1-2 ይኒ ፋና፥ ማቹንꬆ፥ ይን አዝኑንꬃፓ ጾዘ ቃላስ ኪትንቶሱንꬅ የዝኮ ዣሽሞራ የዘ ይን ጌሽ የስቶ ብእ ጾዘ ቃላ ባይꬅ ፋ ማቹንꬅ የስተ አማኖደ ፋና ኡንትስ ሎኦተ። 3 ይን፥ ይን ኦማ ዳደራን ዎርቃ አራ ዎይ ሎኦ አፉላ ማኤራ ማቅፈ። ኤፈ. 5:22፤ ቆላ. 3:18 4 የዝን ይን ዎዝንተ የዘ ሎኦትꬅታ ጾዘ ቲኖ ይንትስ ጋማ አልኦ ማቅደ ꬋቦሰ፥ ዳልጋን ዎፑ ጋይደ አያና ማቀ። 1 ጢሞ. 2:9 5 ጾዚ እንጎዳ ጋይዳኖ አማንደ ጌሽ ማቹንꬅ ዛጋ ዎደ ፋ አዝኑንꬅስ ኪትንት፥ ፋና ይኒ ጋር ጋማ ቦንችዝዳ። 6 ይኒ ጋራን ሳራ አብራሃማጎ፥ «ላꬆ» ጋእ ጼጊ፥ ኤስ ኪትንትዳ፤ ይንትን አኮን ዣሽትካይዛራ ሎኦ ባዝ ኦችኮ እ ናኡንꬃና።

7 ይንትን አዝኑንꬆ፥ ይን ማቹንꬅ ይንታፓ ዎልቃ ባይዘ መꬎ ማቅዳኖ ኤሪ፥ ኡንታና ቦንቾተ፤ ይን ዎስትስ ꬉበ ማቃመ ፋና ጾዚ እንግደ ደኦ ኡን ይንታራ ዎላ ላትዘ ግሾ ኡንታና ቦንቾተ.ኤፈ. 5:25፤ ቆላ. 3:19፤ መꬎ 18:12

8 ዉርሱꬅተ፥ ኡቡንꬅ ፈቲ ቆፋራ የዞተ። ዎል ካꬎተ፥ እሸ ፋና ዎል ካꬎተ፤ ማህ ፈታይ ፈታይስ ዳልጋን አዳ ማቆተ። 9 ኢታ ግሾ ኢታ ዎይ ጫሽ ግሾ ጫዥ ማህፐተ፤ ይኖ አሺ፥ ጾዚ ይንትስ አንጆ እንጎደስ ይንታና ጼግደ ግሾ አንጆተ። 10 አኮስ ጋይኮ፥ ጌሽ ማጻፍተ፥

13 ይን ሎኦ ባዝ ኦቾደስ አሙꬍኮ ይንታና ካዮደ ኦደ? 14 መለ አቶ የዝን፥ ጽሎትꬅ ግሾ ይን ማꬍꬍኮ አንጅንትዱንꬃና። አስስ ዣሽትፐተን ይርግፐተ። 15 ክርስቶሳ ይን ዎዝንተ ቦንቾተ፤ ይን ደእተ ላꬅ ማሆተ። ጾዚ ይንትስ እንግደ ኡፋይስቶ ኦጭዘ ኦደስን ማሄ እንጎደስ ኡባ ዎደ ጊጊ የዞተ፥ የዝን ይናን አዳትꬃራን ዣሽሞራ ማቀ። ማቶ. 5:10፤ ኢሳ. 8:12-13 16 ማህ ክርስቶሳ ግዳ የዘ ሎኦ የስቶ ጫዥዘ አሱንꬅ ኢታ ባዝ ኦችደ ፋና፥ ይንታና ዝግርዛነ ኡን ዬልꬋደ ፋና ሎኦ ዎዝና የሰ። 17 ጾዘ ቆፋ ማቅኮ ኢታ ባዝ ኦቺ ማꬋ ኤክዛንፓ ሎኦ ባዝ ኦቺ ማꬋ ኤክዛና ሎኦ። 18 ክርስቶሳ ኑና ጾዛጎ ሺሾደስ ፋስ ጽሎ ማቂ የዝተራ፥ ናጋራንቹንꬅ ግሾ ፈቲ ቶሄ ናጋራ ኡባስ Ꮉይቂዳ፤ ኤ አሾራ Ꮉይቂዳ፥ የዝን ጌሽ አያናራ ደኦ ማቅዳ። 19 ማህ የ አያንዘራ ኤ Ꮉንግ አች ኬꬃ የዘ ሸምፑንꬅስ ቃላ ኦህዳ። 20 ኖሄ ማርካበ ኬጽዘ ዎደ የንꬅ ሸምፑንꬅ ጾዝስ ኪትንታንጽዳ፥ የዝን ጾዚ ኡንታና ዳንዳእዳ። ኦስፉን አስ ጻላላ ማርካበ ገሊ፥ ꬋብሰ Ꮉꬅትፓ አትዳ። 21 የ ꬋብሰ Ꮉꬅዘ Ꮉተ ይንታና አሽዘ ጽንቃተ አዝዘ ማቅዳ። ይና ጽንቃታ ጋላ ꬎሃ ሜጨ ባይዝን ሎኦ ቆፋ ጾዛፓ ኤኮደስ ኡፋይስ ገልዘ ኦገ ማቂ፥ ክርስቶሳ ደንድት ባጋራ ይንታና አሻነ። 22 ኤ ሳሎ ኡዲ ጾዘ ምዛቅተ በትን፥ ኪታንቹንꬅን፥ ዎልቃ አዱንꬅ ኤስ Ꮉርንትዳ።