3
1 Noo dahi daane e maavae ange gi dono bodu,
gai de hine laa e hano ga hai bodu ange gi dahi daane gee,
gai e maua naa e taane i mua i de ahe ange gi de hine laa?
E aha, e dee hai naa ga hakino gee de henua alodahi?
Aagai koe e noho madali oo dau soa soa bei dagodo o dahi hahine hai be se manu —
gai e maua ai naa e goe i de ahe mai gi de au?*Deut 24.4
go Tagi Maolunga e hagadaba.
2 Koe gi galo age gi ulu denga duuduu malaelae ma gi diiloo.
E dahi laa mommee oou tee dagodo haisala ai?
Koe ne noho i gaogao de haiava ma e tali ai oo dau soa,
koe e bei de gau Arab e nnoho laa i de vao.
Koe gu hai ma gu hakino gee de henua,
i doo hai be se manu ma au hegau baubau.
3 Deenei ai, de langi gu daohi gi dee pala,
gai gu dee pala de langi i taamada o de ngadau.
Gai koe gu bei dagodo o de hine hai be se manu;
koe e dee dogaa donu i au hegau hagadookaa dangada.
4 E aha, koe tee hagahi mai, ‘Dogu damana
ma dogu soa mai i dogu gauligi,
5 koe ga lili naa donu i masavaa alodahi?
Gai doo bole e duudagi naa donu ga hano ai?’
Tilo, aanei au muna gu tala,
aagai koe e hai baubau alodahi aau e mau i de hai.”
Israel tee hai hegau i de mee abodonu
6 Gai Tagi Maolunga ne hai mai gi de au, i de masavaa o Josiah e hodooligi ai: “Koe e gidee naa hegau a de ia e dee hai hegau i de mee abodonu go Israel? Ia e hanage gi honga denga duuduu maolunga alodahi ma lalo denga manu ssomo alodahi ma e hai be se manu ai.*de hai be se manu e bei go de daumaha ange gi denga diinonga. *2 Ki 22.1—23.30; 2 Ch 34.1—35.27 7 Au ne maanadu bolo dua naa huu dana hai mee nei alodahi, gai ia e ahe mai gi de au; aagai ia tee ahe mai donu. Gai dono daina e dee hai hegau i de mee abodonu go Judah ne gidee ana hegau. 8 Ia ne gidee hogi bolo au ne gaavange dahi beebaa maavae gi de hine dee hai hegau i de mee abodonu go Israel, ga hai ia gi hano i hiidinga o dono dagodo haisala. Gai dono daina hahine go Judah tee madagu donu hogi i de vaivai dagodo; ia ne hano hogi ga dagodo haisala. 9 Go hiidinga ia ne hagangadi mee donu dono dagodo haisala, gai ia ne hai ga hakino gee de henua alodahi i ana hegau haisala, i dono daumaha ange gi denga hadu ma laagau. 10 Gai mee nei alodahi tee maua i de hai dono daina hahine dee hai hegau i de mee abodonu go Judah gi ahe mai gi de au i ono lodo alodahi, aagai ne daahanga mai au,” go Tagi Maolunga e hagadaba.
11 Tagi Maolunga ne hai mai gi de au, “Israel, e dee hai hegau laa i de mee abodonu, e heohi ange i tee hai hegau o Judah i de mee abodonu. 12 Hannoo hagailoo ina muna nei i de bido gi ngaiho:
Ahe mai, de ia e dee hai hegau i de mee abodonu go Israel,
go Tagi Maolunga e hagadaba,
au gu dee lili i goodou,
i hiidinga au gu degi adu,
go Tagi Maolunga e hagadaba.
Au e dee golo age dogu bole ga hano ai.
13 Gai goodou gi daalaa bolo goodou gu haisala;
goodou gu hai baasi ange donu gi Tagi Maolunga doodou Maadua,
goodou gu dagodo haisala madali denga diinonga o de gau henua gee
ma lalo denga manu ssomo alodahi,
goodou tee hagallongo mai gi de au,
go Tagi Maolunga e hagadaba.
