1 Tagi Maolunga, hagalaangona dogu heohi,

hagasula ina dagu dangidangi!

Hagalaangona dagu dalodalo —

se dangidangi e dee hai i de hagasenga!

2 Koe gi hagamodu ina bolo au e dee haisala;

koe e gidee be se aha e heohi!

3 Koe gu hagatale dagodo o ogu lodo,

gai ga hagataalea naa donu e goe ogu dagodo i de boo,

gai koe e dee gidee dahi mee daudahi;

au gu hagatau bolo au e dee haisala donu i agu muna e tala.

4 Gai dagodo hegau a dangada — au muna gu hai au

gi dee daudali i hegau a tangada e vaivai haia dangada.

5 Au e seesee donu huu i oo haiava;

luoogu vae e dee baakuu naa donu.

6 Dogu Maadua, au e hagahi adu goe, go hiidinga koe e basa mai gi de au;

huli mai doo dalinga hagalaangona ai dagu dalodalo.

7 Hagaagona mai gi de au doo aloha hagalele mouli;

koe e hagaola i doo lima madau

gilaadeu e loomai e buibui i oo daha,

i hiidinga o olaadeu hagadaumee.

8 Buibuia mai au bei dagodo o tama legalega eidu o doo ganomada,

ma de hagammuni au i lalo de malu o luoo bakau,

9 mai i de hagaduasala a tangada baubau,

ma mai i ogu hagadaumee hagamaakau e duuli ina luoogu baasi.

10 Gilaadeu e hagamakaga olaadeu lodo,

gai gilaadeu e pasa hagamaolunga.

11 Gilaadeu e ssala ga gidee au ma de duuli luoogu baasi;

gilaadeu e dagitilo e hagabaguu au gi honga de gelegele.

12 Gilaadeu e bei dagodo o de laiono hiigai e gaina laa dahi manu,

ma de laiono mmahi e noho laa

ma e dagitilo i lodo mee muimui.

13 Tagi Maolunga, hidi age, hagadee kii ina gilaadeu!

Gai hagaola ina mai au i de gau baubau i dau gadilaasa.

14 Tagi Maolunga, hagaola ina ngau mai i de gau bee nei,

ma mai i dangada o henua i lalo nei,

go gilaadeu e kave olaadeu hagaoanga i de mouli nei.

Gai koe gaavange gi gilaadeu de hagaduasala aau gu hagadabena ange gi gilaadeu;

alaadeu dama e duadonu,

gai gilaadeu e dugu ange olaadeu goloa lagolago gi alaadeu dama.

15 Aagai au — au e gidee naa luoo mada i de heohi;

gai au e honu naa dogu malangilangi

i dagu gidee luoo mada i de masavaa oogu e alahage ai.