1 Tagi Maolunga, goai e maua i de noho i doo hale malo?

Goai e maua i de noho i honga doo mounga dabu?

2 Go tangada e dee haisala, gai e hai hegau i de mee heohi,

ma de tala de muna abodonu i ono lodo laa.

3 Ia e dee hagabaubau dahi dangada gee,

gai e dee hai ange de baubau gi tangada e baa ange gi de ia,

aabe hagabaubau dahi dangada gee.

4 Ia e kino i tangada e haia de baubau,

aagai e hagadubu gilaadeu e maatagu i Tagi Maolunga;

ia e hagasula dana mee gu hagatoo donu ai,

e dee galemu donu de hai ngadaa;

5 tangada e balea ange dangada i ana sseene,

gai e dee kave dahi mee laa honga de mee aana ne gaavange

e hagabaubau ai tangada tigi haisala.

Tangada e haia de hegau nei e dee dai ngalungalue donu.