2
ደኦ ሹችን ጌሽ ዎርዣ
1 ይኬ፥ ኢታትꬅ ኡባ፥ ጭሞ ኡባ፥ ጩቦትꬅ ቅናተን ዝግርስ ኡባ ይንታፓ Ꮉሶተ። 2-3 ላꬂ ዳልጋ ማቅዳኖ ይን ኤርዛን ፋና Ꮉተ የልንትደ ዦጋ ናኡንꬅ ፋና ይን አቶትꬅተ ኤ ግዳ ድጭተራ Ꮉንጎደስ ጾዘ ጌሽ ቃላ ማꬅቶ ኡባ ዎደ አሙꬎተ።
4 አሳራ ቦርንቲ ጾዛራ ዶርንትደ ቦንቾ ማቅደ ደኦ ሹች፥ ላꬄ የሱሳጎ ሺቆተ። ማዝ. 34:8 5 ይን አያና ኬꬅ ኬጽንትዘ ደኦ ሹቹንꬃና። ይን የሱስ ክርስቶሳ ባጋራ ጾዚ ኡፋይስዘ አያና ዣርሾ ዣርሽዘ ጌሽ ካህኑንꬃና። 6 ጌሽ ማጻፍተ፥
«Ꮉይቼ፥ ታኒ ጽዮነ ካታማ፥
ዶርንትደ፥ ቦንቾ ማይዘነ ሹች ጋድዳ፤
ኤዛ አማንዘ ሞሎን ዬልꬎስ»
ያጋይዳ። 7 Ꮉይ ሹችዘ ይንትስ አማንዙንꬅስ ቦንቾ፥ የዝን አማኖሱንꬅስ፥ኢሳ. 28:16
«ኬጽዙንꬅ ቦሪ አሽደ ሹችዘ
ኡባፓ አꬍዘ ማይዘነስ ኦማ ሹች ማቅዳ።»
8 ማህን፥ ጌሽ ማጻፍተ፥ ማዝ. 118:22
«Ꮉይ ሹችዘ አስ ꬉቢዘ ሹችን
አስ ጎልእዘ ላላ»
ያጋይዳ። ኡን ይንስ ጋእንትደ ግሾ ጾዘ ቃላስ ኪትንታንጽ ꬉቡንታነ።
9 የዝን ጾዚ ꬉማፓ ጋማ ቆፍዘ ፋ ፎኦጎ ይንታና ጼግደ፥ ይን ኤ ሎኦትꬅቶ መሉንꬅስ ኦሆደስ ዶርንትደ ኮች፥ ካት ካህነን፥ ጌሽ ዎርዣን ጾዝስ ዱማ ዎርዣ። ኢሳ. 8:14-15 10 ይን ዛጋ ጾዘ ዎርዣ ባያ፥ የዝን Ꮉተ ይን ኤ ዎርዣ። ይን ዛጋ ማሮትꬅ ደንግካያ፥ የዝን Ꮉተ ማሮትꬅ ደንግዳ። ሆሴ. 2:23
ጾዘ አሮ ፋና የዘ
11 ታ እሹንꬆ፥ ይን Ꮉነ ሳእተ ዛቆን በተ ማቅዳን ፋና ይን አያና ደእቶ ኦልዘ አሾ አሞፓ Ꮉኮደ ፋና ታኒ ይንታና ዎሳነ። 12 አማኖሰ አሱንꬅ ይንታና ኢታ ኦችዘ አስ ፋና ዝግርዘ ዎደ ጾዚ ኑና በአደስ የእዘ ቃማ፥ ኡን ይን ሎኦ ኦችቶ ብእ ጾዝ ጋላቶደ ፋና ይንትስ ሎኦ የስ የዞ።
13 ላꬄ ግሾ ጋእ አህዘ አሱንꬅስ አቆተ፤ ኡባፓ ካታራ ማቅደ ግሾ ካትስን አቆተ። 14 ኡን ኢታ ኦችዙንꬃና ሴሮደስን ሎኦ ኦችዙንꬃና ናሾደስ ካትዘፓ ኪትንትደ ግሾ ዎርዥቶ አህዙንꬅስ አቆተ። 15 ይን ሎኦ ኦችተራ ኤሮሰ ቦዛ አሱንꬅ ኦህቶ ስእ ዪዝዘ ጾዘ ቆፋ። 16 ጾዘ አሮ ፋና ማቂ ዋሎትꬃ የዞተፕ አትን ይን ዋሎትꬅታ ኢታ ኦቻስ ኣችቸ ማህፐተ። 17 አስ ኡባ ቦንቾተ፤ አማንዘ አሱንꬃና ካꬎተ፤ ጾዝስ ዣሽቶተ፤ ካት ቦንቾተ።
ክርስቶሳ ዋየ አዝዘ
18 አሩንꬆ፥ ሎኦ ላꬁንስስን ዳልጋ ላꬁንꬅስ ጻላላ ባይዝን ኢቱንꬅስን ቦንቾራ አቆተ። 19 አስ ጾዝ ግሾ ጋእ ገነር ማꬋ ኤኪ ዳንዳእኮ ጾዚ ኤዛ አንጆዳ። 20 የዝን ይን ናጋራ ኦችን ይንታና ሴርዘ ዎደ ይን ዳንዳእኮ ይንትስ አኮ ጋላታ የዘ? የዝን ሎኦ ባዝ ኦቺ ማꬋ ዳንዳእኮ ጾዚ ይንታና ይንስ አንጆዳ። 21 ጾዚ ይንታና ጼግደ ይኒ ግሾስ፤ ክርስቶሳ ይንትስ ዋይንትዳ፤ ይን ኤዛ ካሎደ ፋና፥ ይንትስ አዝዘ ማቅዳ። 22 ኤ ናጋራ ኦችካያ፤ ኤ ዶንተ ጭሞ በንትካያ። 23 ኡን ኤዛ ጫዣደር ማህ ጫዥካያ። የዝን ማꬋ ኤክተራ ጽሎ ፍርድዘ ጾዘስ ፍርዳ አሽዳ ፋትን ማንድካያ። ኢሳ. 53:9 24 ኑኒ ናጋራስ Ꮉይቂ ጽሎትꬅስ የሳደ ፋና ክርስቶሳ ፋ አሽተ ኑ ናጋርቶ ማስቃላላ አፋ ቶክዳ፤ ይን ኤዛ ጋራፍን Ꮉርግደ በስትራ ፋጽዳ። ኢሳ. 53:7 25 ዛጋ ይን ኦገ ባል ꬋብደ ዱሮ ፋና፥ የዝን Ꮉተ ይን ሸምፖ የንግዘጎን ናግዘጎ ማቅዳ። ኢሳ. 53:5