15
De ngavesi o de hainga gu gaamai gi Jerusalem
(2 Sa 6.12-22)
1 Dua de hagatuu a David ono hale i de aduhale o David, gai ia ne hagadabena dahi mommee e dugu ai de ngavesi a de Maadua, ma de hagaduu dahi hale malo e dugu ai. 2 Gai David ne hagadaba, “E deai ange donu dangada e sabaia de ngavesi a de Maadua, go denga daane donu huu de aamuli o Levi, go hiidinga go gilaadeu a Tagi Maolunga gu hili gi sabaia de ngavesi a Tagi Maolunga, aama de hai hegau ange gi de ia ga hano ai.” *Deut 10.8
3 Gai David ga hagabuni mai de gau Israel alodahi gi Jerusalem, gai gilaadeu ga hulo ai e gaamai de ngavesi a Tagi Maolunga gi de mommee aana gu hagadabena laa. 4 Gai David ga hagabuni denga hagadiilinga o Aaron ma de aamuli o Levi.
5 Mai i hagadiilinga o Kohath: tagi go Uriel gai e 120 ono dangada madali ia;
6 mai i de hagadiilinga o Merari, tagi go Asaiah, gai e 220 ono dangada madali ia;
7 mai i de hagadiilinga o Gershom: tagi go Joel, gai e 130 ono dangada madali ia;
8 mai i de hagadiilinga o Elizaphan: tagi go Shemaiah, gai e lualau ono dangada madali ia;
9 mai i de hagadiilinga o Hebron: tagi go Eliel, gai e dinovalu ono dangada madali ia;
10 mai i de hagadiilinga o Uzziel: tagi go Amminadab, gai e 112 ono dangada madali ia.
11 Gai David ne hagahi luu dangada haimeedabu go Zadok ma Abiathar, ma Uriel, ma Asaiah, ma Joel, ma Shemaiah, ma Eliel, aama Amminadab, go hanu daane de aamuli o Levi, 12 ga hai ange gi gilaadeu, “Go goodou denga dagi o denga huaabodu i de aamuli o Levi; deenei ai, goodou ma oodou dangada gi hagagilimalali ina goodou, gi maua ai e goodou i de hulo e gaamai de ngavesi a Tagi Maolunga, de Maadua o Israel, e dugu i de mommee aagu gu hagadabena. 13 Go hiidinga goodou tee hagauda de ngavesi laa i de hanonga i taamada, deelaa ai, Tagi Maolunga taadeu Maadua ne bole ga hai baasi mai gi gidaadeu. Gidaadeu tee ssili hogi i ono daha dono hai e hai ai.” 14 Gai de gau haimeedabu ma denga daane de aamuli o Levi ne hagagilimalali gilaadeu, gi maua ai e gilaadeu i de hulo e gaamai de ngavesi a Tagi Maolunga, de Maadua o Israel. 15 Gai denga daane de aamuli o Levi ne poo denga laagau i luu baasi de ngavesi a de Maadua ga saabai ai i honga olaadeu eu, bei de hai a Moses gu tala ange ai laa gi gilaadeu, gi bei muna a Tagi Maolunga.*Exo 25.14
16 David ne hai ange hogi gi dagi o de aamuli o Levi gilaadeu gi hilia hanu olaadeu daane gi daahili i de malangilangi ma de hagadangidangi i denga harp ma lyre aama denga cymbal.
17 Gai de hagadiilinga o Levi ne hili Heman, tama daane a Joel; go ono daina, go Asaph tama daane a Berekiah; gai mai i dama a Merari, go Ethan tama daane a Kushaiah; 18 madali hanu olaadeu dangada mai i de lua hagabuulinga, go Zechariah,*Zechariah: hanu beebaa duai ange laa e hai ange Zechariah ma tama daane, aabe go Zechariah ma Ben. ma Jaaziel, ma Shemiramoth, ma Jehiel, ma Unni, ma Eliab, ma Benaiah, ma Maaseiah, ma Mattithiah, ma Eliphelehu, aama Mikneiah, aama Obed-Edom ma Jeiel luu daane hagaloosi.
19 De gau daahili go Heman ma Asaph, aama Ethan gi hagadangidangi i denga cymbalbronze; 20 gai Zechariah, ma Aziel, ma Shemiramoth, ma Jehiel, ma Unni, ma Eliab, ma Maaseiah, aama Benaiah e hagadangidangi i denga harp ma de hua madali de Alamoth;†de Alamothse muna ange gi de baasi o denga daahili ma mee hagadangidangi; hanu e maanadu bolo e hua i leo o denga gauligi haahine, aabe se daahili e langi gi maolunga. 21 gai Mattithiah, ma Eliphelehu, ma Mikneiah, ma Obed-Edom, ma Jeiel, aama Azaziah e hagadangidangi i denga lyre ma de daahili madali de Sheminith.‡de Sheminithse muna ange gi denga hai daahili. 22 Gai Kenaniah, taane de aamuli o Levi e dagina laa de gau daahili, ne hai de hegau laa i hiidinga ia se daane e mmau i de hai daahili.
23 Gai Berekiah ma Elkanah gi hagaloosia de ngavesi a de Maadua. 24 Shebaniah, ma Joshaphat, ma Nethanel, ma Amasai, ma Zechariah, ma Benaiah, aama Eliezer, de gau haimeedabu, gi ilihia denga trumpet i mada i mua o de ngavesi a de Maadua. Gai Obed-Edom ma Jehiah gi hagaloosia de ngavesi a de Maadua.
25 Gai David ma denga daane maatua aama denga dagi o de mano ne hulo e gaamai de ngavesi o de hagatoo donu hagaheloongoi a Tagi Maolunga i de hale o Obed-Edom i de malangilangi. 26 Gai go hiidinga de Maadua ne bale ange denga hagadiilinga o Levi ne sabaia de ngavesi o de hagatoo donu hagaheloongoi a Tagi Maolunga, gai ne hai ssigidaumaha i e hidu kaau daane ma e hidu ssiibi daane. 27 Gai David ne gahu i ono malo linen danuaa, madali denga daane alodahi de aamuli o Levi ne sabaia de ngavesi laa, ma de gau daahili, ma Kenaniah, tagi o de gau daahili. David ne gahu hogi i dahi ephod e hai i linen. 28 De masavaa a de gau Israel alodahi ne gaamai ai de ngavesi o de hagatoo donu hagaheloongoi a Tagi Maolunga, gai gilaadeu ne hevaalogi, ma de ili denga hanga manu, ma trumpet, ma de hagadangidangi i denga cymbal, ma harp aama lyre.
29 De masavaa o de ngavesi o de hagatoo donu hagaheloongoi a Tagi Maolunga ne dae mai ai gi de aduhale o David, gai Michal, tamaa hine a Saul, e haina mai mee e hai i dahi abaaba damaa mee. Gai ia gu gidee de hodooligi go David e anu ma de malangilangi, gai ia gu kino i de ia.*1 Sa 18.27
*15:2 Deut 10.8
*15:15 Exo 25.14
*15:18 Zechariah: hanu beebaa duai ange laa e hai ange Zechariah ma tama daane, aabe go Zechariah ma Ben.
†15:20 de Alamothse muna ange gi de baasi o denga daahili ma mee hagadangidangi; hanu e maanadu bolo e hua i leo o denga gauligi haahine, aabe se daahili e langi gi maolunga.
‡15:21 de Sheminithse muna ange gi denga hai daahili.
*15:29 1 Sa 18.27