4
ክርስቶሳራ የዘ ፈተትꬅ
1 ይኬ፥ ላꬄስ አጭንትደ ታኒ፥ ይን ጼግንትደ ጼግስተ ቤዝዘ ደኦር የሳደ ፋና ዎሳነ። 2 ሲቆራ ፈታይ ፈታያ ዳንዳእተራ ኡባ ዎደ አዳትꬃራን ዳልጋትꬃራ ዎል ዳንዳእ የዞተ። 3 ሳሮትꬃራ አጭንትደ አያና ፈተትꬅ ናጎደስ ምንጎተ። ቆላ. 3:12-13 4 ይን ጼግንትዳና ፈቲ ኡፋይስ ጼግꬅ ማቅደ ግሾ ፈቲ አሳተꬅን ፈቲ አያና የነ። 5 ፈቲ ላꬂ፥ ፈቲ አማኖን ፈቲ ጽንቃተ የነ። 6 ኡባንፓ ꬎቃ ማቅደ፥ ኡባላ ኦችዘ ኡባ በሳ የዘ ፈቲ ጾዚ፥ ኡቡንꬅ አደ የነ።
7 የዝን ክርስቶሳ እንጎደስ ኮይዳን ፋና ኑስ ፈተስ ፈተስ ዱማ ዱማ እሞትꬅ እንግዳ። 8 ይኒ ግሾ፥ ጾዘ ቃልተ፥
«ኤ ኡደ ከዝደ ዎደ ድእንቶደስ የዙንꬃና ድእዳ፥
አሱንꬅስን እሞትꬅ እንግዳ»
ያጋይዳ። 9 ሱለ ሳአ ኦሞ ዎꬍዳ ጋኤ ማቃንጽኮ ይና «ኡደ ከዝዳ» ጋዛና አኮ ጋኤ?ማዝ. 68:18 10 የ ሱለ ዎꬍዳይ፥ ማህ ኡባነ በንቶደ ዎንꬅስ ሳሎ ኡባስ ካታር ኬዝዳይ ኤዛ።
11 ኤ ፈታ ፈታ ሐዋሩንꬃና፥ ፈታ ፈታ ናበ፥ ዎንገለ ሳባኩንꬃና፥ ዎሳ ኬꬅ የንግዙንꬃናን፥ አስታማሩንꬃና ማህ እንግዳ። 12 ኤ ይኖ ኦችዳና ክርስቶሳ ጋላ ማቅደ ዎሳ ኬꬅታ ጌሻደ ፋናን አማንዘ አሱንꬃና ጾዘ ኦቻስ ጊግሳደስ። 13 ይኒ ፋና፥ ኑ ኡባ ጾዘ ናአ ኤሪ አማኖራ በንትዘ ፈተትꬃጎ የሊ፥ ክርስቶሳ ፎሎን ኩሙꬅ ማቅደ ፋና ኑንን ኩሙꬅ አስ ማቃደ ፋናስ።
14 ይኬፓ ሱባ፥ አሱንꬅ ገነ ጭሞራ ጊግደ ባልꬅዘ ዎርዶ ትምርተ ባቆራን ዙሉንተራ ጎደን Ꮉንካ ሾላለ ካእዘ ናኡንꬅ ፋና ማቆደስ ቤዞስ። 15 የዝን ኑኒ ቱሮ ሲቆራ አይꬅꬂ ኡባ ባዛራ ኤጎ ኦማ ማቅደ ክርስቶሳጎ ድቾዳ። 16 ኤፓ ደንዲ ጋላ ኡባ ብልተ ዎጋራ ኦቾደ ፋና አጭንትደ ጋላ ጻጶ ሻዣራ አይክንቲ ፋና ሲቆራ ኬጽተራ ፋ ጋልቶ ድቻነ። ቆላ. 2:19
ክርስቶአራ ክለ ደኦ
17 ይኬፓ ቆፋ ባይዘ አይሁደ ማቆሰ አሱንꬅ ፋና የዝፐተ ጋእ ላꬄ ቲኖ ማርክꬋነ። 18 ኡን ቆፍታ ꬉምዳ፤ ፋ ዎዝንተ ꬉምዳ። ጾዚ እንግዘ ደኦፓን Ꮉክዳ። 19 ኡን ዬላ ጋዘባዝ ኤሮስ፤ ኡን ቱና ባዝ ኦቾደስን አሾ አሞትꬅስ ፋና አꬂ እንግዳ።
20 ይን ክርስቶሳ ባዝ ይኒ ጋር ታማርካያ። 21 ቱርፓ ይን ስእዳ። ማህ የሱሳ ግዳ ቱሪ የዛኖ ታማርዳ። 22 ይን ቲኖ የዝደ ዎግቶ አሾተ። ማህ ጭምዘ አሞራ ꬋብዘ ይን ጋልአ ቆፍቶ Ꮉሶተ። 23 ይን ዎዝና አያናራ ክልꬎተ።ቆላ. 3:9 24 ቱሪ ጽሎትꬃራን ጌሻትꬃራ ጾዚ አዚ መꬍንትደ ክለ አሳትꬅቶ ማኦተ።
25 ይኬ፥ ዎርዶ ኦህንትፐተ። ኑኒ ኡቡንꬅ ክርስቶሳ ጋላ ብልተ ማቅደ ግሾ አስ ኡባራ ቱሮ ኦህንቶተ። መꬎ 1:26፤ ቆላ. 3:10 26 ካጮተ፥ የዝን ይን ናጋራ ኦችፈተ። ይን ካቻራ የዝን አዋ ገልፐ። 27 ጻላሄስ በሲ እንግፈተ። 28 ካይስትዘ ይኬፓ ካይስትፐ። የዝን ዳሁንꬃና ማድዘ ባዝ የሳደ ፋና ፋ ኩሸራ ሎኦ ባዝ ኦቾ።
29 ይን ዶንትፓ ሙሎን ኢታ ቃላ ኬዝፐ። የዝን ስእዙንꬃና ኡፋይሶደስን ምንꬆደስ ቤዝዘ ሎኦ ቃላ ይን ዶንትፓ ከዞ። 30 ዎዞ ቃማስ አታሚ ጋድደ ጌሽ ጾዘ አያና አዛንꬅፈተ። 31 ሞርከትꬅ፥ ዥሎ፥ ካች፥ ኡፎ፥ ጫሽን ኢታ ኡባ ይንታፓ Ꮉሶተ። 32 አꬂ ፈታይ ፈታይስ ኬሃን ይቅስንትዙንꬃና ማቆተ። ጾዚ ክርስቶሳ ባጋራ ይንትስ አቶ ጋይዳን ፋና ይንትን ዎልስ አቶ ጋኦተ።