Yave ke na kuzenga bayinti ya sedele,

Yave ke na kuzenga bayinti ya sedele ya Libane.

6 Yave ke salaka ti myongo ya Libane ke dumukaka mutindu mwana ya ngombe

mpe mongo ya Elemone mutindu mwana ya mpakasa.

7 Ndinga ya Yave ke basisaka milaka ya tiya.

8 Ndinga ya Yave ke tekitisaka yinsi ya kuyuma,

Yave ke tekitisaka yinsi ya kuyuma ya Kadese.

9 Ndinga ya Yave ke butisaka bankabi,

yawu ke tumunaka bayinti ya mfinda.

Na Yinzo ya Yave,

nyonso ke looka, «nkembo na Yave!»

10 Yave vwandaka na kiti ya kintinu ntangu maza dyamisaka yinza,

Yave ke na kuyala na kiti ya yandi ya kintinu ya mankululu.

11 Yave ke pesa lulendo na bantu ya yandi,

Yave ke sakumuna bantu ya yandi na kupesa bawu kizunu.