23
Se Psalm nii David
1 Go Tagi Maolunga dogu ia hagaloosi;
deelaa ai, e deai se mee daudahi oogu e duasala ai.
2 Ia e hai au gi dagodo i de mommee iai helii lau kohu.
Ia e dagi au i gaogao saalingaa vai malino.*Rev 7.17
3 Ia e hagammahi dogu hagasaalunga.
Ia e dagi au i de haiava o de heohi,
i hiidinga o dono ingoo.
4 Gai ga seesee naa donu au i lo te geelonga gohu boo dangodango,*geelonga gohu boo dangodango, aabe go de geelonga o de goohunga o de magau.
gai au e dee madagu donu i dahi mee baubau daudahi,
i hiidinga koe e noho madali au;
dau laagau ma doo dogo e hagaaneane ogu lodo.
5 Koe e hagadabena dahi deebele mai gi de au,
i madamada o ogu hagadaumee.
Koe e hagasulu dogu biho i de lolo;
dagu ubu gu honu malingilingi.
6 Ni muna abodonu, tanuaa ma de abodonu
e daudali mai naa donu huu i de au
i taulooloa dogu mouli,
gai au ga noho ai i de hale o Tagi Maolunga
ga hano ai.