1 ይን ግዳ ኦላለ Ꮉንታ የዛና ዝግርንታነ። ይኒ ፋና የዘ ኦላለ Ꮉንታ መለ አቶ የዝን፥ አማኖሰ አሱንꬅን ኦቾስ። ይን ግዳ ፋ አዳይ ማችትራ ቱንደ አስ የነ። ማሄ 22:30 2 ይነ ይን አዛኖደስን ዬልꬎደስ ቤዛነ፥ የዝን ይን ኡትርዳ። ይኒ ጋር ቦርስዘባዝ ኦችደ አꬃ ይን ግዳፓ ኬሶደስ ቤዞሶ?

3 ታኒ አሾራ ይንታራ የዛንጽኮን አያናራ ታ ይንታራ የነ። ታኒ ይንታራ የዘ አስ ፋና ዪእ ይኒ ጋርዘ ኦቻ ኦችደ አꬄላ ፍርድዳ። 4 ኑ ላꬄ የሱስ ክርስቶሳ ሱንꬅተ ይን ሺቅዘ ዎደ ታኒ አያናራ ይንታራ የሳዳ። ይነ ላꬄ የሱስ ክርስቶሳ ዎልቃ ይንታራ ማቃዳ። 5 የ አꬄ ናጋራ አሽታ *ናጋራ አሾ፦ ናጋራ መꬎ ዎይ ናጋራ አሳትꬅ። ꬋቢ፥ ኤ አያንዘ ላꬄ የሱሳ ፍርዳ ዎደ አቶደ ፋና ኤ ጻላሄስ አꬊ እንግንቶ።

6 ይን ጬቅታ ሎኦ ባያ። ኤራꬅ እርሾ ቡካ ኡባ ደንꬅዛኖ ኤሮሳነ?ጋላ. 5:9 7 ይን Ꮉተ እርሾ ባይዘ ቡካ ማቃደ ጋር፥ ናጋራ እርሾ ይንታፓ ከሶተ። ኑ ፋስጋ ዱሮ ማቅደ ክርስቶሳ ዣርሽንትዳ። ከዘ 12:5 8 ይኒ ግሾ፥ ገነን ኢታትꬅ የዘ እርሾራ ማቅካይዝን ቱረትꬅን ጌሻትꬅ የዘ ቦራራ ኑ ባልቶ ቦንቾዳ። ከዘ 13:7፤ ማሄ 16:3

9 ታ ቲኖ ጻፍደ ኪትተ ይን ኦላለ አሱንꬃራ የልንታመ ጋር ይንትስ ኦህዳ። 10 ይኖ ጋዛና Ꮉና አላምተ የዘ ኦላለ Ꮉንትዙንꬃና ዎይ ዣርꬍዙንꬃራ ዎይ ካይስትዙንꬃራ ዎይ ኤቃ ጎይንዙንꬃራ ሙሎ የልንትፐተ ጋኤ ባያ። ይኖ ማቅኮ፥ Ꮉና አላምትፓ ይን ኬሳደስ ቤዛነ የሻ። 11 የዝን አማናነ ጋእተ ኦላለ Ꮉንትዙንꬃራ ዎይ ዣርꬍዙንꬃራ ዎይ ኤቃ ጎይንዙንꬃራ ዎይ ጫዥዙንꬃራ ዎይ ማꬅንትዙንꬃራ ዎይ ካይስትዙንꬃራ የልንትፐተ ጋእ ይንትስ ኦህነ። የንስ ጋርዘ አሳራ መለ አቶ የዝን፥ ካꬃን ሙእፐተ።

12 ዎሳ ኬꬃፓ ባለራ የዙንꬃላ አፋ ፍርዶደስ ታና አኮ ማ? ዎሳ ኬꬅተ የዙንꬃላ አፋ ይን ፍርዶሳነ? 13 የዝን ባለራ የዙንꬃላ አፋ ጾዚ ፍርዶዳ። ይና ኢታ ባዝቶ ኦችዘ አꬃ ይን ግዳፓ ከሶተ። ማሄ 13:5፤ 17:7