1 Ꮉንፓ ዛጋ ይን፥ ይን ናጋርትፓን ይን ቆህትፓ ደንዲ አያና ደእተ Ꮉይቂዱንꬃና። 2 ይንፓ ደንዲ ይን Ꮉና አላመ ኢታ ኦግቶ ካልዳ። ባቆላ አፋ የዘ አያኑንꬅ ዎልቃራ አህዘስ ኪትንታነ፥ ኤዝን ኪትንቶሰ አሱንꬃላ ኦችዘ ቱና አያና። ቆላ. 2:13 3 ኑ ኡቡንꬅ ዛጋ የሱንꬅ አሱንꬅ ግዳ ኑ አሾ አሞራ ኑ ዎዝና ቆፍቶ ካሊ የነ። መሉንꬅ ፋና ኑ መꬍተ ጾዘ Ꮉንቆ ኤኮደስ የዙንꬃና።

4 የዝን ጾዚ ፋ ማሮትꬅተ ዱረ ማቅደ ግሾ 5 ኑና ካꬍደ ዳማ ሲቅትፓ ድንድዳነ ኑ ቆህትራ Ꮉይቂዱንꬃና ማቅደ ዎደ ክርስቶሳራ ደኦ እንግዳ። ኤ አꬎ ኬሃትꬅተ አትዳ። 6 ጾዚ ኑና ክርስቶሳራ ባጋራ Ꮉይቆፓ ደንꬂ ሳሎ በሳ ኤራ ዎላ ጋድዳ። 7 ኤ ይኖ ኦችዳና፥ ክርስቶሳ የሱሳ ባጋራ ኑስ ቆንጭደ ፋ ኬሃትꬅቶን ልከ ባይዘ ፋ አꬎ ኬሃትꬅ ዱረትꬅቶ ዮኦደ በረ ኑና ቤዞደስ። 8 አꬎ ከሃትꬅታ አማኖራ አሽዳ። ይናን፥ ጾዘ እሞ ፋትን ይንታፓ ባያ። 9 ኦንን ጬቅንታመ ፋና ኦቻራ ባያ። 10 ኑኒ ጾዘ መꬎ፤ ኤ ኑስ ቲኒ ጊግዚ ጋድደ ሎኦ ኦቻ ኦቾደ ፋና ክርስቶስ የሱሳ ባጋራ ክለ መꬍንትዳ።

11 ይኒ ግሾ፥ ይን የልንተራ አይሁደ ማቆሱንꬆ፥ አሾራ ኩሸራ ጋራዝንትዱንꬅ ካለ፥ ጋራዝንትካያ ጋእንተዙንꬆ፥ ይኖ ቆፖተ። 12 የ ዎደ ይን ክርስቶሳፓ ሻክንት የዝዳ፥ እስራኤለ አሱንꬅስ አላጋ ማቂ የዝዳ፥ ጾዘ ኡፋይስ ቃላፓ Ꮉኪ የዝዳኖን Ꮉና አላምት ኡፋይስን ጾዚ ባይዝን የዙንꬃና ቆፖተ። 13 የዝን ይን ዛጋ Ꮉኪ የዙንꬃና፥ Ꮉተ ክርስቶስ የሱሳ የዘ ክርስቶሳ ሱꬅተ ካለ ሺቅዳ።

14 ክርስቶሳ ኑስ ሳሮ፤ ኤ አይሁደን አይሁደ ማቆሰ አሱንꬃና ፈቶ ማህ፥ ላምእ ሻኪ ጋድደ ሞርከትꬅ ዶቸ ላልዳ። 15 ላምእ ዎርዡንꬃፓ ኤ ፋራ የሳደ ፋና ፈቲ ክለ አስ መꬎደስ፥ ህገ ኪቶን ዎግቶ ፋ አሽተ ꬋብሲ ሳሮ እንግዳ። 16 ክርስቶሳ ማስቃላላ Ꮉይቂ ሞርከትꬅቶ ꬋብስዳ፤ ማህ ላምእ ዛሩንꬃና ፈቲ አስ ማህ ጾዛራ ጊግዝዳ። ቆላ. 2:14 17 ክርስቶሳ ይእ፥ ጾዛፓ Ꮉኪ የዘ ይንትስን፥ ማህ ኡከ የዘ አይሁዱንꬅስ ሳሮትꬅ ዎንገለ ኦህዳ። ቆላ. 1:20 18 ኑ ኡባ ኤ ባጋራ ፈቲ አያናራ አዳይ ቲኖ ሺቆዳ። ኢሳ. 57:19

19 ይኬፓ ይን ዛቆን በተ አስ ባያ፥ የዝን ይን Ꮉተ ጌሹንꬃራ ጋደ አስን ጾዘ ካራ አስ። 20 ይን ሐዋሩንꬅን ናቡንꬅ ባስደ ባሳላ ኬጽንትዳ። ዶቸ ጻጶ ምንꬅዘ ሹችዘ ክርስቶስ የሱሳ። 21 ኤላ ኬꬅታ ኡባ አይክንቲ ላꬄ ግዳ ጌሽ ጾዘ ኬꬂ ማቃደ ዎንꬅስ ዳማነ። 22 ኤራ ይን ማህ ጾዘስ አቅዘ ኬꬂ ማቂ አያናራ ዎላላ ኬጽንቶዳ።