58
Ange gi tagi o taahili; e hua bei de leo o “Aude oohaa”. Se Miktam nii David
1 Denga dagi,*Denga dagi, aabe go denga maadua. e aha, goodou e tala naa donu de mee heohi?
Goodou e hagamodu naa muna o dangada i de heohi?
2 Deai, gai goodou e hagasaele donu huu de hai mee dee heohi i oodou lodo;
gai oodou lima e vaivai hai dangada i honga de henua.
3 Mai i de masavaa olaadeu ne haanau ai,
gai de gau baubau e hulo gee i de haiava;
mai i de masavaa olaadeu e nnoho ai i de mommee o denga dama,
gai gilaadeu e tala denga muna hadu.
4 Gilaadeu e hagammau bei denga labodo hagammau,
gai e bei de labodo hagammau e longoduli laa;
5 de labodo laa e dee langona taahili hagadala,
aabe go taahili a tangada e haia helau.
6 De Maadua, hadihadia niho i lodo olaadeu ngudu;
Tagi Maolunga, unuunusia mai niho kangi o denga laiono!
7 Haia gilaadeu gi dee maaleva bei vai e ssali laa ga hulo,
gai olaadeu dao gi hadihadi, i de masavaa e dada ai alaadeu mee hholu.
8 Haia gilaadeu gi bei de snail e vaivai laa ga odi,
gai gi bei tama ssege e dee gidee laa de maalama o de laa.
9 I mua de mahana o au anibada i de ahi o denga laa manu —
e dee hilihili be e ssui aabe e mmasa —
gai ia e ilihia naa gilaadeu ga kave gee.†Muna Hebrew i kinei e dee iloo danuaa dono hagadoonunga.
10 Tangada heohi e malangilangi naa i dana gide de hagaduasala o de gau baubau;
gai ia e hhui naa luoono vae i olaadeu dodo.
11 Dangada e hagataba naa,
“Ni muna abodonu, e dahi donu hagaoanga olaadeu e heohi;
gai e dahi donu Maadua e hagamodu ina muna o henua i lalo.”