1 ይኒ ግሾ፥ ታኒ፥ ጳዉሎሳ፥ አይሁደ ማቆሰ ይን ግሾ ክርስቶስ የሱሳ አች አስ ማቅዳ። 2 ይንትስ ታና እንግደ ጾዘ አꬎ ኬሃትꬅ አስታማረ ታ ማቀዛኖ ይን ሎይꬂ ስእዳ። 3 ታ ይንትስ ዛጋ Ꮉታራ ጻፍዳን ፋና ጾዚ ፋ ሳዛ ቆፋ ታስ ቆንጭꬃራ ኤርስዳ። 4 ታ ጻፍዳኖ ይን ናባብዘ ዎደ ክርስቶሳ ሳዛ ቆፋ ታ አኮ ጋር አካኬዛኮ ይን በአደስ ዳንዳአነ። 5 ይና ሳዛ ቆፍታ ጾዘ አያናራ ጌሽ ሐዋሩንꬅስን ናቡንꬅስ Ꮉተ ቆንጭዳን ፋና ዛጋ ዎደ አሱንꬅስ ይኒ ጋር ቆንጭዝካያ። ቆላ. 1:26-27 6 ይናን ቤዛና አይሁደ ማቆሱንꬅ እስራኤሉንꬃራ ፈትላ ጾዘ አንጆ ላቶደስ ፈቲ አሳትꬅ ብልተ ማቂ፤ ጾዚ እንግዘ ኡፋይስ ዎንገለ ባጋራ የሱስ ክርስቶሳራ ሻክንትዙንꬃና ማቃደስ።

7 ጾዘ ፋ ዎልቃ ኦቻራ ፋ እንግደ አꬎ ኬሃትꬅት እሞ ባጋራ ዎንገለ ኦችዛያ ማቅዳ። 8 ታኒ ጌሹንꬅ ኡባፓ ላፋ ማቅኮን አይሁደ ማቆሰ አሱንꬅስ ዉዙላ ባይዘ ክርስቶሳ ዱረትꬅ ዎንገለ ኦሆደ ጋር አꬎ ኬሃትꬅ ታስ እንግንትዳ። 9 ማህ ዛጋ ዎደ ኡባ መꬍደ ጾዛራ አችንት የዘ ሳዛ ቆፋ፥ ጾዘ ቆፍታ አኮ የዛኮ ቆንጭሳደስ አꬎ ኬሃትꬅ ታስ እንግንትዳ። 10 ጾዚ ይኖ ኦችደ Ꮉተ ዎደ ዎሳ ኬꬂ አሱንꬅ ባጋራ ሳሎ የዘ Ꮉላቁንꬅስን አህዙንꬅስ ፋ ዱማ ዱማ ቆንጭꬅቶ ኤርሶደስ። 11 ይናን ክርስቶስ የሱሳ ባጋራ ኑ ላꬄ ፎልደ መዽና ቆፋ። 12 ኑ ክርስቶሳስ ማቅዳንራን ኤዛ አማንዳን ጋራ ጾዘ ቲኖ ሚንግ አማንንቲ ሺቆደስ ዳንዳአነ።

13 ታኒ ይን ግሾ ማꬋ ኤክዛና ኑስ ቦንቾ ይኒ ግሾ ታ የልዘ ማꬍቶ ብእ ኡፋይስ ጋችፈተ ጋእ ይንታና ዎሳነ።

14 ታኒ አዳይ ቲኖ ቡንቁንቲ ዎስዘ Ꮉኒ ግሾስ። 15 ሳሎ ሳአ የዘ ፈቲ ፈቲ ካራ አሱንꬅ ቱሪ ሱንꬅ ደንግዘ ጾዛፓ። 16 ጾዚ ፋ ቦንቾ ዱረትꬃፓ ይን ጋꬃ ቆፍቶ ምንꬅዘ ዎልቃ ፋ አያና ባጋራ እንጎደ ጋር ይንትስ ዎሳነ። 17 ማህ አማኖራ ክርስቶሳ ይን ዎዝንተ የሳደ ጋራን ይን ሲቆራ ጻጶ ዳኪ ሚንግ የሳደ ጋር ዎሳነ። 18 ይኒ ፋና፥ ክርስቶሳ ሲቆ አኮ ጋር ዳልጋ፥ ጳርጎ፥ ꬎቂን ጪሞ የዛኮ ጌሹንꬅ ኡቡንꬃራ አካኪ ኤሮደ ጋር ዎሳነ። 19 ይና አስ ኤራትꬃፓ ꬎቃ ማቅደ ክርስቶሳ ሲቆ ይን ኤሮደ ጋራን ጾዘ ፎሎ ኩሙꬅ ይን ኩሞደ ፋና ታ ዎሳነ።

20 ይኬ፥ ኑ ግዳ ኦችዘ ዎልቂት ባጋራ ኑኒ ዎስዛንፓ ዎይ ቆፕዛንፓ ኡባ አꬂ ኦቾደስ ዳንዳእዘስ፥ 21 ኤስን ዎሳ ኬꬃ አሱንꬅስ ኡባ ክርስቶስ የሱሳ ዎደ ኡባ መꬍፓ መዽና የሎደስ ቦንቾ ማቀ። አምንኤ።