34
De hagaduasala o denga huaahenua
1 Denga huaahenua, goodou hagapaa mai hagalaangona;
denga huaadangada, nnoho mai hagalaangona!
De henua ma mee alodahi i ono elunga gi hagalaangona,
go henua i lalo ma mee alodahi iai.
2 Tagi Maolunga gu lili i denga huaahenua alodahi,
ma de bole mmao i olaadeu hagabuulinga hebagi.
Ia e hai naa gi daia gilaadeu gi odi i de maakau;
ia e hai naa gi daia gilaadeu gi maakau.
3 Gai olaadeu dangada gu daia laa ma gu maakau gu daakodo saele,
gai angaanga o alaadeu dangada maakau e pilo naa,
gai honga denga mounga e hoohonu naa i olaadeu dodo.
4 Denga heduu alodahi i lo te langi e llilo naa,
gai de langi e hhedu naa bei de beebaa mulo;
denga hagabuulingaa heduu alodahi e too iho naa,
bei denga lau manu mmae o de grapevine,
ma lau manu mmae o de fig.*Mat 24.29; Mark 13.25; Luke 21.26; Rev 6.13-14
5 Dagu gadilaasa gu hebagi i de langi,
gai tilo, e hano iho naa e hagaduasala Edom,
ma dangada aagu gu hagamodu e daa gi maakau.*Isa 63.1-6; Jer 49.7-22; Ezk 25.12-14; 35.1-15; Amos 1.11-12; Oba 1-14; Mal 1.2-5
6 De gadilaasa a Tagi Maolunga gu honu i todo,
ma de baalau i denga kiliisi —
go dodo o denga ssiibi ma guudi,
ma kiliisi o denga ssiibi daane.
Go hiidinga Tagi Maolunga gu hai dahi sigidaumaha i Bozrah,
gai e soa ne daa ga maakau i Edom.
7 Denga kaau aada e maakau naa madali gilaadeu,
denga kaau gauligi madali denga kaau mmahi;
delaadeu henua gu honu i todo,
gai de gelegele gu hilo ma kiliisi.
8 Go hiidinga Tagi Maolunga e dahi ana laangi e sui ange ai alaadeu hegau,
gai se ngadau e sui ange ai alaadeu hegau i hiidinga o Zion.
9 Denga saalingaa vai o Edom e hai naa ga ni mommee iai tar,
gai de gelegele e hai naa ga se maga ahi ula;
de henua alodahi e hai naa ga se mommee iai tar.
10 Gai de ahi laa e ula naa i de boo ma de laangi,
dono useahi e buu naa donu huu ga hano ai.
Gai de mommee laa e ngadi dagodo naa i denga atangada e loomai;
e deai naa hogi dangada e seesee i kilaa ga hano ai e dee ngado mai.*Rev 14.11; 19.3
11 De owl*de owlma de owl laumalie: manu nei e dee iloo danuaa be ni manu bee hee i muna Hebrew. e loomai naa ga nnoho i kilaa;
de owl laumalie ma de raven e nnoho naa hogi i kilaa.
Gai de Maadua e dagi naa de uga haide i honga de henua,
go de uga e haide ai de hellumi,
ma de uga e haide ai de ngadi dagodo o de mommee laa.
12 Ono gau aamua gu deai se mommee alaadeu
e hagaingoo ange go de nohoanga hodooligi,
gai ono dagi alodahi e llilo naa.
13 Denga manu daladala e ssomo naa i lodo hale danuaa,
gai manu dabeo ma manu duiduia i lodo hale buibui makaga.
Gai de mommee laa e hai naa gi se mommee niio denga jackal,
aama de mommee nnoho o denga owl.
14 Denga manu lodo henua e nnoho naa i kilaa madali denga hyena,
denga guudi de vao e hagadau koo naa hogi i olaadeu magavaa,
de manu hagamaatagu o de boo†de manu hagamaatagu o de boo: de Beebaa Hebrew e hai ange Lilith; hanu daalanga i mua e tala bolo se eidu de boo. e gidee naa dono mommee hagamabu i kilaa.
15 De owl e hai naa dono hoohanga i kilaa ga dugu ai ana ngago,
ia e hai naa gi masae ana ngago, ma de tilo ange ana dama i lalo luoono bakau;
gai e hanu naa hogi falcon e nnoho i kilaa,
de manu nei ma dono soa.
16 Huugea age de beebaa a Tagi Maolunga, mage daulia:
E deai naa donu se manu nei e dee maleva,
de manu nei ma dono soa,
go hiidinga ia gu lava donu i de tala muna nei,
gai dono Hagasaalunga gu hagabuni mai gilaadeu.
17 Ia e vaevae ange naa olaadeu mommee i de dada,
ia ne haide olaadeu mommee ga vaevae ange gi gilaadeu.
Gai gilaadeu ga henua ai ga hano ai;
olaadeu atangada alodahi e nnoho naa i kilaa.
*34:4 Mat 24.29; Mark 13.25; Luke 21.26; Rev 6.13-14
*34:5 Isa 63.1-6; Jer 49.7-22; Ezk 25.12-14; 35.1-15; Amos 1.11-12; Oba 1-14; Mal 1.2-5
*34:10 Rev 14.11; 19.3
*34:11 de owlma de owl laumalie: manu nei e dee iloo danuaa be ni manu bee hee i muna Hebrew.
†34:14 de manu hagamaatagu o de boo: de Beebaa Hebrew e hai ange Lilith; hanu daalanga i mua e tala bolo se eidu de boo.