1 De Maadua, hagamodu ina bolo au e heohi,

ma de tala hagadonu ogu dagodo e hai baasi ange ai gi de huaahenua baubau;

hagaola ina mai au i gilaadeu

e daahangadia dangada ma de baubau!

2 Go koe de Maadua, gai go koe dogu mommee buibui makaga.

Gai gu aha gu tili ai naa goe au?

Ni haigamaiana aha dogu hano saele ma de daemaha ogu lodo

i de hagaduasala a ogu hagadaumee au?

3 Haia gi humai dau maalama ma dau mee abodonu,

gai gilaau ga dagi ai au;

gilaau gi gaavee au gi doo mounga dabu,

go de mommee oou iai!

4 Gai au e hano gi de mommee o ssigidaumaha a de Maadua,

ma daho dogu Maadua i de malangilangi laumalie.

Au e tuhi goe i de tale de lyre,

de Maadua, go dogu Maadua.

5 Dogu hagasaalunga, gu aha gu daemaha ai naa goe,

gai gu aha gu manavasaa ai naa goe?

Haia go de Maadua dau tali hagalodolodo;

go hiidinga au e ahe ange naa donu ga tuhi ia,

dogu Ia Hagaola ma dogu Maadua.