ጴጥሮሳ ጻፍደ
ቲኖ ኪታ
ገለ
ሐዋረ ጴጥሮሳ ጻፍደ ቲኖ ኪታ ጻፍንትደ፥ «ዶርንትደ ጾዘ አሱንꬃና» ጋእንት ጼግንትዱንꬅስን ኤራꬅ እስያ ግዳ ዎካ ዛላራ ላልንትደ አማንዘ አሱንꬅስ። Ꮉይ ኪትዘስ ኣፈ ቆፍታ፥ አማኖ ምክናተራ ማꬋን ዋየ የልደ አሱንꬃና ምንꬅꬆደስ። Ꮉይ ማጻፍዘ ጻፍዘ፥ ኤ Ꮉይቅቶ፥ ኤ ደንድቶ፥ ኤ ላምእንꬃ የእቶ ኦህዘ የሱስ ክርስቶሳ ዎንገለ ቃላ ኡንታና ቆፍዛነ። የሱስ ክርስቶሳ ደኦ አዝዘ ማህ ብእ፥ ማꬍቶ ዳንዳአራ ፋዶደ ፋና ኡንታና ቆፍዛነ። ይንራ የልꬅ፥ ማꬋ ኡን አማንቲ ጌሻትꬅቶ ፋታንዛኖን፥ «የሱስ ክርስቶሳ ቆንጭዘ ቃማ» ቤዝዘ አንጆ ኡን ኤኮደስ የዛኖ ቆፍዛነ።
ጻፍዘ፥ ኡን ማꬋ ዳንዳኦደ ፋና ምንꬅꬅዛንላ አፋ ክርስቶሳ ካልዘ አሱንꬅ የዛን ፋና የሳደ ፋና ቆፍዛነ።
ኣፈ ቆፉንꬅ
ሳር 1:1-2
ጾዚ ኑስ እንግደ አቶትꬅ 1:3-12
ጌሻትꬅ የስ 1:13—2:10
ማꬋ ዎደ አማንዘ አሱንꬅ Ꮉኖደስ ቤዝዘ ባዝ 2:11—4:19
ጭሙንꬅስን ናአቱንꬅስ እንግንትደ ዞረ 5:1-11
ጻꬅ ቆፋ 5:12-14
1
1 ታኒ፥ የሱስ ክርስቶሳ ሐዋረ ጴጥሮሳ፤ ጳንጦሰ፥ ጋላትያ፥ ቃጳዶቅያ፥ እስያን ብቲንያ ጋደ ላልንቲ በተ የዘ ጾዚ ዶርደ፥ አሱንꬅስ Ꮉይ ዳብዳቢዛ ጻፍዳ። 2 ጾዚ አደ ቲኒ ቆፕደ ባጋራ ዶርንትዱንꬅስ የሱስ ክርስቶሳስ ኪትንቶደስን ኤ ሱꬅተ ዉጹርክንትዱንꬃና ጌሽ አያናራ ጌዥዱንꬅስ፥ አꬎ ኬሃትꬅን ሳሮትꬅ ማቀ።
ደኦ ኡፋይስ
3 የሱስ ክርስቶሳ Ꮉይቆፓ ደንꬅደ ባጋራ ፋ ዳማ ማሮትꬅ ክለ የልንተራ ꬋቦሰ ኡፋይስ እንግደ ኑ ላꬄ የሱስ ክርስቶሳ አዳይ፥ ጾዘ ጋላትንቶ። 4 ማህ ጾዚ ይንትስ ꬋቦሰ፥ ኢቶሰን ቡቆሰ አንጆ ሳሎ ጊግዝዳ። 5 ይና አንጅታ ዎደ ዉርሱꬅተ ቆንጮደስ የዘ አቶትꬅትስ ጾዘ ዎልቃራ አማኖራ ይንትስ ናግንቲ የነ።
6 Ꮉተ ኤራꬅ ዎደ ይን ዱማ ዱማ ፋታና ኡንእንትኮን ይነ ኡፋይቶተ። 7 ይና ፋታንታ ይንታና የልዳና፥ ታማ ኦልን ꬋብዘ ዎርቃፓ ይን አማንታ አꬎን ቱሮ ማቅዛኖ ቤሳደስ። ይና ፋታንትደ አማንተ የሱስ ክርስቶሳ ላምእንꬃ ቆንጭዘ ዎደ ጋላታ፥ ቦንቾን ናሾ ይን ኤኮዳ። 8 ይን የሱሳ ብእካያ፥ የዝን ኤዛ ካꬋነ። ይን Ꮉተ ኤዛ ብእካይዘ ባዝ ማቅኮን፥ ኤዛ አማናነ። ማህ ኦሄራ ቆንጭሳደስ ዳንዳእንቶሰ ኡፋይሳራን ቦንቾራ ኩምዳ። 9 ይን አማኖራ ናግዘ ይን ሸምፕት አቶትꬅ ደንጎዳ።
