3
Se Psalm nii David, i dono masavaa ne hano ai e mmuni i dana dama go Absalom.
1 Tagi Maolunga, e dogohia maa ogu hagadaumee!
Gai e soa gu nnoho e hai baasi mai gi de au!
2 E soa e hagataba i ogu dagodo,
“De Maadua e dee hagaola naa donu ia.”
Selah
*De muna go Selah e dee iloo danuaa dono hagadoonunga i muna Hebrew. 3 Aagai koe, Tagi Maolunga, go de mee hungihungi e duuli ina mai au,
koe e hagamahamaha ogu dagodo,
ma de hai gi maua e au i de dangage age dogu biho.
4 Au e hagahi Tagi Maolunga i de leo laumalie,
gai ia ne basa mai gi de au i dono mounga dabu.
Selah
5 Au ne dagodo ga seni, gai au ne alahage ange hogi,
i hiidinga Tagi Maolunga ne hagaloosi au.
6 Gai au e dee madagu donu i de semada dangada
i delaadeu hagabuni ga duuli luoogu baasi.
7 Tagi Maolunga, hidi age!
Dogu Maadua, hagaola ina mai au!
Koe e hagailiili galaahuu o ogu hagadaumee alodahi;
gai hadihadia niho o de gau baubau.
8 Tagi Maolunga e maua i de hagaola;
gai hagamanuuia ina oo dangada!
Selah