16
Se Miktam*Miktam se muna e hai ange gi denga hai daahili. nii David
1 Dogu Maadua, buibuia ngau;
go koe dogu mommee e buibui ai.
2 Au e hai ange gi Tagi Maolunga, “Go koe donu dogu Ia Aamua;
e deai sagu mee danuaa daudahi noo e deai goe.”
3 De gau dabu i honga de henua,
go gilaadeu e mahamaha, gai au e malangilangi ai.
4 Daemaha o olaadeu e daudali ange i denga diinonga e hagalagolago naa.
Au e dee hai naa donu alaadeu ssigidaumaha e hai i dodo,
aabe e dagudagu ingoo o olaadeu diinonga.
5 Tagi Maolunga, go koe dogu duuhanga ma dagu ubu;
go koe e hagasauaa ina dogu duuhanga.
6 Ogu goinga gu hagatuu i mommee danuaa hugadoo;
uaa, dogu boolonga e danuaa mmao.
7 Au e hagadegi Tagi Maolunga, de ia e agoagona mai au;
ogu lodo e agoago mai au i de boo.
8 Au e dugu Tagi Maolunga i ogu mada i mua i masavaa alodahi.
Go hiidinga ia i dogu baasi madau, au e dee baguu naa donu.*Acts 2.25-28
9 Deenei ai, ogu lodo gu malangilangi, gai dogu alelo gu tuhi;
gai dogu angaanga gu noho baba hogi.
10 Go hiidinga koe e dee tili donu au i de mommee o de gau maakau,
aabe dugu ange dau ia dabu†dau ia dabu, aabe go de ia e hai hegau i de muna abodonu. gi gidee de geelonga laa.*Acts 13.35
11 Koe e hagaago mai gi iloo e au de haiava o de mouli;
doo mommee e noho ai iai de malangilangi laumalie,
doo lima madau iai denga mee hagamalangilangi ga hano ai.