5
Madagu i de Maadua
1 Dagidiiloo au mee e hai i doo masavaa e ulu ai i de hale o de Maadua. E danuaa ange noo koe e hano ga hagallongo, i doo hano ga hai ssigidaumaha a de gau llodo ssenga, go gilaadeu e dee iloo bolo alaadeu mee e hai e dee heohi.
2 Aude hagamoolau gi daalaa hanu muna i doo ngudu,
aude hagamoolau gi daalaa hanu ngadi muna i oo lodo
i mada luu mada o de Maadua.
Go hiidinga de Maadua e noho i de langi,
gai koe i henua i lalo,
deelaa ai, haia gi dee lagolago au muna e tala.
3 De midi e hidi mai i de lagolago hagasaele,
gai e bei ai hogi, tangada lodo senga e lagolago ana muna.
4 Noo koe gu hagatoo donu ange gi de Maadua i dahi mee, gai koe hagamoolau haia gi bei, go hiidinga ia e dee malangilangi i de gau llodo ssenga; hagasula ina dau hagatoo donu.*Psa 66.13-14 5 E danuaa ange dau dee hagatoo donu i dahi mee, i dau hai dahi hagatoo donu aagai koe e dee hai gi bei. 6 Koe gi dee haisala i au muna e tala. Gai koe gi dee hai baasi ange gi tangada e daalaa muna a de Maadua,*tangada e daalaa muna a de Maadua, aabe go tangada de langi. “Ne haisala dagu mee ne hagatoo donu ai.” Ni haigamaiana aha dau hai gi lili de Maadua i au muna, ga hidi mai ai dana oha au hegau alodahi gu hai? 7 Midi lagolago ma ngadi muna lagolago e deai donu olaadeu haigamaiana. Aagai koe gi madagu i de Maadua.
Goloa lagolago e deai olaadeu haigamaiana
8 Koe gi dee lele oo mouli i dau gidee de vaivai haia o de gau hagaau aloha i dahi ungaamee, ma teai se hagamodu heohi ma heohi o dangada; go hiidinga dahi dagi maolunga e dagitilo tagi i ono lalo, gai denga dagi i olaau elunga e dagitilo gilaau. 9 Hua e maua i de gelegele e haigamaiana ange gi dangada alodahi; gai e haigamaiana ange hogi gi de hodooligi.†Muna Hebrew i de gubu nei e dee iloo danuaa dono hagadoonunga.
10 Be goai e lodo i denga sseene e dee maua donu gi malangilangi i ana sseene e mau;
gai tangada e lodo i goloa lagolago e dee maua hogi gi malangilangi i mee aana e hanu.
De mee nei e deai hogi ono haigamaiana.
11 De masavaa naa huu e lagolago ai mee danuaa,
gai gu soa hogi dangada e gaina.
Gai ni haigamaiana aha ange ai gi tangada niiana,
e dee go dana gidee donu huu i luoono mada?
12 Tangada hai hegau e seni danuaa,
e dee galemu be ne momo aabe ne lagolago ana mee ne gai,
aagai goloa lagolago o tangada lava
e hai ma e dee maua e ia i de seni.
13 Au gu gidee ange dahi mee hagadaemaha baubau i lalo de laa:
de lava a tangada e hagabudu laa ga dugu e hagadaemaha donu huu ia,
14 aabe de lava ne ngadi odi laa i dahi hai ngadaa,
gai noo gu dahi ana dama daane,
gai gu deai donu ana mee e doe ange gi de ia.
15 Tangada ne gilisau donu huu ga haanau mai ai i daho dono dinana,
gai e bei ai hogi dono hai e magau ai.
Ia e dee kave naa donu dahi mee daudahi
oona gu hai hegau ange laa aagena.*Job 1.21; Psa 49.17; 1 Ti 6.7
16 De mee nei se mee hogi hagadaemaha baubau:
De hai o tangada ne humai ai, go dono hai hogi e hano ai,
gai ni aha naa a tangada e mau
gai ia e ngadi doolohi de madangi?
17 De masavaa oona e mouli ai gai ia ne gaimee i lo te gohu,
ia ne daemaha mmao, ma de duasala aama de lili.
18 Tilo, au gu gidee bolo de mee danuaa ma de heohi go de gaimee ma de unu o tangada, ma de malangilangi i ana hegau alodahi e hai i lalo de laa, i denga laangi sogoisi a de Maadua gu dugu ange e mouli ai ia; deenei dono duuhanga. 19 E dahi ange mee: tangada a de Maadua gu gaavange de lava ma goloa lagolago, ma de hai gi maua e ia i de hagadanuaa i mee laa, ia gi gaavee dono duuhanga ma de malangilangi i ana hegau — de mee nei se ngadi gaavange mai i daho de Maadua. 20 Gai ia e dai dee maanadu donu laangi o dono mouli, go hiidinga de Maadua gu hai gi honu dono malangilangi.