1 ይን ግዳፓ ፈተ ፈተራ ሞቶ የዝኮ፥ ይኖ አማንዘ አስ ቲኖ ፍርድንቶዳኖ አሺ አማኖሰ አስ ቲኖ ፍርድንቶደስ ዋይዝ ቅተ? 2 ጌሹንꬅ አላመላ ፍርዶዳኖ ይን ኤሮሶ? ዬዝን፥ ይን አላመላ ፍርድዘባዝ ማቅኮ፥ Ꮉኒ ፋና ኤራꬅባዝ ፍርዶደስ ዋይዝ ዳንዳኦሶ? 3 ኑኒ ኪታንቾላ ፍርዶዳኖ ኤሮሳነ? ዬዝን፥ Ꮉና ሳአ የስ ባዛላ አፋ ፍርዶዳና ይንታና ዋይዝ ጋመ? 4 ዬዝን፥ ይኒ ፋና ሞቶ ይን ግዳ መꬍንትኮ፥ ዎሳ ኬꬃ ለቅንትደ አሱንꬅ ቲኖ ፍርድንቶደስ ዋይዝ ካንገተ? 5 ታኒ ይንታና ዬልሳደስ ይኖ ጋነ። ይን ግዳ ካጭንትደ አሱንꬃና ጊግሳደስ ዳንዳእዘ አካክዘ አስ ባ? 6 ዬዝን፥ ፈቲ አማንዛይ Ꮉንካይ አማንዛያ ፍርዳ ኬꬃ አማኖሰ አስ ቲኖ ሞቶደስ ቤዛነ?

7 ይኬ፥ ይን ፈተ ፈታ ካሳሲ ሞትዛና ይና ይንትስ ሎኦ ባያ። ይንፓ አꬊ ይን ቆህንትዛኮን ጭምንትዛኮ ሎኦሶ? 8 የዝን ይንቲ ዎል ግዳ አማንዙንꬅ ፈተ ፈታ ቆሃነን ጭማነ።

9 ገኑንꬅ ጾዘ ካእቱሞ ገላማኖ ይን ኤሮሳነ? ይንታና ጭምፐተ፤ ኦላለ Ꮉንትዙንꬅ ዎይ ኤቃ ጎይንዙንꬅ ዎይ ቃይጽዙንꬅ ዎይ ꬊራꬅ ꬊራꬃራ ዎይእንትዙንꬅ፥ 10 ዎይ ካይስትዙንꬅ ዎይ ዣርꬍዙንꬅ ዎይ ማꬅንትዙንꬅ ዎይ ጫዥዙንꬅ ዎይ ቦንቅዙንꬅ ጾዘ ካእቱሞ ገሎስ። 11 ይንታፓ ፈቲ ፈቲ አሱንꬅ ቲኖ ይኒ ጋር። የዝን ይን Ꮉተ ላꬄ የሱስ ክርስቶሳ ሱንꬅተን ጾዝ አያናራ ሜጭንትዳ፤ ጌዥዳ፤ ጽልዳ።

12 ይን፥ «ኑ ኮይደባዝ ኦቾደስ ዳንዳአነ» ያጋነ። የዝን ኡባና ይንታና ማዶስ። ታኒ ኮይደባዝ ኡባ ኦቾደስ ዳንዳአነ፥ የዝን አኮን ታና አሆስ። 1 ቆሮ. 10:23 13 ይን፥ «ካꬃ ሳዛስ፤ ሳዛን ካꬃስ» ጋነ። የዝን ጾዚ ሳዝቶን ካꬅቶ ꬋብሶዳኖ ታ ይንትስ ኦህነ። ኑ ጋልታ ላꬅስ ፋትን ኦላለ Ꮉንታስ ባያ። ላꬅን ኑ ጋልትስ። 14 ጾዚ ላꬃ Ꮉይቆፓ ደንꬅዳን ፋና፥ ኑናን Ꮉይቆፓ ፋ ዎልቂትራ ደንꬆዳ።

15 ይን ጋልታ ክርስቶሳ ጋላ ብልተ ማቅዳኖ ኤሮሳነ? ዬዝን፥ ታኒ ክርስቶሳ ጋላ ብልተ ማቅዳኖ ካንግ ኦላለ Ꮉንትዘ ጋላ ማቃደ ፋና ዪሳነ? ሙሎን ኮሾስ! 16 ኦላለ Ꮉንትዘ አꬄ ኤ የልንትዘ ማችትራ ፈቲ አሾ ማቅዛኖ ኤሮሳነ? ጌሽ ማጻፍተ፥ «ኡን ላምኡንꬅ ፈቲ አሾ ማቃዳ» ጋእንት ጻፍንትዳ። መꬎ 2:24 17 የዝን ላꬃራ ፈቶ ማቅዘ አꬄ ኤ አያንዘራ ፈቶ ማቃነ።

18 ኦላለፓ Ꮉኮተ። ፈቲ አꬄ ኦችዘ መለ ናጋራ ኡባ ኤ ጋልትፓ ባለራ ኦችንታነ፥ የዝን ኦላልዘ አስ ፋ ጋልትላ አፋ ናጋራ ኦቻነ። 19 ይን ጋልታ ጾዚ ይንትስ እንግዳና ይንግዳ የዘ ጌሽ አያና ኬꬅ ማቅዳኖ ኤሮሳነ? ይን ይን ባዝ ባያ። 1 ቆሮ. 3:16፤ 2 ቆሮ. 6:16 20 ጾዚ ይንታና ሚሸራ ዎንግዳ። ይኒ ግሾ፥ ይን ጋልተ ጾዝ ቦንቾተ።