2
1 Gu aha gu hagabuni ai denga huaahenua e hai hanu ngadi hagatau,
gai dangada gu hagasaele de hai dahi hegau dee haigamaiana?*Acts 4.25-26
2 Denga hodooligi o henua i lalo gu hagadabena,
gai denga dagi gu hagabuni
e hai baasi ange ai gi Tagi Maolunga
ma de Ia aana gu hagadabu i de lolo, ⌊ma de hagataba,⌋
3 “Gidaadeu ga duuduu alaau daula,
ma de tili gee alaau mee e noonooa ai gidaadeu.”
4 De ia e noho laa i de langi e gadagada;
de Ia Aamua e doo mee naa i gilaadeu.
5 Gai ia e hagasee naa gilaadeu i dono lili,
ma de hagamaatagu gilaadeu i dono bole, ga hai ange,
6 “Au gu hagasula de Hodooligi aagu gu hili
i dogu mounga dabu go Zion.”
7 Au e hagailoo hainga a Tagi Maolunga gu hagasauaa;
ia ne hai mai gi de au, “Go koe dagu Dama Daane,
anailaa nei gai go au doo Damana.*Acts 13.33; Heb 1.5; 5.5
8 Dangidangi mai gi de au,
gai au ga bolo adu gi de goe denga huaahenua,
ma de hai goe gi henua i henua i lalo alodahi.
9 Koe e dagi naa gilaadeu i togo iron,
ma de hai gilaadeu gi bei denga gumedi hadu gu mahaahaa laa ma gu too dagidahi.” *Rev 2.26-27; 12.5; 19.15
10 Deenei ai, denga hodooligi, goodou gi heiangi,
dagi o henua i lalo, goodou gi kana ange.
11 Daumaha ange gi Tagi Maolunga i de maatagu,
gai gi malangilangi ma de bolebole.
12 Oso ina Tama Daane,*oso ina Tama Daane, aabe oso ina luoono vae. Muna Hebrew i de gubu nei e dee iloo danuaa dono hagadoonunga. kana lili naa ia,
gai goodou gu moolau donu de maakau i honga de haiava;
go hiidinga ia e moolau donu de lili.
E manuuia gilaadeu alodahi e haia ia go delaadeu buibui.