10 ጾዛፓ ማቅደ አꬎ ኬሃትꬅ ባጋራ ይንትስ ማቅደ Ꮉና አቶትꬅትባዝ ናቡንꬅ ኤሮደስ ጋማ ቁርቸራ ምንꬂ ኮይዳ። 11 ኡን ግዳ የዘ ክርስቶሳ አያና ኤ ዋይት ባዝን ይንፓ ሱባ ዮኦደ ቦንችትባዝ ቲኒ ማርክꬍተራ፥ አይደ ዎይ ዋይዝ Ꮉኖደ የዛኮ ቆፒ ቁርችዳ። 12 ናቡንꬅ ኦህደ ትንቢታ ፋ ኦማስ ባይዝን ይንትስ ማቅዳኖ ጾዚ ይንትስ ቆንጭዝዳ። Ꮉተ አሱንꬅ ይንትስ ኦህደ ዎንገለ ሳሎፓ ኪትንትደ ጌሽ አያና ዎልቃራ ይንትስ ኦህዳ። ኪታንቹንꬅን ይኖ በአደስ አሙꬍዳ።
ጌሻትꬃራ የዘ
13 ይኒ ግሾ፥ ኦቻስ ይንታና ጊግዞተ፤ ይንታና አሆተ። የሱስ ክርስቶሳ ማህ ቆንጭዘ ዎደ ይን ኤኮደ ዳማ አቶትꬅ አꬎ ኬሃትꬅ አንጆ ኡፋይሳራ ካፎተ። 14 ጾዘ ናኡንꬅ ፋና ኤስ ኪትንቶተ፤ ይን ቲኖ ኤርካይዛራ ኦችደ ኢታ አሞ ካልፐተ። 15 የዝን ይንታና ጼግደ ጾዘ ጌሽ ማቅዳን ፋና ይንትን ይን የስተ ኡባ ጌሽ ማቆተ። 16 ጌሽ ማጻፍተ፥ «ታኒ ጌሽ ማቅደ ግሾ ይንትን ጌሽ ማቆተ» ጋእንት ጻፍንትዳ።
17 አስስ ስኖ ብእካይዛራ ኤ ኦችት ፋና ፍርድዘ ጾዛ፥ «ኑ አዳዮ» ጋእ ጼግዘባዝ ማቅኮ፥ Ꮉነ ሳአ ዛቆትꬅ የስተ ዣሽሞራ የዞተ። ሌዌ 11:44-45፤ 19:2 18 ይን፥ ይን አዱንꬃፓ ላትደ ፋꬆሰ የሳፓ ዎዝንትደ፥ ꬋብዘ ብራራ ዎይ ዎርቃራ ባይዛኖ ኤራነ። 19 የዝን ይን ዎዝንትዳና ቦረ ዎይ ሳንከ ባይዘ ጌሽ ዱሮ ሱꬅ ፋና አልኦ ማቅደ ክርስቶሳ ሱꬅተ። 20 ጾዚ አላመ መꬍንቶዳንፓ ቲኖ ክርስቶሳ ዶርዳ፥ የዝን ይና ዉርሱꬅ ዎድተ ክርስቶሳ ይን ግሾ ቆንጭዳ። 21 ይን አማንታን ይን ኡፋይስታ ጾዛራ ማቃደ ፋና ኤዛ Ꮉይቆፓ ደንꬂ፥ ቦንችደ ክርስቶሳ ባጋራ ጾዘ ግዳ አማናነ።
22 ይን ቱርስ ኪትንትተራ ጩቦ ባይዘ እሽቱሞ ካ ይን ሸምፕተ ምንꬂ ፈታይ ፈታያ ዎዝናፓ ዎል ካꬎተ።
23 ይን ላምእንꬃ የልንትዳና ꬋብዘ ኮቻፓ ባይዝን መዽና የዘ ጾዘ ቃላ ꬋቦሰ ኮቻፓ የልንትዳ። 24 ጾዘ ቃላ፥
«አስ ኡባ ማታ ፋና፤
ኤ ቦንችታ ኡባ ፉ ፋና።
ማታ መላነ፥ ፉꬍታን ጉፋነ።
25 የዝን ላꬄ ቃላ መዽና የነ»ኢሳ. 40:6-8
ያጋይዳ። ይንትስ ኦህንትደ ዎንገለ ቃልታ Ꮉኖ።