1 De Maadua e noho madali de hagabuulinga hagasaele dabu;

go ia e hagamodu ina muna o denga maadua ange laa:

2 “Dee hee maa taulooloa doodou dee hagamodu muna i de heohi,

ma doodou hagabuni ange gi de gau baubau?

3 Koe gi daalaa hagadonu dagodo o olaadeu e baageaa ma gilaadeu e deai olaadeu damana;

gai daalaa de heohi o de gau hagaau aloha ma gilaadeu e duasala.

4 Hagaola ina gilaadeu e baageaa ma gilaadeu e duasala;

hagaola ina gilaadeu mai i de gau baubau.

5 Gilaadeu e dee iloo mee gai e dee tonu.

Gilaadeu e seesee saele i lo te gohu;

gai tagelo alodahi o henua i lalo gu dai baakuu.

6 Au ne hagadaba, ‘Goodou ni maadua,

gai goodou alodahi ni dama nii de Ia Maolunga Mmao laa.’ *John 10.34

7 Aagai goodou e maakau naa donu bei dagodo o dangada,

gai e maakau bei dagodo o denga dagi.”

8 De Maadua, hidi age hagamodu ina muna o henua i lalo;

i hiidinga niiou denga huaahenua alodahi!