14 Goodou aahe mai, denga dama gu daahuli gee i de au, go Tagi Maolunga e hagadaba. Go au doodou dangada aamua;†doodou dangada aamua, aabe go doodou bodu. au e kave naa hanu goodou — e dahi mai i dahi aduhale gai e dogolua mai i dahi huaabodu — gai au e hagaahe mai naa goodou gi Zion. 15 Gai au e gaavadu naa gi goodou de gau hagaloosi e haia ogu lodo, gai gilaadeu ga dagi ai goodou i de iloo mee ma de tonu ange. 16 Laangi laa, i de masavaa oodou e hagadili ai ga soa i honga de henua, go Tagi Maolunga e hagadaba, gai dangada e dee hagataba naa donu, ‘De ngavesi o de hagatoo donu hagaheloongoi a Tagi Maolunga.’ Gai e dee hanage naa donu i olaadeu lodo, aabe e manadua e gilaadeu de mee nei; gilaadeu e dee maingaa ange naa donu teai se mee nei, aabe e aahe ange e hagaduu dahi. 17 De masavaa laa gai Jerusalem e hagaingoo ange naa go de Nohoanga o Tagi Maolunga, gai denga huaahenua alodahi e hagabuni mai naa gi Jerusalem i mada luu mada o Tagi Maolunga. Gilaadeu gu dee aahe ange e hai de baubau ma de hagamakaga olaadeu lodo. 18 Gai dangada o Judah e loomai naa madali dangada o Israel i laangi laa, gilaadeu e hagabuni naa ga aahe mai i de henua i ngaiho, ga loomai gi de henua aagu gu bolo ange gi olaadeu dubuna madagidagi.
19 Au ne hagadaba,
‘Au e lodo mmao e hai goodou gi ni dama niiagu,
ma de gaavadu gi goodou dahi henua danuaa,
gai se boolonga e mahamaha ange i denga huaahenua alodahi!’
Gai au ne maanadu bolo goodou e hagahi mai naa Tamana gi de au,
ma tee huuhuli gee i de daudali mai i de au.
20 Aagai goodou e bei de hine vaivai dagodo e tili laa dono bodu,
goodou dangada o Israel gu vaivai daakodo mai donu gi de au,”
go Tagi Maolunga e hagadaba.
21 De leo o dahi e langona i ulu denga duuduu,
go de tangi ma tangi see o dangada o Israel,
go hiidinga gilaadeu gu hagahaisala delaadeu haiava;
gilaadeu gu ngalo Tagi Maolunga, delaadeu Maadua.
22 “Denga dama dee hai hegau i de mee abodonu, goodou aahe mai;
gai au ga hagaieiangi goodou gi hai hegau ai goodou i mee abodonu.”
⌊Dangada ne hai mai,⌋ “Uaa, gimaadeu e loomai naa gi de goe,
i hiidinga go koe go Iahweh demaadeu Maadua!
23 Ni muna abodonu, demaadeu daumaha ange gi denga diinonga i honga duuduu
ma honga mounga e hagasenga gimaadeu.
Ni muna abodonu, de hagaola o Israel
go Tagi Maolunga demaadeu Maadua.
24 Mai i odaadeu gauligi, gai denga diinonga hagadookaa
ne ngole hegau a odaadeu maadua:
alaadeu ssiibi ma alaadeu kaau,
aama alaadeu dama daane ma damaa hine.
25 Gidaadeu ga daakodo gi lalo i lodo odaadeu hagadogaa,
ga haoli gidaadeu i odaadeu hagadogaa.
Gidaadeu gu haisala ange gi Tagi Maolunga taadeu Maadua,
go gidaadeu alodahi ma odaadeu dubuna;
mai i de masavaa odaadeu e gauligi ai ga dae mai ai gi anailaa nei.
Gidaadeu tee hagallongo ange gi de leo o Tagi Maolunga taadeu Maadua.”