1 ኤቃስ ዣርሽንትደ ካꬃባዝ ማቅኮ ኑ ኡቡንꬅስ ኤራ የነ። ኤራትꬅ ኡቱርሳነ፥ የዝን ሲቆ ድቻነ። 2 ኦደን ፋና ኤራነ ጋእ ቆፕኮ፥ ኤ Ꮉጋ ኤሮደስ ቤዛኖ ኤርካያ። 3 የዝን ኦደን ጾዝ ካꬍኮ ኤ ጾዘ ካለ ኤርንትዳያ።

4 ይኒ ግሾ፥ ኤቃስ ዣርሽንትደ ካꬃ ሙእዘ ባዝ ማቅኮ Ꮉና አላምተ ላꬂ ፈቲ ጾዘፓ ፋትን መለ ባይዘ ግሾ ኤቃ ፋꬆሰ ባዝ ማቅዳኖ ኑኒ ኤራነ። 5 ጾዝ ማቅካይዝን ሳሎን ሳአን ጾዚ ጋእንት ጼግንትደ ጋማ ጾዙንꬅን ላꬁንꬅ የዝኮን፥ 6 ኡባ ባዝ መꬍደ፥ ኑ ኤ ባዝ ማቅደ፥ ፈቲ ጾዚ፥ አደ፥ ኑስ የነ። ኡቡንꬅ ኤ ባጋራ መꬍንትዳ፥ ኑንን ኤ ባጋራ ደኦ ደንግዳ ፈቲ ላꬂ፥ የሱስ ክርስቶሳ ኑስ የነ።

7 የዝን Ꮉኖ ኤርዘ ኡባ ባያ። ፈቲ ፈቲ አሱንꬅ ኤቃ ጎይኖራ ኤርንትደ ግሾ ካꬃ ሙእዘ ዎደ ኤቃ ዣርሽንትደባዝ ማህ ኤካነ። የ ዎደ ኡን ዎዝንታ ቦዛ ማቅደ ግሾ ቱናነ። 8 የዝን ካꬃ ኑና ጾዛራ እግንꬆስ። ኑ ሙእካይዛራ አሽን አኮን ቆህንቶስ፤ ማህ ሙእ ዱማ ማድንቶስ።

9 የዝን ይን ኮይደባዝ ሞኦደስ ዋሎትꬅ ይንትስ የዝኮን ይና አማኖራ ሚንግካይዙንꬃና ꬉባመ ፋና ናግንቶተ። 10 ኔኒ ነና ኤራ ጋእ ኤቃ ዣርሽንትደ ካꬃ ሞኦደስ ኤቃ ኬꬃ በቴዝን፥ አማኖራ ሚንግካይዘ ነና ብእኮ ይና ኤዛ ኤቃስ ዣርሽንትደ ካꬃ ሞኦደ ጋር ደንꬅꬆሳ? 11 ይኬ፥ ነ ኤራትꬅት ባጋራ ክርስቶሳ ኤ ግሾ Ꮉይቂዳ፥ አማኖራ ሚንግካይዘ ነ እሸ፥ ꬋብዳ። 12 ይኒ ጋር ዪዚ፥ አማኖራ ሚንግካይዘ ይን እሹንꬃና ቆህተ ኡን ዎዝንቶ Ꮉርግዚ ክርስቶሳ ቆሃነ። 13 ይኒ ግሾ፥ ካꬃ ታ እሻ ꬉቢዘ ባዝ ማቅኮ፥ ኤ ꬉብንታመ ፋና አሾ ሙሎን ሞኦስ።