10
नोआया सन्तान व बाबेलया धरहरा
(१०:१–११:३२)
1 नोआया काय्पिं शेम, हाम व येपेतया सन्तान-यागु धलः थथे दु। थुपिं खुसिबाः वःगुया लिपा बूगु खः।
येपेतया सन्तान
2 येपेतया काय्पिं - गोमेर, मागोग, मादे, यावान, तूबल, मेशेक व तीरास।
3 गोमेरया काय्पिं - अशकनज, रीपत व तोगर्मा।
4 यावानया काय्पिं - एलीशाह, तर्शीश, कित्तीम व रोदानीम। 5 थुमिपाखें हे समुद्रसिथय् च्वनीपिं मनूत न्यनावन। थुकथं येपेतया सन्तान थीथी थाय्, भाय्, जात व जाति जुयाः न्यनावन।
हामया सन्तान
6 हामया काय्पिं - कूश, मिश्रइम, पूत व कनान।
7 कूशया काय्पिं - सेबा, हवीला, सब्ता, रामाह व सब्तका। रामाहया काय्पिं - शेबा व ददान।
8 कूशया निम्रोद धाःम्ह काय् नं दु। पृथ्वीइ न्हापांम्ह बल्लाःम्ह मनू व हे खः। 9 परमप्रभुया मिखाय् व छम्ह तसकं बल्लाःम्ह शिकारी खः। धापू हे नं दु - “निम्रोद थें परमप्रभुया मिखाय् बल्लाःम्ह शिकारी” धकाः। 10 वं थःगु राज्ययात दक्वसिबय् न्हापां बेबिलोन, एरेक, अक्कद व कल्नेहनिसें न्ह्याकल। थ्व फुक्क शिनार देशय् लाः। 11 अनं हे व अश्शूर धाःथाय् वन। अन वं निनवे, रहोबोत-इर व कालह शहर दय्कल। 12 अनंलि वं निनवे व तःधंगु शहर कालहया दथुइ रेसेन शहर दय्कल।
13 मिश्रइमया काय्पिं - लूदी, अनामी, लहाबी, नप्तूही, 14 पत्रुसी, कस्लूही व कप्तोरी खः। कस्लूहीपाखें पलिश्तीत पिहां वल।
15 कनानं सीदोनयात बुइकल। 16 कनान हित्ती, यबूसी, एमोरी, गिर्गशी 17 हिव्वी, अरकी, सिनी 18 अर्वादी, समारी व हमातीतय् तापाःबाज्या खः। अनंलि कनानया सन्तान न्ह्याथासं न्यनावन। 19 थुकथं कनान वंशयागु लागा सीदोनंनिसें दच्छिनपाखे गाजाया लिक्क च्वंगु गरार तक, पुर्बपाखे सदोम, गमोरा, अदमा व लाशाया लिक्क च्वंगु सबोयीम तक थ्यन।
20 हामया सन्तान थःथःगु थीथी जात, जाति, भाय् व थाय् कथं च्वनाच्वन।
शेमया सन्तान
21 येपेतया तःधिम्ह दाजु शेमया नं काय्पिं बुल। शेम एबेरया फुक्क सन्तानया तापाःबाज्या खः।
22 शेमया काय्पिं-- एलाम, अश्शूर, अर्पक्षद, लूद व अराम खः।
23 अरामया काय्पिं-- ऊज, हुल, गेतेर व मेशेक खः।
24 अर्पक्षदं शेलहयात बुइकल। शेलहं एबेरयात बुइकल।
25 एबेरया निम्ह काय् दत। तःधिम्हसिया नां पेलेग†10:25 हिब्रू भासय् पेलेग खँग्वः ‘ब्वथलेगु’ खँग्वःलिसे ज्वः लाः। खः। थ्वयागु हे इलय् पृथ्वीइ मनूत बायावंगु खः। वया किजाया नां योक्तान खः।
26 योक्तानं अल्मोदद, शेलेप, हसर्मवित, येरह 27 हदोरम, ऊजाल, दिक्ला 28 ओबाल, अबमाएल, शेबा 29 ओपीर, हवीला व योबाबयात बुइकल। थुपिं फुक्कं योक्तानया काय्पिं खः। 30 इमिगु थाय्बाय् मेशांनिसें पुर्बया सपारा धाःगु पहाड तक थ्यंगु खः।
31 शेमया थुपिं सन्तानत थःथःगु जात जाति, थीथी भाय् व थाय् कथं च्वनाच्वन।
32 नोआया काय्पिनि सन्तान कथहं थुपिं हे खः। खुसिबाः वःगु लिपा थुपिं हे थीथी जात जातियापिं जुयाः पृथ्वीइ न्यनावन।