1 “Loomai, gidaadeu ga ahe ange gi Tagi Maolunga;

ia gu hagammae gidaadeu, aagai ia e hagaieiangi naa gidaadeu;

ia gu hagalagolagohia gidaadeu,

aagai ia e saabini naa odaadeu maanuga.

2 Dua e lua laangi, gai ia e hagamouli age naa gidaadeu;

gai de hagadolu laangi, ia e hagahiihidi age naa gidaadeu,

gi maua ai e gidaadeu i de nnoho i mada luoono mada.

3 Gidaadeu gi iloo Tagi Maolunga,

gai gi hagaduu ngae gi iloo e gidaadeu Tagi Maolunga.

Gai ia e hanage naa donu bei de sula age o de laa i taiao;

ia e humai naa gi odaadeu daha bei de langi i de masavaa hagamagalili,

ma de langi i taamada o de ngadau e hagamaluulu ina honga de henua.”

4 Ephraim, dee hee dagu hai e hai ai goe?

Judah, dee hee dagu hai e hai ai goe?

Doo aloha e bei de mama o de maluulu i taiao,

ma de mee suungia o taiao e moolau laa teai.

5 Deenei ai, au e hai naa denga pelaabisi gi duuduudia gilaadeu,

au gu daa gilaadeu gi maakau i agu muna,

gai dagu hagamodu e moolau naa donu

bei de gemo o de maalama.

6 Go hiidinga au e lodo i de lodo aloha,

e dee go ssigidaumaha;

au e lodo i de iloo mee o de Maadua,

e dee go denga sigidaumaha dudu.*Mat 9.13; 12.7

7 Gilaadeu gu oha de hagatoo donu hagaheloongoi,

bei hegau a Adam ne hai;

gilaadeu tee hai hegau mai gi de au i de mee abodonu.

8 Gilead se aduhale iai de gau baubau,

gai e daakodo ai duulangaa dabuvae iai dodo.

9 De gau haimeedabu soa

gu bei de gau daa dangada e mmuni laa ma e tali,

e daa gi magau tangada i honga

de haiava e hano laa gi Shechem,

gilaadeu se hagabau donu e hai hegau baubau nei.

10 Au gu gidee dahi mee hakino gee i daho de gau Israel;

Ephraim gu hai be se manu hogi;

Israel gu dee gilimalali.

11 Gai e bei hogi goe, Judah,

dahi laangi hagihagi gu hagamodu adu gi de goe.

I de masavaa aagu e hagaahe ange ai de manuuia o dogu huaadangada,